logo

фарҳанг

ЛИБОСИ МИЛЛӢ - ШИНОСНОМАИ МИЛЛАТ

Халқи   тоҷик  чун  кулли  мардуми  мутамаддини  дунё  расму  ойинҳои  худро  дорад ва барои  пойдору  устувор  нигоҳ  доштани  онҳо  ҳамеша  талош меварзад. Вазифаи мо - имрӯзиён аст, ки беш аз пеш барои ҳастии расму ойинҳои миллӣ чун ҷузъи фарҳанги ин миллати тамаддунофар тадбирҳои бетаъхир андешем. Таъкиди Асосгузори сулҳу ваҳдати миллӣ - Пешвои миллат,  Президенти  кишвар муҳтарам  Эмомалӣ  Раҳмон, ки мегӯянд:  «Мардуми  мо  бояд  ба  урфу  одати  бегонагон   тақлид  ва  ё  пайравӣ  накунад.  Тарзи  ба бар  кардани  либоси  миллиро  аз  модарҳоямон  омӯзед». Пас,  чаро  мо  имрӯз  рӯ  овардем  ба фарҳангу  ойинҳои бегона?  Ҳар гоҳ,  ки  ба хиёбонҳои  шаҳр  ба  сайру  гашт  мебароям,  дар  гулгаштҳо  хориҷиёнро  мебинам ва маҳз аз  тарзи  либоспӯшиашон шаҳрванди  кадом  давлат  буданашонро тахмин мезанам.  Чаро  мо  дар  кишвари  худ  фарҳанги  либоспӯшии  хешро,  бахусус,  миёни  занон  намоиш  дода  наметавонем.  Ҳатто масъулини баъзе аз шабакаҳоямон барои сабти намоиш дар чанд қатори пеш нишастани хоса ҷавондухтаронро бо либосҳои миллӣ эб намебинанд.
Чунин муносибат ба либоси миллӣ моро то куҷо хоҳад бурд ва чӣ меросе ояндагонро аз мо интизор аст?
Ҷонона  Сангинова,  донишҷӯйи  курси  аввали  факултети   журналистикаи  ДМТ  андеша дорад,  ки  дар  ҷаҳони  муосир   эҳтироми  фарҳангу   ҳувияти  миллӣ   дар  мадди  аввал  аст.  - Ман   ҳамчун  як  бонуи  тоҷик  мехоҳам бигӯям, ки ба таври шоиста намоиш додани либоси миллӣ ин кори дастҷамъона аст. Ҳам хона, ҳам мактаб ва ҳам ҷомеа наметавонанд дар ин масъала бетараф бошанд. Махсусан тарроҳон, ки мубаллиғони асосии «муд» маҳсуб меёбанд, бояд ба талаботи замон ва завқи ҷавондухтарони мо либосҳои миллии тоҷикиро омода ва муаррифӣ карда тавонанд. Ба либоси миллӣ бояд дар тамоми шабакаҳои телевизионӣ ва кулли намоишҳои фарҳангӣ авлавият дода шавад. Барномаи «Шаббода» намунаи беҳтарини гуфтаҳои мазбур аст, ки, мутаассифона, чанд вақти охир дар эфир нест. Аксаран  либосҳои  дар муд буда ҳарчанд аз матои миллӣ омода шудааст, дар он қариб хусусиятҳои миллӣ дида намешавад. Дуруст аст, ки тарроҳ хости фармоишгарро иҷро мекунад, вале бо вуҷуди ин агар хоҳиш бошад, дилхоҳ дӯзандаи шинохта метавонад сафи талабгорони либосҳои миллиро ба таври чашмрас зиёд намояд.
Мунаваршо   Пиров,   донишҷуйи  курси  аввали  факултети  журналистикаи  Донишгоҳи  миллии  Тоҷикистон, мегӯяд,  ки  ба  духтари  тоҷик  ягона  либоси  миллии  худ  мезебад.   Ҳусни  духтари тоҷикро танҳо  либоси  миллиаш  мекушояд,  гӯё ки барои ӯ офарида шуда  бошад.  Куртаҳои бо  иффатонаи  тоҷикӣ  фақат ба  зани тоҷик мезебад.  Агар  либоси  тоҷикиро  ба  хориҷие  пӯшонем,  бегона  буданаш  зуд маълум  мегардад.  Фикр мекунам, агар  корҳои  фаҳмондадиҳӣ  миёни бонувони мо бештар роҳандозӣ шавад, ҳанӯз ҳам дер нашудааст. Муқаддас  доштани  либоси  миллӣ  яке  аз нишонаҳои  миллати  хешро  дӯст   доштан  ва  ба  он   эҳтиром  қоил  будан  аст, ки инро ҳар як бонуи боиффати тоҷик ба хубӣ дарк мекунад. 
Ба андешаи Латофат Назарова, устоди   ДМТ, муовини  декан  оид  ба  тарбия,  ифтихори миллӣ  аз  фарҳанги  миллӣ   сарчашма  мегирад.  Мо  худро  миллати  ватандӯст  гуфта  фахр  мекунем. Пас, барои нишон додани ҳисси ватандӯстиамон  корҳои назаррасро бояд анҷом дод. Меъёрҳои миллиро  нигоҳ  доштан вазифаи ҳар як фарди ватандӯсту ватанпарвар аст.  Ҳам аз тарроҳ, ҳам волидайн, ҳам омӯзгор ва ҳам ҷомеа. Бетарафӣ ба расму ойинҳои миллӣ бетарафӣ ба фарҳанги миллист, фарҳанг, ки маҳз ҳастии миллат маҳсуб меёбад.
С. ШОДМОН,  «Ҷумҳурият»


Баёни ақида (0)    Санаи нашр: 17.03.2016    №: 53    Мутолиа карданд: 512

16.08.2018


Рӯзноманигорони ӯзбек меҳмони Тоҷикистон

15.08.2018


ЛЕВАКАНТ. Пастравии сатҳи ҷинояткорӣ дар байни ноболиғон

БАЛҶУВОН. Бунёди 14 иншоот

САНОАТ ДАР НОҲИЯИ МИР САЙИД АЛИИ ҲАМАДОНӢ КОҲИШ МЕЁБАД,ЧАРО?

КИШОВАРЗӢ ДАР НОҲИЯИ ТЕМУРМАЛИК АФЗАЛИЯТ ДОРАД

14.08.2018


ТОҶИКИСТОН – ҚАЗОҚИСТОН. Нахустҷаласаи Шӯрои корӣ ва ҳамоиши соҳибкорон

МАҚОМОТИ СУДӢ ВА ВАО. Иқдоме барои таҳкими ҳамкориҳо

"ЗЕБОНИСО". Аввалин чемпиони Тоҷикистон оид ба футбол миёни бонувон

ММТ: "Беш аз 50 ҳазор довталаб донишҷӯ шуд"

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе


Дар сомонаҳои дигари Тоҷикистон хонед