logo

қонунҳои ҶТ

ҚОНУНИ ҶУМҲУРИИ ТОҶИКИСТОН ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ РОҲҲОИ АВТОМОБИЛГАРД ВА ФАЪОЛИЯТИ РОҲДОРӢ»

Моддаи 1. Ба Қонуни Ҷумҳурии Тоҷикистон аз 10 майи соли 2002 «Дар бораи роҳҳои автомобилгард ва фаъолияти роҳдорӣ» (Ахбори Маҷлиси Олии Ҷумҳурии Тоҷикистон, с. 2002, № 4, қ. 1, мод. 296; с. 2009, №№ 7 - 8, мод. 498; с. 2013, № 7, мод. 527, № 12, мод. 895) тағйиру иловаҳои зерин ворид карда шаванд:
1. Номи Қонун бо ҳарфҳои калон навишта шавад.
2. Муқаддимаи Қонун дар таҳрири зерин ифода карда шавад:
«Қонуни мазкур асосҳои ҳуқуқӣ ва  ташкилии  фаъолияти роҳдориро муайян намуда, ба тараққӣ додани шабакаҳои роҳҳои автомобилгард ва беҳтар кардани истифодаи онҳо ҷиҳати таъмини интиқоли мусофирон ва борҳо равона шудааст.».
3. Бобҳои Қонун бо рақамҳои арабӣ ишора карда шаванд.
4. Номи боби I дар таҳрири зерин ифода карда шавад:
«БОБИ 1. МУҚАРРАРОТИ УМУМӢ».
5. Дар моддаи 1:
- қисми якум дар таҳрири зерин ифода карда шавад:
«Дар Қонуни мазкур мафҳумҳои асосии зерин истифода мешаванд:»;
- сархатҳо бо аломати дефис «-» ишора карда шаванд;
- дар сархатҳои якум ва дувоздаҳум калимаҳои «инженерие», «инженерии» ва «зиннатӣ» мувофиқан ба калимаҳои «муҳандисие», «муҳандисии» ва «ороишӣ» иваз карда шаванд;
- дар сархатҳои панҷум, шашум ва даҳум калимаҳои «шахсони ҳуқуқӣ ва воқеӣ» ба калимаҳои «шахсони воқеӣ ва ҳуқуқӣ» иваз карда шаванд;
- дар сархати ҳафтум калимаи «роҳ» ба калимаи «роҳдорӣ» иваз карда шавад;
- дар сархати ҳаштум калимаҳои «шахсони дигари ҳуқуқӣ ва воқеӣ» ба калимаҳои «шахсони дигари воқеӣ ва ҳуқуқӣ» иваз карда шаванд;
- сархатҳои сездаҳум ва чордаҳум бо мазмуни зерин илова карда шаванд:
«- объектҳои хизматрасонӣ дар роҳ - биною иморат, иншоот ва дигар объектҳое, ки барои хизматрасонии иштирокчиёни ҳаракат дар роҳ пешбинӣ шудаанд (нуқтаҳои фурӯши сӯзишворӣ, терминалҳо, меҳмонхонаҳо, таваққуфгоҳҳо барои воситаҳои нақлиёт);
- роҳҳои автомобилгарди пулакӣ - роҳҳои автомобилгарде, ки истифодабарии онҳо дар асоси пулакӣ тибқи талаботи қонунгузории Ҷумҳурии Тоҷикистон пешбинӣ шудааст;».
6. Ба Қонун моддаи 11 бо мазмуни зерин илова карда шавад:
«Моддаи 11. Вазифаҳои Қонуни мазкур
Вазифаҳои Қонуни мазкур иборатанд аз:
- таъмини амният ва тараққиёти роҳҳои автомобилгард, беҳтаргардонии ҳолати техникии онҳо;
- мусоидат ба ҷорӣ намудани технологияҳои нав ва стандартҳо дар соҳаи фаъолияти роҳдорӣ;
- таъмини рақобати босамар ва солим дар бозори кор ва (ё) хизматрасонӣ;
- беҳтаргардонии фазои сармоягузорӣ дар соҳаи фаъолияти роҳдорӣ;
- таъмини пайвастшавии роҳҳои автомобилгард ба шабакаҳои нақлиёти байналмилалӣ.».
7. Дар матни моддаи 2, қисми сеюми моддаи 17 ва қисми якуми моддаи 48 калимаи «меъёрию» ба калимаи «меъёрии» иваз карда шавад.
8. Дар сархати шашуми моддаи 3 калимаҳои «баробарии ҳуқуқи шахсони ҳуқуқӣ ва воқеӣ» ба калимаҳои «баробарҳуқуқии шахсони воқеӣ ва ҳуқуқӣ» иваз карда шаванд.
9. Дар сархати дуюми қисми дуюми моддаи 5 калимаҳои «моликияти мақомоти ҳокимияти иҷроия дар маҳалҳо мебошанд» ба калимаҳои «ба моликияти коммуналӣ тааллуқ доранд» иваз карда шаванд. 
10. Дар моддаи 8:
- дар қисми якум калимаи «баланси» ба калимаи «мувозинати» иваз карда шавад;
- дар қисми дуюм калимаҳои «шахсони ҳуқуқӣ ва ё воқеӣ» ба калимаҳои «шахсони воқеӣ ва ҳуқуқӣ» иваз карда шаванд.
11. Ҷумлаи якуми қисми сеюми моддаи 9 хориҷ карда шавад.
12. Дар қисми сеюми моддаи 11 ва қисми сеюми моддаи 20 калимаи «баланси» ба калимаи «мувозинати» иваз карда шавад.
13. Дар матни моддаи 14 калимаи «салоҳияти» ба калимаи «ваколати» ва калимаи «давлати» ба калимаи «давлатӣ» иваз карда шаванд.
14. Дар моддаи 16:
- қисмҳои якум ва дуюм ҳамчун қисми якум ҳисобида шуда, дар таҳрири зерин ифода карда шаванд:
«Фаъолияти роҳдорӣ дар Ҷумҳурии Тоҷикистон тибқи  Қонуни  мазкур  ва  Қонуни  Ҷумҳурии  Тоҷикистон «Дар бораи иҷозатномадиҳӣ  ба баъзе  намудҳои фаъолият» амалӣ мегардад.»;
- қисми сеюм мувофиқан қисми дуюм ҳисобида шавад.
15. Дар моддаи 17, ном ва қисми якуми моддаи 18, қисми дуюми моддаи 30 ва сархати дуюми моддаи 40 калимаи «амволи» ба калимаҳои «молу мулки» иваз карда шавад.
16. Дар моддаи 19:
- дар қисми дуюм калимаҳои «иҷрокундагони» ва «конкурси» мувофиқан ба калимаҳои «иҷрокунандагони» ва «озмуни» иваз карда шаванд; 
- дар қисми панҷум калимаҳои «шахсони ҳуқуқӣ ва воқеӣ» ба калимаҳои «шахсони воқеӣ ва ҳуқуқӣ» иваз карда шаванд.
17. Аз қисми дуюми моддаи 20 калимаи «мақомоти» хориҷ карда шавад.
18. Дар моддаи 22:
- дар қисми дуюм калимаҳои «нуқтаҳои фурӯши сӯзишворӣ ва дигар иншоотҳои хизматрасонӣ дар ҳудуди роҳ» ба калимаҳои «объектҳои хизматрасонӣ дар роҳ» иваз карда шаванд;
- дар қисми чорум калимаи «актҳои» ба калимаи «санадҳои» иваз карда шавад.
19. Дар қисми чоруми моддаи 25 калимаҳои «инженерии» ва «талофӣ» мувофиқан ба калимаҳои «муҳандисии» ва «ҷуброн» иваз карда шаванд.
20. Дар қисми якуми моддаи 26 калимаи «туннелҳои» ба калимаи «нақбҳои» иваз карда шавад.
21. Ҷумлаи дуюми қисми дуюми моддаи 28 хориҷ карда шавад.
22. Дар қисми якуми моддаи 31 калимаҳои «муҳофизати табиати Ҷумҳурии Тоҷикистон оиди» ба калимаҳои «Ҷумҳурии Тоҷикистон дар бораи ҳифзи муҳити зист оид ба» иваз карда шаванд. 
23. Дар моддаи 34:
- аз қисми якум калимаи «замини» хориҷ карда шавад;
- дар қисми дуюм калимаи «характери» ба калимаи «хусусияти» иваз карда шавад.
24. Дар қисми сеюми моддаи 35 калимаи «режими» ба калимаи «низоми» иваз карда шавад.
25. Дар моддаи 36:
- дар қисми панҷум калимаҳои «хоҷагии қишлоқ» ба калимаи «кишоварзӣ» иваз карда шаванд;
- дар қисми шашум калимаҳои «мутобиқи тартиботи муқарраркардаи қонунгузории ҷорӣ дар бораи замин» ба калимаҳои «тибқи тартиби муқаррарнамудаи қонунгузории Ҷумҳурии Тоҷикистон» иваз карда шаванд.
26. Дар қисми дуюми моддаи 38 калимаҳои «(минбаъд – роҳи пулакӣ)» хориҷ ва калимаи «тунеллҳо» ба калимаи «нақбҳо» иваз карда шаванд.
27. Дар моддаи 41:
- дар сархати сеюми қисми якум калимаи «накунад» ба калимаи «кунанд» иваз карда шавад;
- дар қисмҳои дуюм ва сеюм калимаҳои «талофӣ» ва «талофии» мувофиқан ба калимаҳои «ҷуброн» ва «ҷуброни» иваз карда шаванд.
28. Дар қисми чоруми моддаи 43 калимаи «актҳои» ба калимаи «санадҳои» иваз карда шавад.
29. Дар қисми дуюми моддаи 44 калимаи «статуси» ба калимаи «вазъи» иваз карда шавад.
30. Дар қисми шашуми моддаи 45 калимаи «инженерии» ба калимаи «муҳандисии» иваз карда шавад.
31. Боби VII дар таҳрири зерин ифода карда шавад:
«БОБИ 7. МУҚАРРАРОТИ ХОТИМАВӢ
Моддаи 50. Ҷавобгарӣ барои риоя накардани талаботи Қонуни мазкур
Шахсони воқеӣ ва ҳуқуқӣ барои риоя накардани талаботи Қонуни мазкур мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.».
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти
Ҷумҳурии Тоҷикистон       Эмомалӣ РАҲМОН
ш. Душанбе, 15 марти соли 2016, № 1302


Қарори Маҷлиси намояндагони Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи роҳҳои автомобилгард ва фаъолияти роҳдорӣ»
Маҷлиси намояндагони Маҷлиси Олии Ҷумҳурии Тоҷикистон  қарор мекунад:
1. Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи роҳҳои автомобилгард ва фаъолияти роҳдорӣ» қабул карда шавад.
2. Қарори Маҷлиси намояндагони Маҷлиси Олии Ҷумҳурии Тоҷикистон «Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи роҳҳои автомобилгард ва фаъолияти роҳдорӣ» аз 4 ноябри соли 2015, № 221 аз эътибор соқит дониста шавад.

Раиси Маҷлиси намояндагони
Маҷлиси Олии Ҷумҳурии Тоҷикистон      Ш. ЗУҲУРОВ
ш. Душанбе, 27 январи соли 2016, № 330

Қарори Маҷлиси миллии Маҷлиси Олии Ҷумҳурии Тоҷикистон
«Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи роҳҳои автомобилгард ва фаъолияти роҳдорӣ»
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи роҳҳои автомобилгард ва фаъолияти роҳдорӣ»-ро баррасӣ  намуда, қарор мекунад:
Қонуни Ҷумҳурии  Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи роҳҳои автомобилгард ва фаъолияти роҳдорӣ» ҷонибдорӣ карда шавад.

Раиси  Маҷлиси миллии Маҷлиси
Олии Ҷумҳурии Тоҷикистон   М. УБАЙДУЛЛОЕВ
ш. Душанбе, 3 марти  соли 2016, № 199


Баёни ақида (0)    Санаи нашр: 25.03.2016    №: 58    Мутолиа карданд: 841

22.01.2020


Лигаи чемпионҳо. Ғалабаи "Истиқлол" бар "Локомотив"

ОЗМУН БАХШИДА БА РӮЗИ ҚУВВАҲОИ МУСАЛЛАҲ

Гутерреш: «Ҷамъомади кумитаи муштарак оид ба Либия мумкин аст 28 январ баргузор гардад»

Трамп бо Лондон созишномаи тиҷоратиро муҳокима кардан мехоҳад

Барои офаридани ваксинаи русӣ бар зидди коронавируси чинӣ ним сол зарур аст

Дар Лубнон бори нахуст зан вазири мудофиа шуд

Дар Чин собиқ сарвари Интерпол барои пора 13,5 сол паси панҷара меравад

Ҷаҳон дар як сатр

Маъюбон. Махзани ягонаи электронӣ таъсис ёфт

21.01.2020


"ҶОМИ РУШД – 2020". Тоҷикистон тими Исландияро шикаст дод

Россия ва Франсия ба музокирот дар чорчӯбаи «2+2» тайёрӣ мебинанд

Баҳои коршиноси Амороти Муттаҳидаи Араб ба конфронси Берлин оид ба қазияи Либия

Салиби сурх: «Ҷанги Яман боиси фирори се миллион нафар гашт»

Шарқи Канада зери барф монд

Соли гузашта дар Италия ҳар ним соат замин ҷунбид

Ҷаҳон дар як сатр

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро


Дар сомонаҳои дигари Тоҷикистон хонед