logo

туризм

ТУРИЗМИ БАЛҶУВОН ИМКОНОТИ ИСТИФОДАНАШУДА ҲАНӮЗ ЗИЁД АСТ

Табиати зебо, боду ҳавои хуш, мавзеъҳои таърихиву фарҳангӣ, рустаниву чашмаҳои шифобахши Балҷувон барои инкишофи соҳаи туризм дар ноҳия имкони мусоид фароҳам овардаанд.  Ин аст, ки солҳои охир ба ин минтақаи кишвар таваҷҷуҳи сайёҳон аз кишварҳои гуногуни Ғарбу Шарқ  бештар гашта истодааст. Масалан, соли 2014 ба ноҳияи Балҷувон аз давлатҳои Олмон, Испания, Франсия, Австрия, Русия 74 сайёҳ, соли 2015 бошад,  87 сайёҳи хориҷӣ, 3000 сайёҳи дохилӣ ва аз аввали соли ҷорӣ то имрӯз 15 сайёҳи хориҷӣ ворид шудаанд. Тибқи таҳлилҳо ин нишондод нисбат ба солҳои 2012-2013 – ум 50 дарсад зиёд мебошад.
Балҷувон бо шаршараи овозадори Сари Хосор, ки ба гуфтаи Шамсулло Аҳадов, собиқ мудири бахши фарҳанги ноҳия, яке аз ҳафт ганҷинаи Тоҷикистон мебошад, инчунин шаршараҳои Пушти Боғ, Камолӣ, Ҳорма маҷмӯан 200 чашма, дарахтони азимҷуссаи Ҷувозчинору Шинг, чашмаҳои шифобахши «Хибил», «Оби гӯгирд», «Шулук» ва «Оби гӯр», санги сӯрохи «Чиламазор» ва манзараҳои аҷиби табиат дили садҳо сайёҳону меҳмонон ва ҳамзамон мардумони маҳаллиро тасхир намудааст. Ғайр аз ин, ноҳия дорои ёдгориҳои таърихии қалъаҳои «Мир» (асрҳои XVI-XIX), «Чорбоғ» (асрҳои миёна), «Тӯпхона» (асрҳои I - и пеш аз мелод то V - и мелодӣ), «Дектур» (XVIII - XIX), «Турк» (XII - XIII), «Чаноро», «Чавгонӣ», «Додӣ», бошишгоҳҳои даври асри сангин дар деҳаҳои Файзобод, Шаҳидӣ, Бобохон, Ҷимбулоқ ва мақбараю оромгоҳи орифон, «Устуғонҳо» (мавзеи сукунати ҳайвоноти азимҷуссаи қадима) ва чандин осорхонаҳои таърихиву мардумшиносӣ мебошад, ки барои роҳандозӣ ва рушди туризми  фарҳангиву таърихӣ имкони фарох фароҳам меоранд.  Албатта, вазъи сайёҳии ноҳия беҳбудиро  тақозо дорад. Махсусан раванди бунёди меҳмонхонаву марказҳои хизматрасонии мутобиқ ба стандартҳои байналмилалӣ дар назди мавзеъҳои таърихиву табиӣ, таъмири роҳҳо ва дигар иншооти ёрирасонро бояд вусъат  бахшид.
Дар ин хусус Беҳрӯз Бобоев, сармутахассиси раёсати ҷавонон, варзиш ва сайёҳии вилояти Хатлон, иброз дошт, ки вақтҳои охир мақомоти иҷроияи ҳокимияти давлатии вилоят ба рушди соҳа таваҷҷуҳи хос зоҳир намуда истодааст. Ин буд ки, бо дастгирии Кумитаи ҷавонон, варзиш ва сайёҳӣ ва ибтикори мақомот дар арафаи иди Наврӯз корвони «Наврӯзи ҷавонон» ва рӯзноманигорони мамлакат дар 14 шаҳру ноҳияи вилоят аз санаи 14 март то 23 - юми ҳамин моҳ ташкил карда шуд. Ҳадаф аз он тарғиби имконоту иқтидори сайёҳии вилоят ва бо ин васила рушди соҳа мебошад.
Дар асоси ин дороиҳои ғанӣ таъсиси пойгоҳи мустаҳками туристӣ бо ҷалби мутахассисону соҳибкорон ба мақсад мувофиқ хоҳад буд. Сайёҳӣ яке аз соҳаҳои даромаднок маҳсуб ёфта, давлатҳои мутараққӣ аз он маблағҳои зиёд ба даст меоранд ва барои рушди иқтисодиёти худ пурсамар истифода мебаранд. Бино ба иттилои Беҳрӯз Бобоев, давоми соли 2016 то ҷашни 25 - солагии Истиқлолияти давлатӣ дар Ҷамоати деҳоти Сари Хосор сохтмони пойгоҳи махсуси сайёҳӣ дар назар аст. Корҳои мумфаршсозӣ ва таъмири роҳ аз маркази ноҳия то мавзеъ аз ҷониби Вазорати нақлиёт дар арафаи оғозёбист. Ҳамчунин вақтҳои наздик пойгоҳи кӯҳнавардӣ низ бунёд хоҳад ёфт.
Новобаста аз чораҳои андешидашуда ҳанӯз камбуд ва норасоии инфрасохтори зарурӣ, кадрҳои соҳибтахассус садди рушди соҳаи сайёҳӣ дар ин минтақаи туризми байналмилалист. Вале мебояд дар ин самт кӯшишҳои зиёд ба харҷ дод, зеро он иқтидори бештар дорад.

Ш. ҚУРБОН, «Ҷумҳурият»


Баёни ақида (0)    Санаи нашр: 31.03.2016    №: 62    Мутолиа карданд: 11079

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед