logo

порлумон

ҶАРИМА БАРОИ ҲУҚУҚВАЙРОНКУНИҲОИ МАЪМУРӢ БАЛАНД МЕШАВАД

Дар ҷаласаи Маҷлиси намояндагони Маҷлиси Олӣ Абдуфаттоҳи Ғойиб, сардори Хадамоти гумруки назди Ҳукумати Ҷумҳурии Тоҷикистон, зимни ташреҳи лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон», аз ҷумла иброз дошт: шахсоне, ки ба фаъолияти иқтисодии хориҷӣ машғуланд, дар бисёр ҳолатҳо талаботи Кодекси гумруки Ҷумҳурии Тоҷикистонро ҳангоми интиқоли молу воситаҳои нақлиёт тавассути сарҳади гумрукӣ риоя намекунанд.

Аз ин ҷост, ки тибқи талаботи Кодекси ҳуқуқвайронкунии маъмурӣ ба ҷазои маъмурӣ кашида мешаванд. Назар ба гуфтаи сардори хадамот, яке аз сабабҳои асосии вайронкунии қоидаҳои гумрукӣ ва ба ҷавобгарии маъмурӣ кашидани шаҳрвандон ин паст будани ҳаҷми ҷаримаҳое мебошад, ки дар Кодекси ҳуқуқвайронкунии маъмурӣ пешбинӣ шудаанд. Мақсад аз ворид намудани тағйиру иловаҳо ба боби 32 амалӣ намудани талаботи Кодекси гумруки Ҷумҳурии Тоҷикистон ҷиҳати пешгирии ҳолатҳои ҳуқуқвайронкунии маъмурӣ ва дастгирии соҳибкорони ватанӣ, ки ба истеҳсоли молу маҳсулот дар қаламрави Тоҷикистон машғуланд, мебошад. Ин тағйиру иловаҳо меъёрҳои ҷазоро барои шахсони воқеӣ, мансабдор ва ҳуқуқӣ мушаххас мегардонад. Баланд бардоштани андозаи ҷарима ба коҳиш ёфтани содиршавии амалҳои коррупсионӣ, қочоқ ва интиқоли ғайриқонунии мол тавассути нақлиёт аз сарҳади гумрукӣ мусоидат менамояд.
Давлатзода Нусратулло, раиси Кумитаи андози назди Ҳукумати Ҷумҳурии Тоҷикистон, зикр намуд, ки лоиҳаи мазкур бо назардошти ба миён омадани шаклҳои нави содиршавии ҳуқуқвайронкунии маъмурӣ ва ба мақсади пешгирии зиёдшавии шумораи онҳо таҳия гардидааст. Андозсупорандагон ё агентиҳои андоз аз баъзе номукаммалиҳои қонунгузорӣ истифода намуда, бо ҳар роҳу восита аз иҷрои уҳдадориҳои андоз саркашӣ мекунанд.
Бинобар ин, тибқи лоиҳаи мазкур ба моддаҳои 602, 615, 616 ва 618 Кодекси ҳуқуқвайронкунии маъмурӣ, ки баррасии онҳо дар салоҳияти мақомоти андоз мебошад, тағйиру иловаҳо ворид гардиданд.
Шоҳмурод Рустам, вазири адлияи Ҷумҳурии Тоҷикистон, зимни баррасии лоиҳаи ворид намудани тағйиру иловаҳо ба Қонуни Ҷумҳурии Тоҷикистон «Дар бораи боҷи давлатӣ» гуфт, ки барои бақайдгирӣ, аз нав бақайдгирӣ, барҳамдиҳии ташкилотҳои адвокатӣ, ҳамчунин ворид намудан ба феҳрист ва гирифтани иқтибос аз феҳристҳои махсуси адвокатҳои давлатҳои хориҷӣ, ягонаи адвокатӣ ва ташкилотҳои адвокатӣ рӯёндани маблағи боҷи давлатӣ пешбинӣ гардидааст. Ҳамчунин лоиҳаҳои ворид намудани тағйиру иловаҳо ба қонунҳои Ҷумҳурии Тоҷикистон, аз ҷумла Кодекси фазои ҳавоии Ҷумҳурии Тоҷикистон «Дар бораи бақайдгирии давлатии шахсони ҳуқуқӣ ва соҳибкорони инфиродӣ», «Дар бораи иҷозатномадиҳӣ ба баъзе намудҳои фаъолият», «Дар бораи адвокатура ва фаъолияти адвокатӣ» аз ҷониби вакилон ба тасвиб расиданд.
Мунаввари САФАР,
«Ҷумҳурият»


Баёни ақида (0)    Санаи нашр: 8.04.2016    №: 68    Мутолиа карданд: 10381

22.11.2017


Мулоқоти Шукурҷон Зуҳуров ва Ҷузе Алфонсо Зегбе Камарена

Густариши ҳамкориҳо бо Ҳиндустон

Дар Рашт таҷҳизоти инноватсионии тибби фосилавӣ ба истифода дода шуд

Мусобиқоти варзишӣ ба ифтихори Рӯзи Парчами давлатӣ

Ҷоми ҷаҳонро ба Тоҷикистон меоранд

Ҷаҳон дар як сатр

Башор Асад ба Русия барои «наҷоти Сурия» изҳори сипос намуд

Небензя: «Теъдоди ҷангиёни «ДИ» дар Афғонистон ба 10 ҳазор нафар расидааст»

Земан: «Ҳамкориҳои Русия бо Чехия вусъат меёбанд»

Теъдоди аҳолии Чин ба 1,399 миллиард нафар расид

Ду ҳавопаймо тавассути интернет – музояда ба савдо рафт

NASA ба Моҳ астронавтҳоро яксола фиристоданист

21.11.2017


Муаррифии китоби «Пешвои миллат ва сиёсати забон»

Таҷлили Рӯзи Президенти Ҷумҳурии Тоҷикистон дар Қирғизистон

Ифтитоҳи бинои раёсати адлияи ВМКБ

«Шабе дур аз Ватан» дар Владикавказ намоиш дода мешавад

Ҷаҳон дар як сатр

Туркманистон аз кишварҳои амнтарини дунё эътироф гардид

Конгресси ИМА аз алоқаи Трамп бо Русия ягон далел наёфт

Ҷустуҷӯи киштии зериобии Аргентина шурӯъ шуд

Олмон ба кӯдакон бастани соатҳои «доно» - ро манъ намуд

14.11.2017


Ҷаласаи якҷояи тадорукоти чорабиниҳои байналмилалӣ

Мулоқоти Сироҷиддин Аслов ва Эрлан Абдилдаев

Таъсиси шабакаи нави телевизионӣ

Бизнес - форуми соҳибкорони Тоҷикистону Ҳиндустон баргузор хоҳад гашт

Ҷаҳон дар як сатр

Ҳалокати беш аз 450 нафар аз заминҷунбӣ дар Эрон

Трамп ҷонибдори сабуксозии таҳримоти зиддирусӣ

Занон ва кӯдаконро аз Сурия ба Грозний оварданд

Коршиносон кишварҳоеро ном гирифтанд, ки аз тағйироти иқлим бештар зарар диданд

Чин. Минтақаи политсияро роботҳо «забт карданд»

13.11.2017


Ҷаҳон дар як сатр

Путин ва Трамп кишварҳои дунёро ба афзунсозии ёрӣ ба Сурия даъват карданд

Трамп қазияи «дахолати русӣ» - ро монеаи сунъии муносибатҳо номид


Дар сомонаҳои дигари Тоҷикистон хонед