logo

ҳуқуқ

ДАР ҲИФЗИ ОРОМИИ КИШВАР УСТУВОРЕМ

Хисрав  БОБОЗОДА,
фармондеҳи Қӯшунҳои
дохилии ВКД Ҷумҳурии Тоҷикистон, полковник

Аз таъсиси Қӯшунҳои дохилии ВКД  Ҷумҳурии Тоҷикистон  23 сол сипарӣ шуд. Дар муддати ин солҳо ҳайати шахсӣ, дар ҳақиқат, оромиву осудагӣ ва амнияти кишварро пуштибон буд. Аз ҷумла, воқеаҳои мудҳиши дар водии Рашт, Вилояти Мухтори Кӯҳистони Бадахшон ва дараи Ромит бавуқӯъомада, бори дигар сатҳи малакаву дониш, обутоби ҷисмонӣ ва тактикаи ҳарбии қӯшунҳои дохилиро аз санҷиш гузаронда, нақши калидии онҳоро дар лаҳзаҳои ҳассос собит сохт.

Бо вуҷуди мушкилоти мавҷудаи солҳои аввали таъсисёбӣ  ҳайати шахсӣ ба кадрҳои  ҳарбии  маҳаллӣ такя карда, дар таъмини оромию осудагии мардум пайваста талош менамуд. Вақте дар иҷлосияи 16-уми Шӯрои Олӣ муҳтарам Эмомалӣ Раҳмон Раиси Шӯрои Олии Ҷумҳурии Тоҷикистон  - Сарвари давлат интихоб гардид, мавқеи хизматчиёни ҳарбии Қӯшунҳои дохилӣ  муҳимтар арзёбӣ гардид.  Сарбозону афсарон дар атрофи ин фарзанди фарзонаи миллат муттаҳид гардида, барои таъмини  амният, ризоияти миллӣ, барқарорсозии сулҳу субот дар кишвар содиқонаю софдилона ба хизмат оғоз карданд.
Моҳи апрели соли 1993 ҷузъу томҳои таъйиноти махсус - полки фаврӣ, баталиёни таъйиноти махсуси алоҳида, бригадаи таъйиноти махсус, баталиёни алоҳидаи милитсия дар шаҳри Кӯлоб ба тобеияти Раёсати Қӯшунҳои дохилии ВКД Ҷумҳурии Тоҷикистон шомил гардиданд.
Дар натиҷа, шумораи хизматчиёни ҳарбии ҷузъу томҳои тобеи раёсати қӯшунҳо ба беш аз  даҳ ҳазор нафар расид. Ҳамин тавр, Қӯшунҳои дохилӣ чун қисми таркибии Вазорати корҳои дохилии Ҷумҳурии Тоҷикистон дар давраи авҷи мухолифатҳои дохилӣ неруи воҳиде буданд, ки дар муқобили ҳама гуна қонуншиканӣ, бенизомӣ, ҷинояткориҳои мусаллаҳона ва дигар зуҳуроти номатлуби ба ҷомеа хатаровар истодагарӣ мекарданд. Силоҳи асосӣ ва неруи шикастнопазири онҳо, пеш аз ҳама, эҳсоси ватандӯстиву ватандорӣ, саъю талоши доимӣ баҳри  истиқрори  сулҳ, хотима додан ба ҷанги  таҳмилии дохилӣ буд.
Ин ғояҳо сарбозону афсаронро якҷону яктан намуданд ва таҳти роҳбарии Сарфармондеҳи Олии Қувваҳои Мусаллаҳи Ҷумҳурии Тоҷикистон Эмомалӣ  Раҳмон  ба мақсади асосӣ - ваҳдату сулҳи сартосарӣ  дар кишвар ноил  гардиданд. Бояд гуфт, ки баъди имзои  Созишномаи умумии истиқрори сулҳ ва ризоияти миллӣ дар Тоҷикистон,  мардум нафаси озод кашид. Вале, ҳанӯз ҳам дар мамлакат қувваҳое буданд, ки осудагиву оромии миллатро намехостанд. Аз ин рӯ, масъулияти хизматчиёни ҳарбии Қӯшунҳои дохилӣ дар ҳифзи дастовардҳои Истиқлолияти давлатӣ, риояи назму  тартиботи ҷамъиятӣ бамаротиб афзуд.
Диловарию қаҳрамонии онҳо дар шикасти дастаи полковники ошӯбгар Маҳмуд Худойбердиев, ки ба Ватану миллат хиёнат кард, аз ёдҳо нарафтааст. Хизматчиёни ҳарбии Қӯшунҳои дохилӣ бо ҳамдастии дигар ниҳодҳои қудратӣ ин дастаи ҷинояткорро аз хоки Тоҷикистон  берун ронданд. Бори  дигар, моҳи  ноябри соли 1998, М. Худойбердиев бо дастгирии хоҷагони хориҷии худ ба  вилояти  Суғд  ҳуҷуми мусаллаҳона кард. Боз  ҳам ҳайати шахсии  Қӯшунҳои дохилӣ  ба сифати  қувваҳои  пешгарди десантӣ  амал  намуда, бо ҳамдастии  ниҳодҳои қудратии мамлакат ба мубориза бархост. Дар муҳорибаҳои шадид ҳафт  сарбози  қисми ҳарбии 3502   ва шонздаҳ нафар аз қисми ҳарбии 3501 ба ҳалокат расид. Дар рафти ин набардҳо, ки дар шароити сахти кӯҳистон ба вуқӯъ  меомаданд, аскарони қисми ҳарбии 3502 ҷоннисориву худфидоӣ нишон доданд. Чунин муҳорибаҳо, ки дар оғоз ёдовар шудем, дар солҳои баъдӣ низ ҷой доштанд ва, хушбахтона, бо дастгирии мардум ва ниҳодҳои дахлдор тавонистем гурӯҳҳои террористӣ ва созмондиҳандагони онҳоро дар минтақаҳои алоҳидаи Тоҷикистон пурра саркӯб намоем.
Ман имрӯз номи генерал - майорҳо  Ҳабибулло Юсуфов, Шовалӣ Саидамиров, Абдуманон Ғозиев, Исмонқул Ғоибов, Неъматулло Қурбонов, Каладор Бақоев, Давлат Каримов,  полковникҳо  Анатолий Попов, Дмитрий Буриев (рӯҳаш шод бод!), Бомурод Раҳмонов, Маълумшо Фамбаков, Назаралӣ Сафаралиев, Муъмин Зиёев ва даҳҳои дигарро бо ифтихор  ба забон мегирам. Зеро онҳо дар рӯзҳои ниҳоят вазнин  ҳайати шахсиро таълиму тарбияи ҳарбӣ дода, ба корнамоиҳои ҷангӣ ҳидоят намуданд.
Қӯшунҳои дохилӣ имрӯз ба сохтори пуриқтидори мақомоти ҳифзи ҳуқуқи кишвар табдил ёфта,  дар ҳолати омодабоши баланди ҷангӣ қарор доранд. Гузашта аз ин, ҳар рӯз аз сад то сесад хизматчии ҳарбӣ дар паҳлуи кормандони мақомоти ҳифзи ҳуқуқ барои пайраҳадорӣ ва ҳифзи тартиботи ҷамъиятӣ  сафарбар мешаванд. Дар маҷмӯъ, ягон чорабинии давлативу ҷамъиятӣ, мусобиқаҳои сатҳи байналмилалӣ бе иштироки хизматчиёни ҳарбии  Қӯшунҳои дохилӣ доир намегарданд.
Даҳшату ваҳшонияти гурӯҳҳои  экстремистиву террористӣ дар як қатор кишварҳо, махсусан Сурияву Ироқ, вазъи сарҳади Тоҷикистону Афғонистон, одамрабоӣ, қочоқи аслиҳа ва маводи  мухаддир моро водор месозанд, ки зиракии сиёсиро аз даст надода, пеши роҳи  ҳар гуна хавфу  хатари эҳтимолиро бигирем. Бо ин мақсад, солҳои 2014 - 2015  машқҳои даставии ситодиро якҷо бо ҷузъу  томҳои ташкилшавандаи ҳудудӣ,  бо  иштироки  намояндагони  аҳли ҷамоатчигӣ ва ташкилоту муассисаҳо доир кардем. Дар ин машқҳо ҳайати шахсии Қӯшунҳои дохилӣ маҳорати баланди касбӣ нишон дод.
Тарбияи хизматчиёни ҳарбӣ дар рӯҳияи ватандӯстӣ, қаҳрамонӣ, омода будан ба ҳифзи марзу буми кишвар  кори доимии ҳайати роҳбарикунандаи ҳамаи шуъбаю  хадамот мебошад. Бо эътимоди комил метавон гуфт, ки сарбозону афсарони Қӯшунҳои дохилӣ таҳти роҳбарии Асосгузори сулҳу ваҳдати миллӣ - Пешвои миллат, Сарфармондеҳи Олии Қувваҳои Мусаллаҳи Тоҷикистон муҳтарам  Эмомалӣ Раҳмон  дар ҳифзи оромии кишвар устуворанд.
 


Баёни ақида (0)    Санаи нашр: 8.04.2016    №: 68    Мутолиа карданд: 649
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед