logo

фарҳанг

МУСАВВИРИ ҲАҚИҚАТИ ЗИНДАГӢ

Вақте сухан дар бораи насри тоҷик дар қарни XX ва оғози қарни XXI меравад, пеш аз ҳама нависандагони шинохтаи ин жанри бою ғанӣ ва рангорангу гуногунпаҳлу, монанди устодон С. Айнӣ, Ҷ. Икромӣ, Ҳаким Карим, С. Улуғзода, Пӯлод Толис, Ф. Муҳаммадиев ва баъдтар Ӯ. Кӯҳзод, Сорбон, А. Самадов, Баҳманёр ва дигарон ба назар мерасад, ки дар ин миён, Нависандаи халқии Тоҷикистон, барандаи Ҷоизаи давлатии ба номи Абуабдуллоҳи Рӯдакӣ, қаламкаши закитабъ ва мутарҷими боистеъдод Саттор Турсун истисно нест.

Ва ҷойи масаррат он аст, ки вай бо қадами аввалин гузоштан ба адабиётамон муваффақона зина ба зина пеш рафта, дар андак муддат тавонист, ки хонандаи худро пайдо намояд ва то дили мардуми фарҳангдӯсту адабпараварамон роҳ ёбад.
Бегумон маҷмӯаи нахустини ҳикояҳояш «Дили гарм», Маҷмӯи қиссаву ҳикоя ва романҳояш «Сукути қуллаҳо», «Камони Рустам», «Аз субҳ то шом», «Барф ҳам мегузарад», «Дувоздаҳ ҳикоя», «Се рӯзи як баҳор», «Дарахти ҳазорсола», «Садама», «Санг дар бағал ба тӯфон», «Чорбанди домангир» ва ғайра баёнгари рӯшани андешаҳои фавқанду таҳлилу баррасии интиқодии он ҳама ниёз ба навиштани ҳамин қадар асарро доранд.
Ӯ дар ҳақиқат аз байни мардум бархоста ва эҷодкори мардумист. Нависандаи халқии Тоҷикистон Абдулҳамид Самадов доир ба эҷодиёти нависанда андешаронӣ намуда, аз ҷумла чунин хулоса дорад: «Ҷиҳати аз ҳама хушоянди эҷодиёти Саттор Турсун дар он аст, ки ҳангоми мутолиаи повесту ҳикояҳои ӯ кас қаҳрамонҳояшро дар амалимёт дида метавонад, ба софии дилу ният ва идеалҳои онҳо бовар мекунад, аз пасашон қадам ниҳоданӣ мешавад».
Ҳанӯз олими барҷастаи тоҷик, фолклоршиноси маъруф, академик Раҷаб Амонов ба қобилияти ҳикоянависии мавсуф баҳои илмӣ дода, навишта буд, ки: «Саттор Турсун аз як ҳикоя то ҳикояи дигар пеш меравад ва хусусиятҳои ин жанрро беҳтар ва бештар аз бар мекунад».
Ин баҳои  устоди суханшинос маншаъ аз мутолиаи китоби ҳикояҳои нависанда «Дувоздаҳ ҳикоя» аст, ки ҳар яке хонданию хотирмонанду яке аз дигаре бартар, ҳам дар тасвири бадеию ҳам дар ҳусни баён ва симоофарӣ.
Саттор Турсун дар баробари нависандаи баркамол будан қалами нозуки таҳрир ва ҳунари хуби тарҷумонӣ дорад, ки ин паҳлуҳои фаъолияташ низ қобили қайданд.
Абдулҳамид Самадов доир ба заҳмати қалами таҳрири ӯ ин хотираро навиштааст, ки иқтибоси он барои навкорони кунунӣ беманфиат нест. Ӯ менависад: «Устоди шодравон Убайди Раҷаб сардабири беҳамтои маҷалла (яъне, «Садои Шарқ») гоҳе моро огоҳ месохт, ки таҳрири ҳалол мероси Пӯлод Толис аст ва пос доштани онро талабгор мешуд. Ва тӯли даҳ соле, ки банда дар як дафтар бо Саттор  менишастам, медидам, ки ӯ барои ба нашр омода кардани асарҳои нависандагон чӣ қадар ҷон мекоҳонад, ба онҳо ҷузъиёт, таъбиру ибораҳои хушоб, тару тоза ворид месозад».
Зиёда аз ин, Саттор Турсун дар тарбияи насли ҷавонтари насрнависон ҳаққи устодӣ дошта, дасти бисёр нависандагони ҷавонро рост кардаасту бо ҳисси масъулият ҳанӯз ҳам бори суханро мекашад ва хазинаи насри адабиётамонро бо осори худ ғанитар мегардонад.

Шаҳноз МУҲАММАДИЕВА,
корманди Китобхонаи
миллии Тоҷикистон


Баёни ақида (0)    Санаи нашр: 19.04.2016    №: 75    Мутолиа карданд: 741

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед