logo

ҳуқуқ

МАРЗБОНӢ. ҲАМГИРОӢ ДАР ҲИФЗИ ОРОМИИ МИНТАҚА

Дар зарфи се моҳи аввали соли ҷорӣ дар сарҳади Ҷумҳурии Тоҷикистон бо Ҷумҳурии Исломии Афғонистон ҳашт маротиба даргирии мусаллаҳона ба вуқӯъ пайвастааст.

Дар ин бора ба «Ҷумҳурият» Муҳаммад Улуғхоҷаев, масъули Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, хабар дод. Бино ба гуфтаи ӯ, дар марз бо Афғонистон шаш маротиба убури ғайриқонунии сарҳад пешгирӣ, 10 нафар қочоқчӣ дастгир ва 5 нафар сарҳадшикан нобуд карда шуд. Дар ин давра хизматчиёни ҳарбии Қӯшунҳои сарҳадӣ тақрибан 300 килограмм маводи нашъаоварро мусодира ва дар маҷмӯъ 54 ҳодисаи вайрон кардани сарҳади давлатиро пешгирӣ намуданд. Инчунин, марзбонони кишвар дар ҳамоҳангӣ бо дигар сохторҳои қудратии ҷумҳурӣ 17 амалиёти вижа гузаронда, 12 адад силоҳи оташфишон ва лавозимоти зиёди ҷангиро мусодира карданд.
Ин дар ҳолест, ки ба масоили таҳкими сарҳадот, бахусус марзи давлатҳои узви Иттиҳоди Давлатҳои Мустақили минтақаи Осиёи Марказӣ бо назардошти хатарҳои эҳтимолӣ аз қаламрави Афғонистон, таваҷҷуҳи зиёд зоҳир мегардад. Аз ҷумла, ин мавзӯъ дар ҷаласаи 73 - юми Шӯрои фармондеҳони Қӯшунҳои сарҳадии Иттиҳоди Давлатҳои Мустақил, ки дар шаҳри Душанбе бо иштироки ҳайатҳои 10 хадамоти сарҳадӣ доир гардида буд, баррасӣ шуд. Фармондеҳони Қӯшунҳои сарҳадӣ  дар ҳамоиш перомуни таҳкими ҳифзи сарҳадот ва ҳамоҳангии бештари кишварҳои узв дар мубориза бо гурӯҳҳои марзшикан гуфтугӯҳои судманд анҷом дода, дар робита ба ташаннуҷи вазъ дар Афғонистон, тавсеаи гурӯҳҳои ифротию ҷангҷӯ дар минтақа, итминон доданд, ки алайҳи хатарҳои эҳтимолӣ иқдом намуда, субот дар минтақаро ҳифз хоҳанд кард.
Раҷабалӣ Раҳмоналӣ, сардори Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, аз ворид шудани гурӯҳҳои тундрави мусаллаҳ ба бархе аз минтақаҳои Афғонистон, ки бо кишвари мо ҳаммарзанд, изҳори нигаронӣ карда буд. Зимнан, Александр Манилов, муовини сардори Шӯрои марзбонии кишварҳои ИДМ таъкид намуд, ки ҳоло марзбонони Тоҷикистон аз зарфиятҳои хуби сарҳадбонӣ бархӯрдоранд, вале ба таҷҳизоти фаннӣ ва бунёди дидбонгоҳҳои наву муосир ниёз доранд, ки оид ба ин масъала тадбирҳои судманд ба роҳ монда шудааст.
Гузашта аз ин, дар ҳоле ки матбуоти Русия тавонмандии кишварҳои Осиёи Марказӣ оид ба ҷилавгирӣ аз бурузи нооромиҳо, бахусус қудрати ҳифозат аз марзи Тоҷикистон бо Афғонистонро зери суол мебаранд, Николай Бордюжа, котиби генералии Созмони Аҳдномаи амнияти дастаҷамъӣ (СААД), оид ба ин масъала назари дигар дорад. Ӯ дар як нишасти матбуотӣ бо хабарнигорони рус марзи Тоҷикистонро устувор арзёбӣ карда, дар гузашта низ гуфта буд, ки Ҷумҳурии Тоҷикистон барои ҳимояи марз бо Афғонистон дорои иқтидори кофӣ аст. Ба таъкиди Николай Бордюжа низ марзбонони тоҷик танҳо ба таҷҳизоти техникии низомӣ ниёз доранд, ки интизор меравад бар асоси тааҳҳудоти ҳосилшуда миёни кишварҳои узви ин созмон дар ин самт ба неруҳои сарҳадии Тоҷикистон ёрӣ расонда шавад. Зеро оид ба расондани ёриҳои техникии низомӣ ба марзбонони тоҷик қаблан қарори вижаи Шӯрои Созмони Аҳдномаи амнияти дастаҷамъӣ қабул шуда буд.

Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 20.04.2016    №: 76    Мутолиа карданд: 624
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед