logo

ҳуқуқ

АЗ ҶАРИМА ТО ҶАЗО

СУХАН АЗ БОБИ РОҲБАРОНЕ МЕРАВАД, КИ ДАР ПАРДОХТИ МУЗДИ МЕҲНАТ БА САҲЛАНГОРӢ РОҲ ДОДААНД
Абдулатиф Қодирӣ, сардори Раёсати Хадамоти назорати давлатӣ дар соҳаи меҳнат, муҳоҷират ва шуғли аҳолӣ дар вилояти Суғд, иброз дошт, ки қарзи музди меҳнат то оғози моҳи апрели соли равон дар корхонаву ташкилот ва муассисаҳои вилоятӣ беш аз 10 миллион сомониро ташкил медиҳад.

Дар машварати корӣ бо масъулини соҳаҳои гуногуни хоҷагии халқи вилоят дар ҳузури Анвар Яқубӣ, муовини раиси вилояти Суғд, ин қазия бори дигар мавриди баррасии ҷиддӣ қарор гирифта, роҳҳои ҳаллу фасли пардохти маблағи қарзи музди меҳнат нишон дода шуданд. Масъулони соҳа барои то охири сол марҳила ба марҳила - бе роҳ додан ба қарзи нав пурра пардохтани ҳамаи маблағи қаблӣ муваззаф гаштанд.
Баъзе масъулони соҳаҳои алоҳидаи вилоят бо пеш овардани баҳонаҳои беасос дар татбиқи дастурҳои Роҳбари давлат бемасъулиятӣ зоҳир намуда, аз ҳаллу фасли ин масъалаи муҳими иҷтимоӣ мавқеи канорагириро ихтиёр кардаанд, ки гуноҳе нобахшиданист.
Оё метавон муросо кард, ки идораҳои соҳаи беҳдошти замин ва обёрии шаҳру навоҳии вилоят аз кормандони худ ба маблағи беш аз 6 миллион сомонӣ аз музди меҳнат қарздор бошанд? Шояд ҳамин сабаб аст, ки аксар мутахассисони ҷавон хоҳиши дар ин ҷо кор кардан надоранд.
Муяссара Аҳмадова, мудири бахши иқтисоди Раёсати беҳдошти замин ва обёрӣ дар вилояти Суғд, ба чунин ҳол афтодани идораҳои соҳаро муаммои сарбаста шуморида, иброз медорад, ки то худи муштариён - хоҷагиҳои деҳқонӣ дар пардохти маблағи истифодаи об фаъол нашаванд, ба ҳалли масъала умед бастан нашояд.
Соли равон низ пардохти маблағи истифодаи об ҷавобгӯй ба талаботи рӯз нест. Бахусус вазъи идораҳои давлатии беҳдошти замин ва обёрии ноҳияҳои Мастчоҳ, Зафаробод, Ҷаббор Расулов, Ашт нигаронкунанда мебошад. Кормандони мақомоти ҳуқуқиву назоратӣ бояд дар ин самт фаъолияти муассир дошта, дар ҳалли мушкилот пойфишорӣ намоянд.
Тибқи маълумоти расмӣ, қарзи пардохти музди маош дар соҳаҳои саноату кишоварзӣ низ зиёданд. Роҳбарияти вилоят аз фаъолияти Раёсати Хадамоти назорати давлатӣ дар соҳаи меҳнат, муҳоҷират ва шуғли аҳолӣ изҳори нигаронӣ карда, аз кормандонаш истифодаи шаклу усулҳои наву муосири фаъолиятро тақозо намуд.
Барои напардохтани қарзи музди меҳнати кормандон, содир кардани ҳуқуқвайронкуниҳои маъмурӣ дар соҳаи меҳнат, шуғл ва ҳифзи иҷтимоии аҳолӣ нисбат ба 48 роҳбари корхонаю муассисаҳо мутобиқи талаботи моддаи 134 қисми 1 ва қисми 2-и Кодекси ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ тартиб дода, ҳар кадом ба андозаи аз 20 то 60 нишондиҳанда барои ҳисобҳо ба маблағи умумии 44 ҳазор сомонӣ ҷаримабандӣ шуданд. Ҳамчунин барои иҷро накардани амрномаи мақоми ваколатдор ва уҳдадориҳои хидматӣ оид ба марҳила ба марҳила кам кардани қарзи музди меҳнат тибқи талаботи моддаи 139-и Кодекси ҳуқуқвайронкунии маъмурии Ҷумҳурии Тоҷикистон 10 роҳбари корхонаю ташкилот ҷазои маъмурӣ гирифт. Ҳамчунин 10 мавод барои чораҷуйӣ ба прокуратураи вилояти Суғд ирсол гардид.
Мушоҳидаю таҳлилҳо бозгӯйи онанд, ки тадбирҳои андешидаи  хадамоти мазкур ҳанӯз корагар нестанд. Зарур аст, ки бештар сохторҳои ҳифзи ҳуқуқ фаъолияти кориро дар доираи ваколатҳои худ дар ин самт пурзӯр намуда, нисбат ба он роҳбарони корхонаю ташкилот ва муассисаҳо, ки ҳуқуқи шаҳрвандонро поймол мекунанд, чораҳо андешанд. Федератсияи иттифоқҳои касбаи мустақил низ метавонад дар ҳалли ин масъалаи муҳим саҳми муносиб гузорад.
   Ҷовиди АШТӢ, «Ҷумҳурият»


Баёни ақида (0)    Санаи нашр: 9.06.2016    №: 111    Мутолиа карданд: 608
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед