logo

туризм

ПАРКИ МИЛЛӢ. ЧАРО ДАР ИН БОРА КАМ МЕГӮЕМ?

Парки миллии Тоҷикистон, ки  аз мавзеъҳои бузурги табиӣ дар қаламрави Осиёи Миёна  ба шумор рафта, масоҳати умумиаш 2, 6 миллион гектарро ташкил медиҳад, аз минтақаҳои муҳими сайёҳии кишвар ба шумор меравад. Аз замони таъсис ёфтани ин минтақаи муҳими сайёҳӣ 24 сол сипарӣ шуда бошад ҳам, мутаассифона, ин мавзеъ хеле кам муаррифӣ гардидааст. Хусусан корҳои тарғиботӣ ҳанӯз ба қадри  кофӣ роҳандозӣ нашудаанд. Баъди ба рӯйхати Юнеско ворид гардидани парк  интизор мерафт, ки шумораи сайёҳон дар ин мавзеъ бештар мегардад, вале чунин нашуд. Бино ба иттилои дастрасшуда  соли гузашта аз ин минтақа 346 сайёҳ дидан намудаанд. Албатта, ин нисбат ба солҳои қаблӣ зиёдтар аст, вале ин нишондод ҳанӯз қонеъкунанда нест.
- Албатта, барои муаррифии бештар сомонаи  паркро таъсис дода, буклетҳои гуногун нашр намудем, аммо инфрасохтори парк ҳанӯз боқувват нест ва мо наметавонем сайёҳони зиёдро қабул намоем. Техникаи зарурӣ низ вуҷуд надоранд, - мегӯяд сардори муассиса Шодӣ Саидҷонов.
Ба хотири рафъи мушкилоти мавҷуда соли 2004 «Барномаи давлатии рушди ҳудудҳои табиии махсус муҳофизатшаванда  барои солҳои 2005 – 2015» қабул гардид. Ин муддат дар доираи амалӣ гардидани барнома дар ин минтақа низ корҳои зиёд анҷом пазируфт. Аз ҷумла, дар ноҳияҳои Сангвор, Лахш идораҳои мудирияти парк таъсис ёфтанд, мониторинги ҳайвоноти ваҳшӣ амалӣ шуда,  23 дастурамал оид ба гузарондани мониторинги гавазни бухороӣ, бабри барфӣ, ғизол, кабки дарӣ, бузи пармашох, мурғи даштӣ ва дигар ҳайвоноти нодир, ки шомили рӯйихати «Китоби сурхи Тоҷикистон» - анд, тартиб дода шуд. Парваришгоҳҳои гавазни бухороӣ ва мурғи тазаври тоҷикӣ  фаъол гардид. Кормандон бо асбобҳои нави техникӣ таъмин гардиданд. Аммо то ҳоло  дар парк мушкилоти зиёде мавҷуд аст, ки садди роҳи рушди он шудааст. Ин, пеш аз ҳама, нарасидани мутахассисони баландихтисос, мавҷуд набудани заминаи моддӣ - техникӣ ва маблағи зарурӣ мебошад.
Ба гуфтаи Убайд Акрамов, муовини раиси Муассисаи давлатии ҳудудҳои махсус муҳофизатшавандаи Агентии хоҷагии ҷангал,
Парки миллии Тоҷикистон, ҳамзамон, метавонад яке аз лабораторияҳои табиӣ  барои гузарондани таҳқиқотҳои илмӣ гардад. Хусусан барои биологҳо мавзеи хеле мусоид ба шумор меравад. Аз ҷониби дигар ҳамаи арзишҳои дар парк мавҷуда то ҳол пурра омӯхта нашудаанд.
- Дар ин мавзеъ маълумоте мавҷуд аст, ки на танҳо хусусияти минтақавӣ, балки  умумиҷаҳонӣ доранд. Вале, мутаассифона,  гузарондани таҳқиқотҳои илмӣ оид ба амалӣ намудани нақша ва муаррифӣ намудани ин мавзеъ аз ҷониби вазорату идораҳои дахлдор на ҳамеша дастгирӣ меёбад. Аз ҷониби Кумитаи ҳифзи муҳити зист, ки мақомоти ваколатдор оид ба ҳифзу нигоҳдории иншоотҳои табиӣ ба шумор меравад, барои муаррифӣ намудани парк дастгирии ҷиддӣ ба назар намерасад. Бо дастгирии баъзе ташкилотҳои хориҷӣ, ки дар қаламрави Помир фаъолият доранд, ташкили банер, буклетҳо ва баъзе навиштаҷоти дигар барои муаррифии парк анҷом ёфтанд, аммо ин ҳама ҳанӯз хеле кам аст, - мегӯяд Убайд Акрамов.
Дар Ҷумҳурии Қазоқистон вақте кӯли Иссиқкӯл шомили мероси ҷаҳонии ЮНЕСКО гардид, аз ҷониби тамоми идораҳои дахлдор дастгирии ҷиддӣ ёфт ва дар муддати кӯтоҳ ба минтақаи азими сайёҳӣ табдил ёфт. Аз рӯи маълумот  ҳамасола ба ин мавзеъ 4 - 5 миллион сайёҳ ташриф меоранд ва аз ин ҳисоб ба иқтисодиёти кишвар маблағи зиёд ворид мегардад. Пас чаро мо чунин накунем?
Парки миллии Тоҷикистон, ки бо бузургӣ ва  ёдгориҳои  таърихӣ, анвои гуногуни набототу  ҳайвоноти нодираш дар қаламрави Осиёи  Миёна беназир аст, бояд бештар муаррифӣ гардад, то ба мавзеи бузурги сайёҳӣ табдил ёбад.
Фарзонаи Файзалӣ,
«Ҷумҳурият»


Баёни ақида (0)    Санаи нашр: 23.06.2016    №: 122-123    Мутолиа карданд: 10669

22.09.2017


Мулоқоти Сироҷиддин Аслов бо Кай Микканен

Баррасии татбиқи қонун «Дар бораи таҳсилоти калонсолон»

Масоили густариши ҳамкориҳо дар соҳаи маориф матраҳ гаштанд

Ҷаласаи XVI Кумитаи ҳамкории гумрукӣ

10 комбайни нав дар шолизор

21.09.2017


Вохӯрии Сироҷиддин Аслов ва Хосе Гратсиано да Силва

Баргузории конференсияи илмӣ-назариявӣ

Баррасии тавсеаи ҳамкориҳо дар соҳаи таҳсилоти олӣ

Дар Хуросон ҳосили хуб ба даст оварданд

Теъдоди қурбониёни заминларзаи Мексика ба 230 нафар расид

Дар Арабистони Саудӣ ба иди миллӣ бори нахуст занонро даъват намуданд

Насли нави рақамӣ иқтисоди Чинро дигар мекунад

20 миллиони фонди Ди Каприо ба ҳимояи муҳити зист

Дар дунё 40 миллион дар ғуломӣ қарор дорад

20.09.2017


Мулоқоти Сироҷиддин Аслов ва Петер Сиярто

Абдулхалил Бахтиёр: «Мардуми Афғонистон аз кумакҳои халқи тоҷик сипосгузоранд»

Таҷлили 26 - солагии Истиқлолияти давлатӣ дар Япония

Дар Тошканд Рӯзҳои фарҳанги Тоҷикистон баргузор мешавад

5 – УМИН БОЗИҲОИ ОСИЁ. 14 медал дар чаҳор рӯз

«Истиқлол» боз қаҳрамони мусобиқоти футболи кишвар

Истеҳсоли асал меафзояд

ҚАЛЛОБӢ кам, вале худсарона ишғол намудани замин зиёд шудааст

Ҷаҳон дар як сатр

Дар Мексика заминларзаи мудҳиш боиси ҳалокати 139 нафар гашт

Гутерреш ҳафт хатари ҷиддӣ ба инсониятро ном бурд

ИМА дар Сурия бо Русия сабқат намекунад

Макрон: «Созишномаи Париж оид ба иқлим таҷдиди назар нахоҳад шуд»

Минагузории сарҳад бо Бангладеш

Чин ҳуқуқи моликияти зеҳнии ширкатҳои хориҷиро ҳифз мекунад

19.09.2017


Мулоқоти Сарвазир бо намояндагони ширкати «Grupo АСS»

Густариши ҳамкориҳо бо Арабистони Саудӣ

Аввалин воситаи таълимӣ оид ба сиёсати хориҷии Тоҷикистон

Баргузории Форуми байналмилалии «Помир Инвест»

Як нишасти муҳим


Дар сомонаҳои дигари Тоҷикистон хонед