logo

ҳуқуқ

ҶАЗО ПОДОШИ АМАЛИ ҶИНОЯТКОРИСТ

Баъд аз содир шудани ҳукми суд нисбат ба аъзои фаъоли собиқ ҲНИТ ҳамчун як хонанда рӯ овардам ба расонаву сомонаҳои интернетӣ, то аз назари мардум дар ин бора огоҳ шавам. Дарёфтам, ки дидгоҳи аксари шаҳрвандон ба ҳукми суд ва аъмоли афроди маҳбасшуда дурусту воқеист. Вале, ҷойи нигаронист, ки дар пасманзари ҳукми суд бархе аз созмонҳои хориҷӣ беасос садо баланд карда, шаффофияти онро зери суол мебаранд. Онҳо аз зиндонӣ шудани хиёнаткорон нороҳатии худро баён медоранд, вале аз ҳаводиси хунине, ки аъзои ҲНИТ роҳандозӣ карданд, камтар ҳарф мезананд.

Таърих гувоҳ аст, ки баъд аз ранҷу машаққати зиёди солҳои аввали Истиқлолияти давлатӣ мо ба ваҳдати миллӣ даст ёфтему дар кишвар сулҳу субот пойдор гардид. Имрӯз субҳи мо таровату оҳанг, шомамон накҳату тафреҳ дорад. Майдоне, ки 25 сол қабл дар маркази пойтахт оғуштаи хун буд, феълан ба боғи хушнакҳате табдил ёфта, чун макони дилрабо дар хидмати сокинону меҳмонони Душанбе қарор гирифтааст.
Волоияти қонун, мардумсолорӣ, озодиву озодандешӣ дар ҷомеаи навини тоҷик ҳукмфармо шудааст, ки ҳеҷ як таҳлилгару коршинос 25 сол қабл чунин рафоҳи зиндагиро пешбинӣ ва ё пешгӯӣ карда наметавонист. Аммо ҳодисаи нангине, ки моҳи сентябри соли 2015 ба амал омад, амали зишту хиёнаткоронаест, ки мардуми сулҳпарвари тоҷикро нигарон кард. Зеро тарроҳону иштирокчиёни ҳамлаи мусаллаҳона қасди анҷом додани табаддулоти давлатӣ доштанд, ки дар ниҳоят кӯшиши аз байн бурдани сулҳу субот дар ҷомеа буд. Хушбахтона, мардуми огоҳ ин бор фирефтаи гурӯҳҳои манфиатҷӯ нагардида, бо рахнагарони ваҳдату якпорчагии давлат муқовимат ва дар амри саркӯб намудани хиёнаткорон ба неруҳои низомии кишвар ёрии амалӣ хешро расонданд. Ин ҳодисаи нангин нишон дод, ки мардуми тоҷик ба ҳеҷ ваҷҳ намегузорад, ки сулҳу субот дар кишвар халалдор гардад.
Тири хокхӯрдаи собиқ муовини вазири мудофиаи кишвар Абдуҳалим Назарзода нишон дод, ки ӯ бо сарварии роҳбари собиқ ҲНИТ Муҳиддин Кабирӣ ва дигар фаъолони он нақшаи табаддулоти давлатиро тарҳрезӣ карда, аллакай санаву соатро муайян намуда, ба тарафдорону хоҷагонашон номаҳо ирсол карда будаанд. Қасд доштанд бори дигар ба сари миллати тоҷик чодари ғаму ғуссаро бипӯшонанд. Аммо номусу кордонӣ ва хираду нанги миллати тоҷик ба ин амали разилона роҳ надод!
Мунтаҳо тарроҳону гунаҳкорон, ки дар натиҷаи амали ваҳшиёнаи онҳо чанд нафар аз кормандони мақомоти қудратӣ ба шаҳодат расидаву қисмати дигар захмдор шуданд, ба сазои аъмоли худ расиданд. Ҳанӯз роҳбари ин гурӯҳи муташаккили террористӣ Муҳиддин Кабирӣ, ки якчанд моҳ қабл аз амалӣ кардани нақшаи худ дар табаддулоти давлатӣ тарки Тоҷикистон карда буд, дар хориҷи кишвар қарор дорад. Аъзои дигари ин гурӯҳи ҷиноятпеша боздошт ва ҳабс шуданд. Хушбахтона, Худованд моро аз он рӯзи бад нигаҳ дошт ва гунаҳкоронро ба дасти адолат супурд. Пас чаро имрӯз мо хурсанд аз он набошем, ки душманони миллат ба ҳадафи нопоки худ нарасиданд ва ҷазои сазоворро гирифтанд.
Баръакс барои ҳифзи ин арзишҳо моро зарур аст, ки дар таҳкими ваҳдати миллӣ саҳмгузор бошем. Нагузорем, ки хиёнаткороне, чун пешвоёну пайравони собиқ ҲНИТ камари ваҳдатро бишкананд, сулҳу салоҳи пойдорро халалдор ва Тоҷикистони азизро аз роҳи рушд боздоранд.

Зафар НИЗОМОВ,
омӯзгори собиқадор


Баёни ақида (0)    Санаи нашр: 30.06.2016    №: 129    Мутолиа карданд: 642

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед