logo

ҳуқуқ

ИСТИҚЛОЛ: ДУ АСЛИ БУНЁДӢ

Агар ба 25 соли пеш назар андозем, ҳамзамон бо эълони Истиқлолияти давлатӣ дар Тоҷикистон низоми нави давлатдорӣ, фазои билкул аз замони Иттиҳоди Шӯравӣ фарқкунандаи ҳуқуқӣ, ки ба заминаи тозаи қонунгузории миллӣ асос ёфта буд, ташаккул ёфт. Истиқлолият ҳамчун неъмати муқаддас ва муҳити озоди соҳибихтиёрӣ дар  соҳаи ҳуқуқ ва қонуният низ  ҳаёти ҷамъиятиро  дигаргунӣ бахшид, ки ин ҳама  дастоварду  музаффариятҳо  арзиши  ҳуқуқии  истиқлолро  аён месозад.

Пӯшида нест, ки пешрафти ҳама соҳаву бахшҳои ҷомеа ба заминаи қонунӣ ва асосҳои ташкилӣ - ҳуқуқӣ устувор мебошад. Аз ин нигоҳ, ба роҳбарияти олии мамлакат лозим омад, ки барои бунёди ҷомеаи навини шаҳрвандӣ ва давлати қудратманди демократӣ дар қадами аввал заминаҳои қонунӣ ва фазои мусоиди ҳуқуқиро ба вуҷуд орад. Дар ин самт кишвари мо дар солҳои аввали истиқлолият ба чандин созмонҳои бонуфузи ҷаҳонӣ, мисли Созмони Милали Муттаҳид, Созмони амният ва ҳамкорӣ дар Аврупо ва дигар ниҳодҳои сиёсиву ҳуқуқии муътабари байналмилалӣ аъзо гардид. Барои таъмини шинохти пурра ва муаррифии Тоҷикистон ба сифати узви ҷудонопазири ҷомеаи ҷаҳонӣ, ки дар харитаи сиёсии дунё ҳамчун кишвари мустақилу соҳибихтиёр зуҳур намуд, лозим омад чандин конвенсия ва санадҳои ҳуқуқи байналмилалиро дар соҳаи ҳифзи ҳуқуқи инсон ба тасвиб расонад.
Аммо дар ин раванд оғоз шудани ҷанги шаҳрвандӣ маҷрои иқдомҳои ҷиддиро дар роҳи фароҳам овардани заминаҳои қонунӣ ва ҳуқуқии давлатдории навини мустақилу комилҳуқуқ халалдор намуд. Чуноне ки ҳамагон медоданд маҳз иҷлосияи таърихиву тақдирсози XVI Шӯрои Олӣ, роҳбарияти нави сиёсии кишвар, ки дар рафти он интихоб шуданд ва қонуну санадҳои меъёрии ҳуқуқӣ ба тасвиб расиданд, тавонистанд умеди сартосариро ба зиндагии оянда мустаҳкам созанд. Роҳбарияти тозаинтихоб ба кор шурӯъ намуда, тадриҷан мақомоти ҳифзи ҳуқуқ ва сохторҳои интизомию қудратӣ ба таъмини қонуният ва тартиботи ҳуқуқӣ, эҷоди фазои суботу осоиштагӣ камар бастанд. Дар ҷодаи қонунгузорӣ қадамҳои аввалин, вале устувор баҳри эҷоду қабули заминаҳои қонуниву ҳуқуқии пешрафти соҳаҳои гуногуни хоҷагии халқ дар ҷумҳурӣ асос гузошта шуд. Як фазои ҳуқуқӣ ва муҳити созгори сиёсию дастгоҳи идоракунии давлатӣ шакл гирифт, ки тавонист заминасози ислоҳи вазъ ва беҳбуд бахшидани авзои соҳаҳои гуногун, инчунин бартараф сохтани мушкилоти доғ гардад.
Дар он вазъияти ноорому барои ҷумҳурӣ ҳассос ба ғайр аз анҷом додани фаъолиятҳои хоси касбиву тахассусӣ дар назди бархе аз вазорату кумитаҳо аз ҷониби роҳбарияти давлат дигар вазифагузориҳои муҳим низ сурат гирифтанд, ки аз чигунагии иҷрои онҳо таъмини амнияти ҷомеа, фароҳам сохтани шароити созгори зиндагии мардуми одӣ ва нигоҳдории набзи муътадили кори хадамоти иҷтимоӣ вобастагии зиёд дошт. Аз ҷумлаи иқдомҳои муҳим ва сарнавиштсоз таҳия ва бо роҳи раъйпурсии умумихалқӣ қабул намудани нахустин конститутсияи Тоҷикистони соҳибистиқлол ба шумор меравад. Маҳз Конститутсия, ки қувваи олии қонунӣ дорад, асосҳои ҳуқуқии ҳокимияти давлатӣ, ҳифзи ҳуқуқу озодиҳои инсон, тартиби фаъолияти мақомоти салоҳиятдори давлатӣ дар соҳаи таъмини риоя ва ҳифзи ҳуқуқҳои инсон, аз қабили суду прокуратураро мушаххас сохт.
Имрӯз дар Тоҷикистон ҳуқуқи инсон ҳамчун арзиши олии ҳуқуқӣ, ки онро Конститутсия муқаррар кардааст, риоя, таъмин ва ҳифз шуда истодааст, волоияти қонун пойдор мебошад. Хилофи ҳамаи талошҳои душманони миллат кохи истиқлолияти мо сол ба сол устувор гашта, тоҷику тоҷикистониёнро ба фардои дурахшон, зиндагиву рӯзгори боз ҳам шоиста ва сазовор  хоҳад  расонд.  Дар ин роҳ  ду асли бунёдии истиқлол - қонун  ва  ҳуқуқ   заминасоз, ҳидоятгар  ва  роҳнамоянд.

Суҳроб РӮШАНЗОДА,
муовини якуми раиси суди
ноҳияи Синои шаҳри Душанбе


Баёни ақида (0)    Санаи нашр: 19.07.2016    №: 139    Мутолиа карданд: 716
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед