logo

ҳуқуқ

ПОЛИС БА ҶОИ МИЛИТСИЯ

Ҳадаф аз татбиқи ислоҳоти милитсия, ин  ҳамкории боз ҳам наздик бо аҳолӣ, афзудани эътимоду боварии халқ  ба ин  ниҳоди калидӣ, таъмини шаффофият дар кору фаъолият ва муборизаи дастаҷамъона бо ҷинояткорӣ мебошад.      
Эмомалӣ РАҲМОН

Дар Тоҷикистон бо мақсади ҳимояи боэътимоди ҳуқуқ ва озодиҳои инсон, таъмини волоияти қонун ва тақвияти раванди демократисозии ҷомеа марҳалаи сеюми ислоҳоти судӣ - ҳуқуқӣ амалӣ шуда истодааст. Дар ин ҷараён, ислоҳот ва рушди милитсия қисмати муҳим ба шумор меравад.

Ба гуфтаи ҳамоҳангсози миллӣ оид ба ислоҳоти милитсияи Вазорати корҳои дохилии Ҷумҳурии Тоҷикистон, полковники милитсия Алӣ Бобоназарзода, ислоҳот бояд дар шуури ҷомеа симои  иҷтимоии куллан нави корманди милитсияе, ки орӣ аз амалҳои коррупсионӣ ва ҳадафаш мусоидат намудан ба шаҳрвандон аст, ташаккул диҳад. Бо мақсади гузарондани ислоҳот дар фаъолияти милитсия, байни Ҳукумати Ҷумҳурии Тоҷикистон ва Созмони амният ва ҳамкорӣ дар Аврупо (САҲА) Ёддошти тафоҳум ба имзо расид, ки он 8 феврали соли 2012, №682 бо қарори Маҷлиси намояндагони Маҷлиси Олии Ҷумҳурии Тоҷикистон тасдиқ гардидааст. Барои муайянсозии ҳадафҳо, афзалият ва тадбирҳо ҷиҳати ислоҳот ва рушди милитсия, бо Фармони Президенти Ҷумҳурии Тоҷикистон таҳти №1438, аз 19 марти соли 2013 «Стратегияи ислоҳоти милитсия барои солҳои 2013 - 2020», тасдиқ гардид. Дар иртибот бо он, Ҳукумати Ҷумҳурии Тоҷикистон бо қарори №296, аз 3 майи соли 2014, барномаи фарогири ислоҳоти милитсия ва нақшаи татбиқи онро барои солҳои 2014 -  2020 тасдиқ намуд.
Баланд бардоштани донишу маҳорати касбии ҳайати шахсӣ бо роҳи ҷорӣ намудани системаҳои пешрафтаи таълим (тайёркунӣ ва азнавтайёркунии кормандон), тақвият бахшидани ҳамкорӣ бо аҳолӣ ва беҳтар намудани ақидаву бовари шаҳрвандон ба фаъолияти он, ба дигар идораҳо вогузор сохтани вазифаҳои ба милитсия хоснабуда, коҳиш додани омилҳои коррупсионӣ вобаста ба ҷойҳои корӣ ва мансабҳо, кам кардани тарси ҷабр дидан аз ҷиноят, ба вуҷуд овардани муҳити иҷтимоии бехатар,  ҷорӣ  намудани  системаи ягонаи бақайдгирии электронии ҷиноятҳо ва дигар қонуншиканиҳо, таҷдиди сохтори ташкилию идоракунии милитсия ва иваз шудани номи ин сохтор аз “милитсия” ба “полис” аз ҳадафҳои муҳимтарини ин ислоҳот аст.
Мафҳумҳои“политсия ва полис”аз калимаи фаронсавии полис, юнонии политсия гирифта шуда, маънои давлат, шаҳрро ифода мекунад.Зери ин мафҳум системаи хизмати давлатӣ ва мақомоти таъмини тартиботи ҷамъиятӣ, ки дорои ваколатҳои васеи хизматӣ, аз ҳама муҳим пешгирӣ, ошкор намудани ҷиноят ва дигар ҳуқуқвайронкуниҳо фаҳмида мешавад. Ба политсия дигар вазифаҳо, аз ҷумла ҳифзи объектҳои гуногун, танзими ҳаркати роҳ, пешгирии садамаҳои нақлиётӣ, амалӣ намудани назорати маъмурӣ ва назоратбарӣ дар доираи фаъолиятҳои гуногун, иҷрои қарорҳои дигар мақомоти давлатӣ вогузор шудааст.Полис истифодаи тарзу усулҳои маҷбурсозӣ, мутаъқидгардонӣ ва дигар шеваҳои иҷрои санадҳои ҳуқуқиро истисно намекунад.
- Барои расидан ба ин ҳадафҳо, омода намудани лоиҳаи Қонуни Ҷумҳурии Тоҷикистон «Дар бораи политсия», ки қабули он боиси ба вуҷуд омадани тағйирот дар номи милитсия, муайянсозии функсия ва вазифаҳои асосии он ва тағйирёбии сиёсати кадрӣ мешавад, ба нақша гирифта шудааст. Бо ин мақсад, 5 майи соли 2015 бо фармоиши вазири корҳои дохилӣ дар назди вазорат ва раёсатҳои минтақавии он дар ВМКБ, Суғд, Хатлон, шаҳри Душанбе, қисми минтақавӣ оид ба гурӯҳи ноҳияҳои Кӯлоб, минтақа ва ноҳияи Рашт, шӯроҳои ҷамъиятӣ оид ба мусоидати ҷомеаи шаҳрвандӣ ба ислоҳот, таъсис дода шудаанд. Шӯроҳои ҷамъятӣ мақомоти ҷамъиятии машваратӣ - мушоҳидавӣ буда, бо мақсади ташкил ва таъмин намудани иштироки шаҳрвандон дар ҷараёни ислоҳоти милитсия созмон дода шудаанд, - тазаккур дод Алӣ Бобоназарзода.
Дар асоси Стратегияи ислоҳот, милитсия бояд ба хадамоти хизматрасонии шабонарӯзӣ, ба доираи васеи хизматрасониҳои иҷтимоӣ мубаддал гардад. Аз ҷониби милитсия пешниҳод намудани хизматрасониҳои иҷтимоӣ ба аҳолӣ, ёрии таъҷилии тиббӣ ва психологӣ, ҷустуҷӯи одамони гумшуда, мадад ба ронандагоне, ки дар роҳ дар вазъияти душвор мондаанд ва ҳатто наҷот додани ҳайвонотро пешбинӣ менамояд. Ҷиҳати иҷрои ин вазифаи муҳим аллакай аз 2 майи соли ҷорӣ дар ВКД телефони доимоамалкунандаи “Мадад-1919” ба фаъолият шурӯъ намудааст, ки шаҳрвандон метавонанд аз дилхоҳ телефон бе пардохт муроҷиат намоянд, арзу шикоят ё дархости худро расонанд ва ёрии хадамоти дахлдорро бигиранд.
Ҷузъи муҳими ин ислоҳот ба мақомоти худидоракунии маҳаллӣ ва мақомоти иҷроияи маҳаллии ҳокимияти давлатӣ пешниҳод намудани имконияти фаъолонаи иштирок дар баррасии масъалаҳои ба амнияти онҳо ва тартиботи ҳуқуқӣ дахлдошта мебошад. Зеро дар сурати дар алоҳидагӣ амал намудан, милитсия ба ҳаллу фасли пурраи ҳамаи мушкилоти ба амнияти аҳолӣ ва тартиботи ҳуқуқӣ монеъшаванда қодир нест ва он ба робитаҳои корӣ бо аҳолӣ бештар манфиатовар аст. Аммо ин маънои онро надорад, ки ҷомеа ба як қисми хизмати милитсия табдил меёбад, балки сухан дар бораи ташкил намудани заминаи ҳамкорие меравад, ки ба саҳмгузор шудани аҳолӣ дар таъмини ҳифзи тартиботи ҷамъиятӣ ва амнияти шаҳрвандон дар нуқтаи аҳолинишин оварда мерасонад.

Бузургмеҳри БАҲОДУР,
“Ҷумҳурият”


Баёни ақида (0)    Санаи нашр: 21.07.2016    №: 141    Мутолиа карданд: 708
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед