logo

туризм

ТУРИЗМИ ЛАХШ. АГАР НАҚШАҲО АМАЛӢ ШАВАНД...

Ноҳияи Лахш дорои имкониятҳои васеи пешниҳоди хизматрасониҳои хушсифати маишӣ, истеҳсоли маҳсулоти кишоварзии аз ҷиҳати экологӣ тоза ва мавзеи  ҷолиби сайёҳӣ мебошад. Манзараҳои дилфиреби ин диёри зебоманзар  ба як дидан касро мафтун месозанд.  Чашмаҳои шифобахши Тандиқул чаҳор фасли сол аз қаъри замин фаввора мезананд. Ҳавзи Сартоло, водии илондӣ ва майдони «Масквина» - и қуллаи Исмоили Сомонӣ диққати ҳар бинандаро метавонанд ба худ ҷалб кунанд. Тайи солҳои охир барои истироҳату табобат омадани  сокинони ноҳияҳои гуногуни кишвар ва шаҳрвандони хориҷӣ ба ин мавзеъҳо афзуда истодааст.

Тавре  ки  Нисратулло Нийматов,  мудири бахши рушди иқтисод ва савдои мақомоти иҷроияи маҳаллии ҳокимияти давлатии ноҳияи Лахш дар суҳбат афзуд: «Солҳои охир дар ноҳия бо мақсади рушди туризм як қатор корҳо ба анҷом расиданд. Бо дастгирии соҳибкорони ватанӣ дар мавзеи Тандиқул меҳмонхона бунёд гардида, дар доираи имконоти мавҷуда барои меҳмонон шароит фароҳам оварда шуд. Имсол беш аз ҳазор нафар аз гӯшаҳои дуру наздики кишварамон барои табобат ва истироҳат ба Тандиқул омаданд. Дар назар аст, ки дар ояндаи наздик ин мавзеъи Тандиқул ба истироҳатгоҳи воқеан муосир табдил дода шавад. Сайёҳон аз хориҷи кишвар ба ноҳия бо мақсади фатҳи қуллаи Исмоили Сомонӣ меоянд. Шумораи меҳмонони хориҷӣ имсол ба 160 нафар расид. Асосан набудани меҳмонхонаҳои ҳозиразамон барои рушди соҳа таъсири манфӣ мерасонад. Дар ин масъала масъулини ноҳия бо соҳибкорони маҳаллӣ кор бурда истодаанд».
Аммо, тавре мушоҳидаҳо нишон медиҳанд, дар ин ҷода чанд омили дигари таъсиррасон низ ҳаст. Аз қабили надонистани забонҳои хориҷӣ аз ҷониби шахсони масъул, паст будани сатҳи  хизматрасонӣ, ба талабот ҷавобгӯ набудани роҳҳои маҳаллӣ, набудани хатсайрҳо ва воситаҳои боркашонӣ барои рушди соҳа монеа эҷод мекунад. Сабаби асосии кам таваҷҷуҳ зоҳир намудани сайёҳон ба ин ноҳия аз кам иттилоъ доштани онҳо мебошад. Манбаи асосии иттилоъ дар замони муосир, бешак, сомонаҳои интернетианд ва ҳар як нафаре, ки мехоҳад аз ин ё он кишвар дидан намояд, ҳатман дар қадами аввал аз интернет маълумоти лозимиро ҷустуҷӯ менамояд.
- Мо ба нақша гирифтаем, ки барои сайёҳони оянда сайрхати  мушаххас тартиб диҳем ва оид ба ноҳияи Лахш, ҷойҳои  зебоманзар, таърихию   фарҳангӣ, обҳои шифобахш ва  олами набототу ҳайвоноти он маълумотномаҳои муфассал тартиб диҳему  дар интернет ҷой намоем. Ҳамчунин, бо кумаки устоҳои  ҳунарманди сокини ноҳия сохтани туҳфа, тартиб додани китобча - буклетҳои суратдор, ки табиати зебо, ҷойҳои таърихии ноҳияро нишон диҳад, дар назар аст. Ташкил намудани нуқтаҳои фурӯши маҳсули ҳунарҳои мардумӣ,  чун  ҷӯробу рӯймолҳо, куртаву тоқӣ ва локиҳои гулдӯзӣ, кулоҳу либосҳои миллии тоҷикию қирғизӣ, ташкил намудани васоити боркашӣ барои сайёҳони хориҷӣ ба нақша гирифта шудааст, - гуфт Нисратулло Нийматов.
Х. ЗАЙНИДДИН,
«Ҷумҳурият»


Баёни ақида (0)    Санаи нашр: 22.09.2016    №: 189    Мутолиа карданд: 11569

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед