logo

фарҳанг

ТОҶИК – МИЛЛАТИ МУАЗЗАМ

Ҳарчанд ки истиқлоли мо ҷавон аст, решаҳои он ба умқи таърихи пурифтихори халқамон мерасанд.
Эмомалӣ РАҲМОН
 
Тоҷикон дар радифи қадимтарин мардуми Осиёи Марказӣ қарор гирифта, собиқаи чандинасраи фарҳангсолорӣ, тамаддунсозӣ, маънавиятофаринӣ ва таҷрибаву оини давлатдории онҳо таваҷҷуҳи пажӯҳишгарону муаррихонро ҳамеша ба худ ҷалб кардааст. Дар баробари ин, душманони ҷонсахти ин миллат аз гӯшаву канор садо баланд карда, ба инкори воқеияти таърих кӯшидаанд.
 
Дар навбати аввал, соли 1926 устод Садриддин Айнӣ бо иншои «Намунаи адабиёти тоҷик», ки баҳри исботи ҳастии миллате бо номи тоҷик ба Кремл фиристода мешуд, ба даҳони душманон муҳри хамӯшӣ зад. Устод Айнӣ дар оғози китоб чунин навишт: «Аз бозе, ки вақоеъро таърих қайд мекунад, то имрӯз дар диёри Мовароуннаҳру Туркистон, як қавми муаззам ба номи тоҷик ё ки тозик истиқомат дорад, ҳамчунин забону адабиёти эшон ҳам ривоҷ ёфта омадааст».
Таърихнигори сатҳи ҷаҳонӣ, академик Бобоҷон Ғафуров низ мояи ифтихор будани фарҳанги моро зери назар дошта, фармудааст: «Ин ҳақиқат, ки мо дар сафи пеши тамаддуни умумибашарӣ ҷой гирифтаем, хоҳиши худнамоии мо нест, ҳақиқате нест, ки мо онро ҳатман исбот карданӣ бошем. Ин ҳукми таърих аст. Таърихи инсоният ҳамин гуна ҷараён гирифтааст, ки мо дар сафи пеши тамаддуни ҷаҳонӣ қарор гирифтем». Ин суханони бадарди Аллома Ғафуров як навъ ҷавобияе ба душманони миллати тоҷик буд, ки он замон моро аз ҳаққи ифтихори гузаштаи пуршаънамон маҳрум карданӣ буданд. Бо гузашти айём, рӯҳи истиқлолхоҳии халқ музаффар шуд. Таърих бо ҳама шиканҷаву ҷабре, ки ба халқи тоҷику форс раво дидааст, сухани худро гуфт, исбот шуд, ки воқеан тоҷикон лоиқи чунин ифтихору сарбаландиянд.  Соли гузашта, вақте Президенти Ҷумҳурии Ҳиндустон китоби ба ҳиндӣ тарҷумашудаи «Тоҷикон»-ро ба Президенти кишвар Эмомалӣ Раҳмон супурд, ин ҳақиқат бори дигар чу алмос дурахшид ва ба қавли Мавлоно, дӯстонро шод карду душманонро кӯр кард. Ҳамзамон, ба шарофати истиқлол имсол «Тоҷикон» ба забони ӯзбекӣ низ нашр шуд.
Муаррихи рус, Н. Г. Павлов ба ҷонсахтиву таҳаммули мардуми тоҷик дар гирумони таърих қоил шуда навиштааст: «Аз рӯи инсоф бояд гуфт, ки тоҷикон то кунун халқи аз ҳама ҷонсахттаринанд; кам андар кам миллате мисли тоҷикон ба зарбаҳои сахт дучор омадааст, аммо қадре фурсати нафасгирӣ кифоя буд, ки онҳо боз ҷон бигиранд».
Ҳоло бо фарорасии асри илму техника ва дастрасӣ ба мероси гузаштагон дар дохилу хориҷи кишвар халқи тоҷик худро бештар шинохт. Фарзандонаш ба чор сӯи олам роҳ кушода, паём мерасонанд, ки дар Аврупову Амрико ва ё дар Қафқозу қаламрави Арабистон тоҷиконро мешиносанд, эътироф мекунанд, ки меросбари осори гаронмояи Хайёму Мавлоно ва Ҳофизу Саъдианд. Пажӯҳишгарону таърихнигорон решаҳои тоҷики ориётаборро меҷӯянду меомӯзанд. Мисоли рӯшани ин гуфтаҳо соли ҷорӣ дар Астрахани кишвари Русия гузошта шудани нимпайкараи Хайём, дар Амрико доир ба рӯзгор ва осори Мавлоно ба навор гирифтани филм ва дигар пайғомҳои неканд, ки албатта фараҳбахшанд. Зеро ба таъбири Сарвари давлат Эмомалӣ Раҳмон: “Адабиёт ҳамчун мубаллиғи меҳру муҳаббат ва шарофату одамият нифоқу низоъ ва кинаву адоватро аз дилу дидаи одамон дур месозад”.
Бузургмеҳри БАҲОДУР,
“Ҷумҳурият”


Баёни ақида (0)    Санаи нашр: 12.10.2016    №: 203    Мутолиа карданд: 3144

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед