logo

ҳуқуқ

ҲУҚУҚИ КӮДАК. ЗАНҲО ДАР ИН БОРА БЕШТАР МУРОҶИАТ МЕКУНАНД

Қонунгузории Ҷумҳурии Тоҷикистон баробарҳуқуқии зану мард, интихоби ҳамсар, барпо кардани оила ва бекор кардани ақди никоҳро кафолат додааст. Дар ин замина, ҷиҳати ҳифзи ҳуқуқу манфиатҳои занон ва баланд бардоштани мақоми онҳо дар ҷомеа тадбирҳои зарурӣ андешида мешаванд. Масалан, бо Қарори Ҳукумати кишвар, аз 2 июли соли 2013, Консепсияи мақсадноки миллии илмию тадқиқотӣ оид ба масъалаҳои рушди инсон, таъмини минбаъдаи принсипҳои демократӣ ва рушди ҷомеаи шаҳрвандӣ барои солҳои 2013 - 2028 тасдиқ шудааст, ки дар он ба омӯзиши ҳаёту фаъолияти занон таваҷҷуҳи махсус зоҳир гардидааст.
 
- Яке аз масъалаҳои муҳими ҳифзи ҳуқуқи занон шиканҷаву таъбиз нисбат ба онҳост. Тоҷикистон ҳанӯз соли 1993 Конвенсияи Созмони Милали Муттаҳид дар бораи рафъи тамоми шаклҳои шиканҷа нисбат ба занонро ба тасвиб расонда, иштироки ин қишри ҷомеаро дар ҳаёти сиёсӣ, иқтисодӣ, иҷтимоӣ ва фарҳангӣ таъмин намуд, - изҳор дошт Гулҷаҳон Умарова, сардори шуъбаи ҳифзи давлатии ҳуқуқҳои занон ва кӯдакони дастгоҳи Ваколатдор оид ба ҳуқуқи инсон дар Ҷумҳурии Тоҷикистон.
Бино ба гуфтаи ӯ, бо вуҷуди андешидани чораҳои зарурӣ, ҳанӯз ҳам аз оҷизиву дастнигарӣ ва беҳунариву камдонишии занҳо суистифода мешавад ва Зан – Модар ба қишри осебпазири ҷомеа табдил меёбад. Аксари занони муроҷиаткунанда барои ҳимояи ҳуқуқу манфиатҳои худ не, балки бештар барои ҳифзи ҳуқуқу озодиҳои фарзандонашон талош мекунанд. Зан сарчашмаи раҳму шафқат аст, саломативу беҳбуди рӯзгори худро ба гарав гузошта, ба кӯдаконаш сарпаноҳ ва ризқу рӯзӣ меҷӯяд.
Таҳлили муроҷиатҳои занон вобаста ба муносибатҳои оилавӣ, ки дар дастгоҳи марказии Ваколатдор оид ба ҳуқуқи инсон ба қайд гирифта шудаанд, нишон медиҳад, ки занон асосан баъд аз бекор шудани ақди никоҳ ба мушкилиҳои вобаста ба ҳуқуқи муошират бо фарзанд, таъмин шудан бо манзили зист, рӯёндани алимент барои нигоҳубини фарзанди ноболиғ дучор мешаванд.
- Аз садҳо оилае, ки ҳар сол ақди никоҳашон бекор карда мешавад, ба ҳисоби миёна ду нафар фарзанди ноболиғ мувоҷеҳи нигоҳубини яктарафа мегардад. Дар аксар маврид фарзандон бо модарашон мемонанд ва ин эҳтимолияти поймол шудани ҳуқуқу озодиҳои зан ва кӯдакро зиёд мегардонад. Масалан, чанде пеш ба мо шаҳрванд Г. Н. барои писараш, ки муддате дар муассисаи ислоҳоти меҳнатӣ будааст ва пас аз адои ҷазо дар мактаб ба таҳқири ҳамсабақонаш гирифтор шудааст, муроҷиат кард. Мо бо розигии тарафайн барои идомаи таҳсили кӯдак дар мактаби ғоибона шароит фароҳам овардем. Ё худ, Ш. А., маъюби гурӯҳи 1, бо духтари ноболиғаш дар Маркази минтақавии хизмати иҷтимоӣ ба нафақахӯрон ва маъюбони шаҳри Душанбе чанд сол аст, ки зиндагӣ мекунад. Ҳол он ки ин марказ барои будубоши кӯдакон пешбинӣ нашудааст. Шумораи ин гуна занҳои ҷавон кам нест. Бинобар ин, ташкили манзилҳои иҷтимоӣ барои чунин модарон мувофиқи мақсад мебошад, - тазаккур дод Гулҷаҳон Умарова.
Азҳампошии оилаҳо танҳо боиси вайрон шудани зиндагии ду тан нагашта, балки ҷабри бештарро фарзандон мекашанд. Аз ҷумла, дур мондан аз таълиму тарбия, худкушӣ, ҷинояткорӣ ва як қатор муаммоҳои дигар гоҳо аз қарори нодурусти падару модар сар мезананд.
Аз ин рӯ бар замми чораву тадбирҳои андешидаи Ҳукумати кишвар, риоя шудани ҳуқуқу озодиҳои бонувон аз худи онҳо низ вобастагии калон дорад. Зеро замони муосир тақозо менамояд, ки духтарони тоҷик ба ҷуз огоҳӣ доштан аз суннату анъанаҳои оиладорӣ, инчунин соҳиби касбу ҳунар ва маърифати техникиву ҳуқуқӣ бошанд.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 20.10.2016    №: 209    Мутолиа карданд: 2800
19.04.2021


МАШВАРАТИ ГУРӮҲИ КИШВАРҲОИ ВИШЕГРАД ВА ОСИЁИ МАРКАЗӢ

АҶАБ ШАҲРИ ДИЛОРОӢ, ДУШАНБЕ. РӮЗИ ПОЙТАХТ ХОТИРМОН ГУЗАШТ

Ҳамоиш бахшида ба Рӯзи илми тоҷик

«ДУШАНБЕ - ҚАЛБИ ТОҶИКИСТОН»

САҲМИ АЙНӢ ДАР РУШДИ ИЛМУ ФАРҲАНГИ МИЛЛӢ

МАРД БОЯД ТАНДУРУСТ БОШАД

ҲАРАКАТИ ВАҲДАТИ МИЛЛӢ ВА ЭҲЁИ ТОҶИКИСТОН ДАР ТОҶИКОБОД

9 ИНШООТИ ТАЪРИХИВУ ФАРҲАНГӢ БА ФЕҲРИСТИ ПЕШАКИИ ЮНЕСКО ШОМИЛ ШУД

ЛИГАИ ЧЕМПИОНҲО

Даъвати Байден аз Путин

ҶАҲОН ДАР ЯК САТР

15.04.2021


ВМКБ. ВОХӮРӢ БО НАМОЯНДАГОНИ МАРКАЗИ ИЛМӢ-ФАРҲАНГИИ РОССИЯ

ВАО: РАИСИ ҶМЧ БА ИШТИРОК ДАР САММИТ ОИД БА ИҚЛИМ МАЙЛ ДОРАД

ҶАҲОН ДАР ЯК САТР

НАВБАҲОР ГУЛ МЕКУНАД

НОҲИЯИ ФИРДАВСӢ. ҲАВАСМАНДГАРДОНИИ ХИЗМАТЧИЁНИ ҲАРБӢ ДАР МАДДИ АВВАЛ

“ПАРВИН”. БЕҲТАРИНҲО ҚАДР ШУДАНД

14.04.2021


ҶАМЪБАСТИ ОЗМУНИ ҶУМҲУРИЯВИИ "САЙРИ ГУЛИ ЛОЛА"

ҲИЛОЛИ АҲМАРИ ТОҶИКИСТОН. КУМАК БА ЗИЁДА АЗ 9300 НИЁЗМАНД БА МУНОСИБАТИ МОҲИ РАМАЗОН

Навидҳои фарҳанг

Табрикоти кайҳоннавардон ба муносибати 60-солагии парвози инсон ба кайҳон

Ҷаҳон дар як сатр

12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР


Дар сомонаҳои дигари Тоҷикистон хонед