logo

фарҳанг

ТОҶИКОБОД. МУНОСИБАТ БА ФАРҲАНГ ГАРМТАР МЕШАВАД

Муассисаҳои фарҳангӣ дар деҳоти дурдасти навоҳии кишвар ба баландбардории маънавиёти ҷомеа мусоидат намуда, дар тарбияи фарҳангии ҷавонон нақши муҳимро мебозанд. Аз ин рӯ, тайи солҳои охир азнавсозӣ ва таъмиру тармими клубу китобхонаҳо, таъмини онҳо бо таҷҳизоти зарурӣ, инчунин тариқи устувор ба роҳ мондани фаъолияти хонаҳои фарҳангӣ дар меҳвари таваҷҷуҳи давлату Ҳукумати мамлакат қарор гирифта, аз ҷониби мақомоти иҷроияи маҳаллии ҳокимияти давлатии шаҳру ноҳияҳо дар ин самт пайваста тадбирҳои судманд амалӣ карда мешаванд.
 
Дар ноҳияи Тоҷикобод баҳри пурсамар роҳандозӣ намудани фаъолияти китобхонаҳои деҳот ва ташвиқу тарғиби мутолиаи китоб дар байни аҳолӣ аз тарафи роҳбарияти ноҳия ва бахши фарҳанг чораҳои мушаххас амалӣ гардида истодааст. Тавре ки Мустафо Шукуров, мудири бахши фарҳанги ноҳияи Тоҷикобод, зимни суҳбат иброз намуд,  бо мақсади баланд бардоштани самаранокӣ ва сифати кори китобдор ва китобхона дар ҷомеа, ташвиқ ва тарғиби соҳаи китобдорӣ, муайян ва муаррифӣ намудани фаъолияти босамар дар байни китобхонаҳо ва кормандони он, ҳавасмандгардонии китобдорону китобхонаҳо ва ташвиқу тарғиби мутолиаи китоб дар байни аҳолии ноҳия ҳамасола озмуни «Китобдор, китобхона ва китобхони беҳтарини сол" баргузор мегардад. Сафи хонандагон ва ҳаводорони китобхонаҳо ба ин васила батадриҷ меафзояд. Дар ноҳия 14 китобхона, аз ҷумла 2 китобхонаи бачагона фаъол буда, захираи китобҳо 35280 ададро ташкил медиҳад. Шумораи аъзои доимии китобхонаҳо ҳоло ба 3000 нафар расидааст, ки аксари онҳоро ҷавонон ташкил медиҳанд.
Бино ба иттилои М. Шукуров дар бахши фарҳанги ноҳия 4 хонаи фарҳангӣ фаъолият доранд. Кормандони хонаҳои фарҳангӣ дар қатори дигар зиёиёну фаъолон ба корҳои таблиғотию ташвиқотӣ ҷалб гардида, дар чойхона - фароғатгоҳҳо ва дигар ҷойҳои ҷамъиятӣ пайваста нишастҳои фарҳангӣ доир менамоянд. Бояд гуфт, ки Тоҷикобод аз қадим соҳиби мактаби хоси ҳунарии худ буд. Аз ин диёр дар давраҳои гуногун овозхону хунёгарони номӣ ба камол расидаанд. Иброҳим Кобулӣ, Зулфиқаҳҳор Исмоил, Сунатулло Раҳматулло, Давлат Исмоил, Муқим Мақсудов давомдиҳандагони анъанаҳои пешин буданд. Имрӯз ҳам шогирдону пайравони ин мардони ҳунар дар хизмати халқанд ва барои рушди соҳа заҳмат мекашанд.
Бахши фарҳанги ноҳия, ансамбли рақсу таронаро бо номи «Баёзи кӯҳистон» ташкил кардааст. Ин дастаи ҳунарӣ дар чандин озмуни ҷумҳуриявӣ ва берун аз кишвар ширкат варзида, ғолиб омадааст. Ҳунармандони ноҳия дар даври аввали фестивал - озмуни ҷумҳуриявии телевизионии эҷодиёти халқ - «Андалеб - 2016» байни навоҳии кишвар фаъолона иштирок намуда, дар шаҳри Душанбе сазовори ҷойи якум гардиданд. Соли 2003 ҳунармандони ноҳия дар фестивали умумиҷаҳонӣ таҳти унвони "Баҳори Бойсун", ки дар Ҷумҳурии Ӯзбекистон баргузор гардида буд, дар байни 18 давлати дунё хуб ҳунарнамоӣ намуда, сазовори Шоҳҷоиза гардиданд.
Заминаи моддӣ - техникии бахши фарҳанг ва муассисаҳои фарҳангӣ  дар ин ноҳия тайи се соли охир хеле беҳтар гаштааст. Хонаҳои фарҳангии ҷамоатҳои деҳот бо асбоби мусиқӣ ва дигар таҷҳизот таъмин ҳастанд. Баҳри таъмиру тармими муассисаҳои фарҳангӣ низ  аз ҷониби мақомоти иҷроияи маҳаллии ҳокимияти давлатии ноҳия тадбирҳои лозимӣ андешида мешавад. Сохтмони бинои нави бахши фарҳанги ноҳия аз ҳисоби буҷети маҳаллӣ идома дорад. 
Аммо, бояд гуфт, ки сокинони деҳаҳои Кул ва Қанишбеки Ҷамоати деҳоти Нушор ба  китобхона, ҷамоатҳои деҳоти Нушор ва Мунаввар Шогадоев ба таъсиси як хонаи фарҳангии дигар ниёз доранд.
- Алоқамандии мардум, бахусус ҷавонон ба клубу китобхонаҳо дар деҳот нисбат ба марказҳои шаҳру ноҳияҳо зиёдтар аст. Бо ҳамин мақсад беҳтар намудани фаъолияти муассисаҳои фарҳангиро дар деҳоти дурдаст роҳбарияти ноҳия зери таваҷҷуҳи доимӣ қарор медиҳад. Муассисаҳои фарҳангӣ ҳам дар ҷодаи баландбардории маънавиёти мардум нақши муассир доранд, - гуфт дар хотимаи суҳбат Мустафо Шукуров.
Худодод ЗАЙНИДДИН,
"Ҷумҳурият"


Баёни ақида (0)    Санаи нашр: 20.10.2016    №: 209    Мутолиа карданд: 2979

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед