logo

иқтисод

МАСТЧОҲ. ЗИНДАГӢ РӮ БА РУШД АСТ

Мастчоҳ. Ободӣ ва беҳтар гардидани сатҳи зиндагии бошандагони ин диёри файзбор аз натиҷаҳои баланди рушди иқтисодию иҷтимоӣ шаҳодат медиҳад. Бунёди биноҳои нави истиқоматӣ, савдову хизматрасонӣ, кашидани хати оби нӯшиданӣ ва сармоягузорӣ ба соҳаҳои  гуногуни хоҷагии халқи ноҳия солҳои охир авҷ гирифтааст. Азиззода ҒАЙРАТ, раиси ноҳия, натиҷаҳои баланди рушди иқтисодию иҷтимоиро аз таваҷҷуҳи ҳамешагии Сарвари давлат арзёбӣ намуда, чунин изҳор дошт:
- Соҳаи кишоварзӣ - яке аз самтҳои афзалиятноки ҳаёти ҷумҳурӣ дар ноҳия сол аз сол беҳбудӣ ёфта, ба рушди бахшҳои  саноат, шуғли аҳолӣ, имкониятҳои содиротии ноҳия такони ҷиддӣ бахшидааст. Тибқи дурнамо  соли равон дар зиёда аз  21 ҳазор гектар зироатҳои баҳорӣ кишта шуд. Кишоварзон бо истифода аз боду ҳавои мусоид кишти зироатҳоро вусъат дода, ба дастовардҳои назаррас ноил шуданд. Дар  нимаи аввали соли 2016  ҳаҷми маҳсулот дар ҳама шаклҳои хоҷагидорӣ -  ғалла,   сабзавот,  полизӣ  ва  меваи донакдор назар ба шашмоҳаи соли гузашта мутаносибан аз 122 то 311 фоиз афзудааст. Дар ин давра қариб  800 гектар замини аз гардиши кишоварзӣ берун монда  бо қарори раиси ноҳия ба фонди махсуси мақомоти иҷроияи маҳаллии ҳокимияти давлатии ноҳия ворид карда шуд. Дар майдони  68 гектари он боғи сиёҳолу бунёд ёфт.
Рушди кишоварзӣ ва сол ба сол афзудани ҳаҷми маҳсулот барои ҷоннок сохтани бахши саноат имконияти заруриро дар ноҳия фароҳам овардааст. Мақомоти иҷроияи   маҳаллии ҳокимияти давлатии ноҳия дар доираи дастуру супоришҳои Пешвои миллат, Президенти мамлакат Эмомалӣ Раҳмон дар бобати ба кор андохтани корхонаҳои истеҳсолӣ чораҳои зарурӣ андешидааст. Бо истифода аз шароити мусоид шумораи коргоҳҳои саноатии  коркарди маҳсулоти кишоварзӣ дар муқоиса ба солҳои гузашта бештар гардид.
Қисми асосии истеҳсоли маҳсулоти саноатӣ ба ҶСП “Олим Текстайл” - корхонаи коркарди нахи пахта ва тавлиди масулоти ниҳоии он ва ҶДММ “Суғд-семент” - коргоҳи истеҳсоли семент рост меояд. Корхонаи “Олим Текстайл” аз Ҷумҳурии Туркия бо маблағи як миллион сомонӣ 5 адад таҷҳизоти кешбофӣ ворид намуда, 20 ҷойи нави кор фароҳам овард. Корхона пас аз насби таҷҳизоти навин дар  як шабонарӯз 3 тонна риштаи пахтагин коркард намуда,  аз он матоъҳои аълосифат мебарорад. ҶДММ “Зарнишон” таҷҳизоти замонавии коркарди ғалла харида,  истеҳсоли ордро дар ноҳия ба маротиб афзун кард.
Сохтмони муассисаҳои таълимии замонавӣ, толорҳои барҳавои маҳфилороӣ ва муассисаҳои илмию маърифатӣ тайи солҳои охир дар диёри Мастчоҳ яке аз самтҳои асосии фаъолияти мақомоти иҷроияи маҳаллии ҳокимияти давлатӣ мебошад. Аз ҷумла, моҳи марти соли ҷорӣ бо иштироки Президенти мамлакат Эмомалӣ Раҳмон дар маҳаллаи Андарвашти Ҷамоати деҳоти Оббурдон барои 240 нафар хонанда муассисаи таълимии № 36 ифтитоҳ ёфта, ҳамзамон дар маҳаллаи Меҳрободи Ҷамоати шаҳраки Суғдиён ба бунёди мактаб санги асос гузошта шуд. Дар қатори ин, соли равон сохтмони бинои шуъбаи маориф низ пешбинӣ гардидааст.
Масъулони бахши фарҳанги  ноҳия маҳфилҳои гуногуни пурмуҳтаво ва рангоранг баргузор менамоянд. Дар китобхонаҳо пайваста намоиши китобҳо, конференсияҳои хонандагон, маҳфилҳои адабӣ, шабнишиниҳои адабӣ-бадеӣ дар мавзӯҳои «Тоҷикистон - хонаи ободи ман», «Қонун - сутуни давлат», «Ватан ва фарзандон» баргузор  мешаванд.
Баҳри амалӣ намудани барномаҳои «Стратегияи миллии солимии аҳолии Ҷумҳурии Тоҷикистон барои солҳои 2010 – 2020», «Консепсияи ислоҳоти соҳаи тандурустии Ҷумҳурии Тоҷикистон», «Ҳадафҳои рушди ҳазорсола дар бахши тандурустӣ» корҳои муайян ба иҷро расиданд. Дар доираи шароити фароҳамсохтаи Ҳукумати кишвар усулҳои нави ташхис, табобат ва хизматрасонии тиббӣ ба роҳ монда шуданд.
Дар ноҳия баланд бардоштани мақом ва нақши зан дар ҷомеа яке аз масъалаҳои аҳамиятнок буда,   татбиқи барномаҳои давлатӣ ва чораҳои дигари  зарурӣ дар ин самт роҳандозӣ гардидааст. Айни замон дар ноҳия 135 нафар зан  дар вазифаҳои роҳбарикунанда фаъолият мекунад. Бо мақсади ба шуғлҳои гуногун  фаро гирифтани бонувон курсҳои кӯтоҳмуддати омӯзиши компютер, қаннодӣ, адрасбофӣ, қолинбофии дастӣ ва сӯзанидӯзӣ ташкил карда шудааст.
Татбиқи сиёсати давлатии ҷавонон, рушди варзиш ва туризм низ барои мақомоти иҷроияи маҳаллии ҳокимияти давлатӣ дар мадди аввал меистад. Омодасозии  варзишгарони бомаҳорат, тарбияи ҳарбӣ - ватанпарастӣ, мубориза алайҳи қонуншиканӣ дар миёни ҷавонон, ҷалби онҳо ба тарбияи ҷисмонӣ ва   баланд бардоштани сатҳи маърифатнокиашон  вусъат ёфтааст.  Ба хотири тарбияи дурусти насли нав мусобиқаҳои ҳарбӣ – варзишии «Ҳомии Ватан», «Сарҳадчиёни наврас», “Сипар”, “Далерон” ва  рӯзи «Дарҳои кушод» мунтазам ташкил карда мешаванд.
Барои аҳли ноҳия имсол давраи авҷи  корҳои созандагиву бунёдкорӣ мебошад. Дар як соли охир наздики 16 ҳазор метри мураббаъ хонаҳои истиқоматӣ, чанд маркази хизматрасонӣ ва биноҳои маъмурию фарҳангӣ мавриди баҳрабардорӣ қарор гирифтанд. Соли равон ба истифода додани  25  иншооти иҷтимоию хизматрасонӣ ба нақша гирифта шудааст. Имрӯзҳо дар ноҳия корҳои ободонӣ  бо маром идома доранд.
Ташрифулло САЪДУЛЛОЕВ,
“Ҷумҳурият”


Баёни ақида (0)    Санаи нашр: 20.10.2016    №: 209    Мутолиа карданд: 2465

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед