logo

фарҳанг

ТОҶИКОН АЗ ТАБОРИ ШИРИНСУХАНОНАНД

Фарҳангу адаб сарчашмаи ҳастӣ ва роҳи беҳтарин барои расидан ба маърифати инсонист. Дар ин замина, адабиёт барои миллати тоҷик фанни инсоншиносӣ, санъати сухан ва воситаи тарбияю такмили камолоти маънавӣ аст. Мардуми одии мо бе омӯзишу фарогирии донишҳои адабӣ ҳам зотан шоиру хушгӯву зарофатҷӯянд. Зеро фарҳанги мардумӣ дар худ таърихи халқ, доираи ҷаҳонбинӣ, тафаккури бадеӣ, хазинаи зеҳнӣ, тавоноии ақлонӣ ва анъанаву оини ниёгонро нигоҳ дошта, чун унсури миллӣ шинохта мешавад.
Имтиёзи тоҷикон дар байни қавму миллатҳои дигар ҳамоно фарҳанги ғановатмандашон аст. Соли 1997 вақте Эмомалӣ Раҳмон тариқи ҳавопаймо ҷасади абармарди адабиёт Сотим Улуғзодаро ба Душанбе меовард, дар фурудгоҳ ба ифтихори ноил шудан ба сулҳу ваҳдат Лоиқи зиндаёд ғазали «Сулҳи деринтизори мо омад» - ро месуруд, пайкараи Исмоили Сомонӣ дар маркази Душанбе қомат меафрохт, Парвардигор, ки гиромидошти ёди гузаштагон писанди ӯст, ба тоҷикон имкони дубораи эҳёро армуғон кард. Саргузашти чӣ сон ба Душанбе оварда шудани ҷисми беҷони Сотим Улуғзода ва дафни ӯ дар Лучоб ҳикояти ибратбахши дигаре ҳаст, ки аз фарҳангпарварию ҷавонмардии Сарвари давлат қисса мекунад. Минбаъд, шоирони маъруф Бозор Собир, фарҳангшинос ва файласуф Акбари Турсон аз Амрико ба Тоҷикистон даъват шуданд.
Президенти мамлакат Эмомалӣ Раҳмон Наврӯзи Аҷамро ҷаҳонӣ кард ва Наврӯзи имсоларо ба наврӯзи шеъру сухан ва фарҳангу зебоӣ табдил дод. Меҳмонон ва зиёиёни хориҷӣ шавқу муҳаббати тоҷиконро ба адабиёт эҳсос карда гуфтанд: «Миллате, ки фарҳангашро пос медорад, безавол аст». Бо кӯшишу талоши кормандони шуъбаи тоҷикшиносии Китобхонаи миллӣ китоби «Тоҷикон» - и Александр Шишов ба забони тоҷикӣ ба табъ расид. Муаллиф омӯзгори маънавӣ будани халқи тоҷикро дар қаламрави Осиёи Марказӣ таъкид намуда менависад: «Тоҷикон сокинони қадимтарини минтақа ҳастанд. Дар ин робита, онҳо омӯзгори маънавии мардумони дигари ин марзу бум маҳсуб меёфтанд».
Айни замон дар кишвар 2351 муассисаи санъату иҷтимоӣ-фарҳангӣ, аз ҷумла 17 муассисаи театрии касбӣ, 6 муассисаи консертӣ, 95 муассисаи таълимии соҳаи фарҳанг ва ҳунар ва се мактаби олӣ фаъолият доранд. Ҳоло чопи силсилаи «Ахтарони адаб» идома дорад, ки мувофиқи он тамоми осори ниёгон, шурӯъ аз Рӯдакӣ то Аҳмади Дониш аз нав ба шакли мукаммал бояд чоп шаванд. Ҳоло мардум хостгори филму наворҳои таърихианд. Ба тамошои ҳунарии корнамоиҳои қаҳрамонон ва шоирону сиёсатмадорони гузаштаашон ниёз доранд. Агар дар ҳунари филмофарии тоҷик сенариянависону коргардонҳо ин ҷиҳати корро ба инобат гиранд, гавҳари мақсуд бештар ба каф меомад.
Дар зарфи биступанҷ сол пайваста ба ифтихори миллӣ, тавонистем, тавассути муаррифии шахсиятҳои мондагори фарҳангу илму адаб, ҳастии дирӯзу имрӯзи миллатеро ба номи тоҷик ба субот расонем. Аз ҷумла, таҷлили 1150 - солагии Одамушшуаро Рӯдакӣ дар бинои Созмони Милали Муттаҳид, соли бузургдошти Имоми Аъзам бо иштироки созмону шахсиятҳои бузурги ҷаҳони ислом, ҷашни 800 - солагии Ҷалолиддини  Балхӣ дар Тоҷикистону Туркия, аз шаҳри Табрези Эрон ба Хуҷанди бостонӣ интиқол додани хоки турбати Хоҷа Камол, таъсиси Маркази Камоли Хуҷандӣ, тарҷумаву баргардони осори мутафаккиронамон ба забон ва расмулхати имрӯзаи тоҷикӣ, ба номи бузургонамон номгузорӣ шудани шаҳру ноҳияву маҳаллаву кӯчаву хиёбону гулгашт, қомат афрохтани пайкараҳои родмардони Меҳан ҳама самараи истиқлоли миллиянд. Ҳам мояи ифтихор ва ҳам маншаи сарафрозист, ки садои тоҷикон ба чор сӯи олам маҳз ба воситаи фарҳангу адаб ва навиштаҷоти фарзандони барӯмандаш паҳн мешавад.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 20.10.2016    №: 209    Мутолиа карданд: 3124

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед