logo

фарҳанг

НОСИР САИДОВ: "КИНОИ МО БА ХАРИДОРИ ВАТАНӢ НИЁЗ ДОРАД"

Носир Саидов яке аз коргардонҳои муваффақи синамои миллист, ки  филмҳои офаридааш сазовори ҷоизаҳои  байналмилалӣ  гардидаанд. Ҳоло  Носир Саидов вазифаи директори Киностудияи давлатии  «Тоҷикфилм» - ро  ба уҳда дорад. Назари ӯро дар мавриди вазъи кинои имрӯз  пурсон шудем, ки мавсуф чунин гуфт: 
 - Айни ҳол  дар «Тоҷикфилм» истеҳсоли филмҳои бадеии пурра ва кӯтоҳметраж, филмҳои мустанад ва аниматсионӣ ба роҳ монда шудааст. Дар муқоиса ба панҷ соли пеш, имконоти хуби техникӣ  фароҳам оварда шудааст. «Тоҷикфилм» бо техникаи замонавӣ таъмин ва шароити хубе барои таҳияи филмҳо муҳайё карда шудаанд. Ҳоло мо аз нигоҳи техникӣ дастгоҳҳои ҷавобгӯ ба меъёрҳои байналмилалиро дорем. Ҳамаи ин аз баракати иҷрои «Барномаи рушди кино барои солҳои 2011 – 2015» мебошад. Ҳамасола барои таҳияи филмҳои нав маблағҳои муайян ҷудо карда мешаванд. Филмҳои ҳунарии «Оинаи беҷило», «Марги бегуноҳ», «Сафари ҳавоӣ», силсилафилми «Як ҷаҳон аз ману ту», филмҳои кӯтоҳмуддати «Қатора», «Гули бахт», «Хобидан мехоҳам», «Ломакон», «Вазъият», «Муаллим» ва филмҳои мустанади «Ваҳшати ҷанг», «Танҳо осмон баланд», «Нуробод», «Бадахшон» ва «Рози тавлид» аз ҳамин ҳисоб маблағгузорӣ гардидаанд.
 Чанд марҳила ва мушкилии асосӣ  дар пеш аст, ки кинои тоҷик онро бояд тай кунад. Мушкили аввал - ин прокати кино ё фурӯши он мебошад. Дар кинематография чунин қоидае роиҷ аст: филме, ки сохта мешавад, бояд маблағи дар истеҳсолоташ масрафшударо ҷуброн намояд. Яъне тавассути бозор ба тамошобин пешниҳод гардад ва ин маблағ барои истеҳсоли филмҳои дигар, ё техника сарф гардад. Танҳо истеҳсоли филмҳои нав наметавонанд рушди соҳаро таъмин намоянд.
 Ҳамоно мушкилии дигари соҳа маблағгузории он боқӣ мемонад.  Хушбахтона, лоиҳаи «Барномаи рушди кинои тоҷик барои солҳои 2017 – 2021» аз ҷониби  ниҳодҳои зарурӣ дастгирӣ ёфтааст. Дар сурати қабул ва тадбиқи он кинои тоҷик рушд хоҳад ёфт.
 Мушкилии дигар кам будани филмномаҳои ҷолиб аст. Ба ҳамин хотир мо тасмим гирифтаем, ки аз моҳи январи соли 2017 дар назди киностудия мактаби киноро таъсис диҳем. Дар ин мактаб, ки таҳсил тӯли панҷ моҳ давом хоҳад ёфт, ҷавонони соҳибзавқ ҷалб мешаванд ва ба онҳо мутахассисон нозукиҳои кино ва навиштани филмномаро меомӯзонанд. Ба нақша гирифта шудааст, ки ҳар як муҳассили ин мактаб се филми кӯтоҳмуддат созад. Бо ин амал ба ҳар яки онҳо имкон дода мешавад, ки ҳамаи  марҳилаҳои  филмсозиро гузаранд. Одатан аз миёни чунин гурӯҳҳо истеъдодҳои хуб кашф карда мешаванд. Филмсозӣ ин касб бошад ҳам, боз ҳунар ҳам ҳаст.
 Филмҳое, ки дар  солҳои истиқлолият  офарида шудаанд набзи  ҳаёти мардуми тоҷикро дар бар мегиранд ва дер ё зуд албатта, пешкаши тамошобин мегарданд. Мутаассифона, филмҳои истеҳсоли «Тоҷикфилм» аз ҷониби телевизионҳо барои намоиш харидорӣ намешаванд. Ҳамин аст, ки тамошобини тоҷик ба филмҳо дастрасӣ надорад. Дар кишварҳои дигар ин тавр нест. Телевизионҳо филмҳоро мехаранд. Барои мисол, дар Федератсияи Русия агар филми истеҳсолшуда аз ҷониби ақаллан ду канали телевизионӣ харидорӣ гардад, харҷи истеҳсоли он бароварда мешавад ва имконият барои офаридани филми дигар муҳайё мегардад. Бо дастгирӣ ёфтани барномаи рушди кино истеҳсоли филмҳои  бадеӣ бештар мешавад. Ва бо фароҳам омадани шароити мусоид робита байни тамошобин ва филмсозон қавитар мегардад.
Ҳ. САНГОВА, «Ҷумҳурият»


Баёни ақида (0)    Санаи нашр: 27.10.2016    №: 214    Мутолиа карданд: 2576

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед