logo

иқтисод

ВМКБ. САНҶИШ ИСТИФОДАИ ҒАЙРИМАҚСАДНОКИ МАБЛАҒҲОРО ФОШ СОХТ

Рушди соҳибкории истеҳсолӣ мавриди таваҷҷуҳи хосаи Ҳукумати ҷумҳурӣ қарор дорад. Дар Вилояти Мухтори Кӯҳистони Бадахшон дар ҳамин доира аз ҳисоби имтиёзҳои пешбинишуда барои соҳибкорон зиёда аз 10 миллион сомонӣ ҷудо шуда буд. Вале бо вуҷуди баъзе дастовардҳо соҳибкории истеҳсолӣ дар вилоят камтар пешрафт дорад. Сафарбек Қурбонбеков, муовини сардори раёсати сармоягузорӣ ва идораи амволи давлатии вилоят, баъзе сабабу омилҳоеро, ки ба рушди соҳибкорӣ дар вилоят монеъ мешаванд, чунин шарҳ дод:
 
- Муассисаи давлатии “Фонди дастгирии соҳибкорӣ” - и Кумитаи давлатии сармоягузорӣ ва идораи амволи давлатии ҷумҳурӣ, ки аслан ба рушди соҳибкории истеҳсолӣ дар минтақаҳои дурдасти кӯҳистон нигаронида шудааст, барои    фаъолияти соҳибкории вилоят имкониятҳои зиёд фароҳам овардааст. Аллакай 18 лоиҳаи бизнес-нақшаи соҳибкорони вилоят дастгирӣ ёфта, танҳо дар соли равон 13 лоиҳа ҷиҳати ташкили корхонаҳои нави истеҳсолӣ, воридоти технологияи ҳозиразамон ва таъсиси ҷойҳои нави кор дар вилоят ба муассисаи мазкур пешниҳод гардидааст. Соҳибкорон М. Меҳралишоева ҷиҳати ташкили сехи коркарди меваю сабзавот ба маблағи 500 ҳазор сомонӣ, Х. Хуҷамриев барои сехи макаронбарорӣ 474 ҳазор сомонӣ, С. Қурбонхонов барои сехи қаннодӣ 250 ҳазор сомонӣ , С. Саиданоев барои сехи коркарди чӯб 200 ҳазор сомонӣ ва ҶДММ “Накҳат” ба маблағи 380 ҳазор сомонӣ маблағгузорӣ шуданд. Аммо санҷишҳо нишон доданд, ки на ҳама маблағҳои ба ин мақсад ҷудошударо дуруст истифода мебаранд. Масалан, дар рафти санҷиши истифодаи маблағҳои фонд дар соли 2015 аз тарафи раёсати Агентии назорати давлатии молиявӣ ва мубориза бо коррупсия дар ВМКБ, муассисаи “Фонди дастгирии соҳибкорӣ ”- и назди Кумитаи давлатии сармоягузорӣ ва идораи амволи давлатии ҷумҳурӣ ва филиали Бонки давлатии амонатгузории “Амонатбонк” - и вилоят ошкор шуд, ки ҶДММ “Атлантика” (шаҳри Хоруғ) аз фонд 500 ҳазор сомонӣ қарз гирифта, мебоист барои корхонааш дастгоҳи сангмайдакунӣ мехарид, вале маблағҳоро истифода накарда, бозпас гардондааст. ҶДММ “Ҷовид” аз ноҳияи Ванҷ ҷиҳати истеҳсоли қуму шағал соли 2015 аз фонд 300 ҳазор сомонӣ гирифта, то ҳол аз рӯйи лоиҳа ягон корро анҷом надодааст. Соҳибкори инфиродӣ аз ҳамин ноҳия Х. Ниёзов ба мақсади ташкили коргоҳи истеҳсоли кулчақанд ва торт 150 ҳазор сомониро ба даст оварда, то ин дам дар ин самт коре иҷро накардааст. Чунин ҳолат дар хоҷагии деҳқонии “Абдурасул” - и ноҳияи Роштқалъа низ ҷой дорад. ҶДММ “Панҷ” аз шаҳри Хоруғ бошад, ҷиҳати ташкили сехи истеҳсоли доруворӣ аз фонд 1 миллиону 280 ҳазор сомонӣ қарз гирифт, аммо ҳанӯз аз як қисми таҷҳизоти харидааш дарак нест. Чунин муносибат ба маблағҳои ҷудонамуда ба пешрафти кор дар самти рушди соҳибкорӣ монеъ мегардад.
 Дар самти истифодаи маблағҳои гранти президентӣ барои занони соҳибкори вилоят низ камбудиҳои ҷиддӣ ҷой доранд. Дар давоми 7 соли охир 35 бонуи соҳибкори вилоят аз тарафи Кумитаи кор бо занон ва оилаи назди Ҳукумати Ҷумҳурии Тоҷикистон ба гирифтани маблағи бештар аз 900 ҳазор сомонӣ мушарраф гардид, аммо на ҳама маблағҳои грантӣ мувофиқи барномаҳои пешниҳодгардида истифода шудаанд. Масалан, соҳибкорони ноҳияи Ванҷ Олифта Хусравова ва Муҳтарам Ҷӯраева ҳар кадом барои ташкили соҳаи боғдорӣ 40 ҳазор сомонӣ, Бибиҷон Абдолова барои таъсиси сехи дӯзандагӣ 10 ҳазор сомонӣ ва Барно Суҳбатова барои парвариши чорвои майда 40 ҳазор сомонӣ гирифта, дар доираи барномаҳо ягон корро ба иҷро нарасонданд. Чунин ҳолат дар ноҳияҳои Дарвоз, Шуғнон ва Роштқалъа низ ҷой доранд.
Барои пешгирии ҳолатҳое, ки монеи рушди соҳибкорӣ дар вилоят мегарданд, Раёсати сармоягузорӣ ва идораи амволи давлатии вилоят дар ҳамдастӣ бо шуъбаи кор бо занон ва оила ва дигар сохторҳои марбута кӯшиш доранд, ки минбаъд дар қабул ва пешниҳоди лоиҳаҳои бизнес - нақшаҳо барои дастгирии молиявӣ аз ҷониби муассисаи “Фонди дастгирии соҳибкорӣ” ва Кумитаи кор бо занон ва оилаи назди Ҳукумати Ҷумҳурӣ зарурият ва имкониятҳои реалии амалигардонии лоиҳаҳо ба инобат гирифта шуда, раванди иҷрои барномаҳо таҳти назорати қатъӣ қарор гирад.
Раҳмони ГУЛЗОР,
“Ҷумҳурият”


Баёни ақида (0)    Санаи нашр: 28.10.2016    №: 215    Мутолиа карданд: 2207

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед