logo

иҷтимоиёт

АЗИЗИ ДИЛ. БАРДОШТЕ АЗ РӮЗГОРИ МУКАРРАМА ҚОСИМОВА

Аввалин мураббии башарият баъд аз модар омӯзгор аст, ки хислату рафторҳои некро дар замири инсон мепарварад. Мукаррама Қосимова, узви  вобастаи  Академияи илмҳои  Ҷумҳурии Тоҷикистон, доктори илмҳои филология, профессор,  аз зумраи он омӯзгоронест, ки ҳаёти худро ба таълиму тадрис бахшидааст. Муаллима яке аз нахустин  шогирдони мактаби  забоншиносии профессор Додоҷон Тоҷиев аст, ки ҳам рисолаи номзадӣ ва ҳам докториашро  бо роҳбарию  машварати эшон  ба анҷом расондааст.
Мукаррама Қосимова  дар баробари таълиму тарбияи шогирдон, таҳияи асару мақолаҳои  илмию методӣ  ва дарс  гуфтан  бо донишҷӯён дар низоми роҳбарии донишгоҳ низ солҳои 1956-1986 ба ҳайси муаллима, муаллимаи калон, дотсент, профессори факултети филология  фаъолият кардааст. Маҳз бо ибтикору роҳбарии ӯ дар Донишгоҳи миллии Тоҷикистон Маркази омӯзиши забонҳо (МОЗ) ташкил шуд, ки дар он асосан шаҳрвандони хориҷӣ забонҳои тоҷикӣ, русӣ, арабиро меомӯзанд. Ба қалами Мукаррама Қосимова зиёда аз 180 номгӯйи асарҳои илмӣ мутааллиқанд, ки барои мактабҳои олӣ ва миёна  навишта шудаанд. Ин китобҳо ба шогирдон барои омӯхтану ба осонӣ дарк кардани нозукиҳои забон мадад мерасонанд. Китобҳои дарсӣ, дастурҳо ва воситаи таълимии ӯ, аз қабили «Ҷумлаҳои  пайрави шартӣ  дар забони адабии тоҷик», «Очеркҳо оид ба синтаксиси  ҷумлаҳои содаи насри асри Xl»,  “Структура ва семантикаи ҷумлаҳои сода», «Алифбои арабии тоҷикӣ ва имлои он», «Хат ва имлои матни классикии тоҷик», «Мухтасар оид ба истилоҳоти забоншиносии пешини тоҷик», «Об дар «Шоҳнома»-и Фирдавсӣ», «Забон ва мӯъҷизаи он», «Хуб шуд, ки зан ба давлат ёр шуд», «Чор унсур дар «Маснавии маънавӣ» - и Мавлавӣ», «Вожаи бад: маъно, калимасозӣ, вазифаҳои грамматикӣ», «Таърихи забони адабии тоҷик (асрҳои lX – X)» ва ғайра китобҳои рӯимизии  шогирдон, омӯзгорон  ва дӯстдорони забони адабии тоҷикӣ мебошанд.
Хислати наҷиби профессор М. Қосимова мавқеъшиносу мавридшинос будани эшон аст. Ҳар  шогирде, ки аз мактаби илмию инсонии ӯ баҳрае бардоштааст, дар баробари  касби илму маърифат  аз инсонияти волои ин  шахси покдилу покизарӯзгор  барои худ панди рӯзгор низ гирифтааст. 
Муҳаққиқ М. Қосимова имрӯз мактаби илмии худро дорад, ки тавассути он дар омода намудани мутахассисони варзидаи илми забоншиносӣ саҳми бузургу беназир мегузорад. Бо роҳнамоиву ҳидояти ин олимаи нодирафитрат то кунун 45 нафар рисолаҳои докторӣ ва номзадӣ дифоъ карда, дар пешрафти илми забоншиносӣ саҳм доранд. Муаллимаро чун модари маънавии худ эътирофу эҳтиром мекунанд. Онҳо китоберо бо номи “Орифаи  дарёдил” таҳия ва ба устодашон бахшиданд, ки аз хизматҳои воқеан арзандаи муаллима нақл мекунад.
Назрӣ Офардиев, доктори илмҳои филология, дар ҳамин асар зикр кардааст: "Касби омӯзгорӣ рисолати бузургест, ки насли имрӯзу фардоро бо ҳам мепайвандад. Хираду дониш рӯзгори моро рангин ва зебо  месозад, зиндагиро оро  мебахшад, рӯзгорро аз тирагӣ эмин нигоҳ медорад. Чунин  рисолати таърихиро  омӯзгор бар дӯш дорад ва муаллимаи арҷманд М. Қосимова зиндагии бошарофатонаи худро сарфи ин касб намуд".
- “Ҳар як инсон дар зиндагӣ  пайроҳае дорад ва тарҳи ҳаёти худро созмон медиҳад. Агар дар ин раванд омиле  солим зуҳур кунад, ки  боиси раҳнамунӣ гардад, хушбахтиест хеле бузург. Худованд  шиносоиву дӯстии шахсеро ба банда ато фармуд, ки минбаъд  ба дарёфти роҳи дурусти зиндагиам машъалафрӯз гардиданд. Ин шахс муаллимаи ман, азизи дили мо шогирдон, як нафари ба дилу дидаҳо наздик, хушгилу хушасл, меҳрубон ва дар айни замон ҷиддиву босалобат, хайрхоҳи ҷӯяндагони илм, гули сари сабади ҷомеа, модари мушфиқу бибии ғамхор Мукаррама Қосимова мебошад, - мегӯяд Савринисо Ғаниева, шогирди муаллима.
Лола РИЗОЕВА,
“Ҷумҳурият”


Баёни ақида (0)    Санаи нашр: 01.11.2016    №: 217    Мутолиа карданд: 2346

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед