logo

фарҳанг

ФАЛСАФАИ ФАЛАК ОН БА ДУРУСТӢ ШИНОХТА НАШУДААСТ, ЧАРО?

Ба ақидаи Фароғат Азизӣ, ректори Консерваторияи миллии Тоҷикистон ба номи Т.Сатторов, доктори илми санъатшиносӣ, профессор, «Фалак» фалсафаи бузург дорад». Ҷойи таассуф мебошад, ки ин фалсафа ба дурустӣ шинохта нашудааст. Чаро? Чунки таҳқиқ ва омӯзиши ин мероси бадеию фарҳангӣ то ба ҳанӯз қаноатбахш сурат нагирифтааст. 
Махсусан фалаки даштӣ, ки барои иҷрои он сози мусиқӣ истифода намегардад, ниёз ба таҳқиқу омӯзиши  беҳтару бештаре дорад. Хондани ин навъи фалак, воқеан, на ҳар ҳунармандро даст медиҳад. Ҳатто, устодону ҳунармандони асилро дар тамоми умр беш аз як ё чанд маротиба даст намедиҳад, ки фалаки даштиро бо ҳама шукӯҳу шаҳомат, самимият ва дигар талаботи мавҷуда ба самъи шунавандагон бирасонанд. Сабаби онро муҳаққиқон чунин арзёбӣ намудаанд, ки ҳунармандон ба василаи он бояд бо Офаридгор роз бигӯянду арзи дил бикунанд.
Роз гуфтану арзи дил бо Худованд, албатта, сохтакорию тақлидро ҳаргиз намепазиранд. Аз ин рӯ аст, ки мо на ҳама вақт, дар иҷрои на ҳар ҳунарманд, ҳатто ҳунарманди маъруфу машҳур ва фалаксарои моҳир фалаки асили даштиро шунида метавонем. Дар ин сурат фалак дуруст ва бо ҳама шукӯҳаш муаррифӣ намешавад. Яъне, агарчи иҷрои ин навъи фалак мушкил аст, ё нофаҳмида ва ё қасдан бархе аз ҳунармандон матнҳоеро низ месароянд, ки ба фалаки даштӣ ва тарзи иҷроиши он ҳеҷ иртибот надоранд. Баъзе аз матнҳои сусту номувофиқ эҷоди худи ин ҳунармандонанд, ки дар ҳеҷ сурат қобили қабул шуда наметавонанд. Чунин муносибат мардумро аз фалак дур мекунад ва хулосаҳои манфиро ба вуҷуд меоранд. Мутаассифона, мутахассисон дар ин маврид муҳри хомӯшӣ ба лаб мезананд ва ҳақиқатро на баён медоранд, на менависанд.
Ба андешаи Ҳ.Саката, муҳаққиқи амрикоӣ, фалаки озод ё худ даштиро сарояндагони нимкасбии деҳот иҷро мекунанд. Хуб мебуд, агар ин масъала бештару беҳтар таҳқиқ мегардид. Инчунин, мутахассисони варзида барои хазинаи тиллоӣ сабтҳои фалаки асили даштиро ба хотири ҳифзу таҳқиқ ва парвариши завқҳо интихоб менамуданд. Пеш аз он, албатта, зарур аст, ки онҳоро пайдо ва сабт бинамоянд. Дар миёни мардум сарояндагоне ҳам ҳастанд, ки онҳо ба гурӯҳи сарояндагони нимкасбӣ дохил намешаванд. Дар лаҳзаҳои ғаму фироқи ҷонсӯз рубоиҳои халқиро бе сози мусиқӣ месароянд. Чанд сол пеш як хешовандам, ки дарз медӯхт, бо дарду ҳасрати зиёд месуруд:
Як апаву як хоҳари ҷонӣ будем,
Дар ҳасрати рӯи зиндагонӣ будем.
Мо гуфта будем: ҷона ба ҷон мемонем,
Чӣ медонем, миёни раҳ мемонем.
Ман медидам, ки ба ҳангоми сурудан оби чашмонаш шаш қатор мерехт, аммо онҳоро хушк намекард. Чанд ҳафта пеш марг хоҳарашро аз ин дунё, аз назди ӯ бурда буд. Ман ба маънии пурдарди рубоӣ бо ҳама эҳсосоти амиқ он замон, фикр мекунам, пурра расидам. Аз нафаре ҳам, ки ин рубоиро дар кадом як замони дур бо ҳасрат эҷод кардааст, андешидам. Инсон оҷиз аст, ки чунин тарзҳои самимии хонишро бо сухан ифода бикунад. Онҳоро фақат бояд сабт карду шунид. Сабти ин гуна хонишҳову иҷроишҳо бошад, басо мушкил аст. Чунки агар сароянда бидонад, ки ӯро сабт мекунанд, он шукӯҳу шаҳомат ва самимияти фалаки даштиро ба самъ расонда наметавонад.
Ин зан, ки бо хонишаш сӯзиши дилро хомӯш карда натавонист, дарунӣ, зери лаб, бе сухан фарёд баровард. Ба истилоҳ номи ин тарзи иҷроиш «Фалаки бунгак» ё худ «Фалаки димоғӣ» аст. Он аз замонҳои қадим роиҷ мебошад, аммо маълум нест, ки бо чӣ сабаб ин фалакро кам ба самъи шунавандагон мерасонанд. Дар хусуси «Фалаки бунгак» Абурайҳони Берунӣ дар «Осор – ул – боқия» - и худ  чунин маълумот медиҳад: «Куруш нахустин касе буд, ки ба замзама амр кард ва он иборат аст аз ишорае, ки лаббаста адо шавад, на ба гуфтори мафҳум».
Мусаллам аст, ки бахшҳои омӯзиши фалак дар мактабҳои олии мусиқӣ, коллеҷҳо таъсис ёфтаанд ва инчунин бо саъю кӯшиши муҳаққиқи санъатшинос Фароғат Азизӣ чандин ҳамоишҳои илмӣ – амалӣ дар сатҳи байналмилалӣ баргузор гардиданд. Ин ҳама самараҳои нек ба бор оварданд. Ба андешаи муҳаққиқони соҳа ва иҷрокунандагони навъҳои гуногуни фалак таъсиси экспедитсияи махсус дар дохили кишвар ва берун аз он, хоса Афғонистон дар ин шабу рӯз бисёр ногузир аст. Дар ин ҳол беҳтарин иҷроишҳо дастраси худи мардум ва барои омӯзиши ҳунарпешагони ҷавон чун маводи асосӣ истифода мегардад. Ин дар шинохти беҳтари миллат бо арзишҳои бузурги фарҳангӣ ва мероси ғанияш махсусан дар замони ҷаҳонишавӣ мусоидат мекунад. Зарур ба ёдоварист, ки бо муаррифии бештару беҳтар ин мероси ғании миллатро дар баробари рушду такомул ҳарчи зудтар соҳибӣ бинамоем, то дар оянда дигарон онро аз худ накунанд.
Абдулқодири РАҲИМ, 
«Ҷумҳурият»


Баёни ақида (0)    Санаи нашр: 10.11.2016    №: 223    Мутолиа карданд: 2140

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед