logo

маориф

МАОРИФ ТАҚДИРИ НАСЛИ ОЯНДАСОЗ ДАР ДАСТИ ОМӮЗГОР АСТ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон 18 ноябри соли 2006 зимни маросими савгандёдкунӣ дар мақоми Президенти Ҷумҳурии Тоҷикистон ироа доштанд, ки «мақсаду мароми аслии мо аз тамоми чорабиниҳо ва барномаҳо, пеш аз ҳама, баланд бардоштани  сифат ва сатҳи зиндагии мардуми Тоҷикистон аст. Расидан ба ин ҳадафҳои инсонпарварона ва олӣ бевосита ба рушди соҳаи илм, маориф, тандурустӣ ва фарҳанг вобаста мебошад. Чунки кадрҳои донишманд ва мутахассисони варзидаи  ватанпараст ба ҳалли проблемаҳои иқтисодиву иҷтимоӣ қодир ҳастанд».
Ҳамин аст, ки Сарвари давлат аз оғози фаъолияти пурсамараш соҳаи маорифро соҳаи афзалиятнок донистанд ва он ҳамеша таҳти назорат ва таваҷҷуҳи махсуси Ҳукумати ҷумҳурӣ қарор гирифт. Ба хотири пешрафти соҳа силсилаи қонунҳо ва  дигар санадҳои меъёрии ҳуқуқӣ, аз қабили қонунҳои Ҷумҳурии Тоҷикистон «Дар бораи маориф», «Дар  бораи таҳсилоти олии касбӣ ва таҳсилоти касбии баъд аз муассисаи олии таълимӣ» ва чандин консепсия ва барномаҳои давлатӣ қабул гардиданд. Албатта, ин ҳама дар такмилу  рушди соҳа нақши муҳим ва чашмрас гузоштанд. Ба сифати таълиму тарбия дар муассисаҳои томактабӣ, ки зинаи нахустини таҳсилоти  шаҳрвандон маҳсуб меёбад, аҳамияти махсус дода шуд. «Барномаи давлатии рушди соҳаи  томактабӣ дар Ҷумҳурии Тоҷикистон барои солҳои  2006 – 2010» қабул гардид. Зимни амалӣ намудани Барномаи  мазкур ҳуқуқи ҳифзи кӯдак мустаҳкам, мазмуну шаклу усулҳои тарбияи томактабӣ муайян, заминаи моддӣ - техникӣ ва таълимию методии муассисаҳо беҳтар гардонда шуд.
Сарвари давлат, ҳамчунин, дастур доданд, ки ба рушди маорифи миллӣ, ки пешрафти кишвар ба он вобастагӣ дорад, таваҷҷуҳи махсус зоҳир бигардад. Ба ин хотир, беҳдошти заминаи таълимро ногузир мешуморанд.
Тавре маълум аст, дар баробари ба вуҷуд овардани шароиту имкониятҳои беҳтару бештари таҳсил ба тайёр кардани омӯзгорони ҷавобгӯи талаботи  давр тадбирҳои зарурӣ андешида шуданд.Чунки ба фармудаи Президенти мамлакат «маҳз омӯзгорони соҳибмаърифату бофарҳанг ва устодони донишманду ватанпараст савияи таълиму дониши хонандагонро баланд бардошта, онҳоро ба забондонӣ, илмомӯзӣ ва худшиносиву ҷаҳоншиносӣ раҳнамоӣ карда метавонанд». Ба ин хотир, барои беҳдошти кору зиндагии омӯзгорон шароит ва имтиёзҳо муқаррар гардиданд. Чандин маротиба маоши онҳо зиёд карда шуд. Ҷоизаи Президенти Тоҷикистон  дар соҳаи маориф таъсис ёфт.
Сарвари давлат ҳамеша таъкид менамоянд, ки ояндаи мамлакат аз фаъолияти омӯзгор ва рушди илму маърифат вобастагии зиёд дорад. Алҳол аз 170 ҳазор донишҷӯёни кишвар 50 ҳазор нафарашон бо ихтисосҳои омӯзгорӣ таҳсил доранд. Талаботи солона ба кадрҳои омӯзгорӣ бошад, 3600 нафарро ташкил медиҳад.
Омӯзгорон ҷавобан ба ғамхориҳои Сарвари давлат ва дарки масъулияти касбию шаҳрвандӣ барои боло бурдани сатҳу сифати таълиму тарбия тамоми тадбирҳоро меандешанд. Дастовардҳо дар ин соҳа чашмрас ва нисбати солҳои пеш аз истиқлоли кишвар  фарқкунанда мебошанд.
Сарвари давлат соли гузашта бори дигар дар Паёми худ ба Маҷлиси Олӣ бо таъкиду зикри масъалаҳои баланд бардоштани сатҳу сифати таълим ва ҷорӣ кардани усулҳои инноватсионӣ ва фаъоли таълим, баланд бардоштани сатҳи касбии омӯзгорон изҳор дошт, ки он таваҷҷуҳи боз ҳам бештари масъулонро тақозо менамояд. Чаро? Чунки ба фармудаи Пешвои миллат «омӯзгор дар раванди таълиму тарбия ҳуқуқи хато карданро надорад, зеро тақдири насли ояндасоз ва пешбарандаи давлату ҷомеа дар дасти ӯст». Ба ҷуз ин, соли равон зимни ироаи Паём, аз ҷумла, ба мо – ректорони муассисаҳои таҳсилоти олӣ супориш доданд, ки дар муддати чор соли оянда масъалаи пурра бо омӯзгорон, дар навбати аввал, бо омӯзгорони забонҳои русиву англисӣ таъмин намуданро дар муассисаҳои таҳсилоти миёнаи умумӣ ҳал намоем. Вобаста ба ин, маъмурияти донишкада нақшаи чорабиниҳоро дар асоси ин дастуру супоришҳо тартиб дод. Тибқи талаботи давр мутахассисони оянда на танҳо ба бозори меҳнат ҷавобгӯ бошанду соҳаҳои худро дар ин замина дар сатҳи баланд бояд бидонанд, балки онҳо бо дарки масъулият насли  наврасро дар рӯҳияи ифтихори миллӣ ва ҳифзи сарзамини аҷдодӣ, дӯстдории Ватан тарбия карда тавонанд.
Маҳмадулло РАҶАБОВ,
ректори Донишкадаи давлатии 
забонҳои ба номи С. Улуғзода


Баёни ақида (0)    Санаи нашр: 15.11.2016    №: 225    Мутолиа карданд: 6501

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед