logo

сиёсат

ИҶЛОСИЯИ XVI. ЗЕРБИНОИ КОХИ БЕГАЗАНДИ СУЛҲ

Иҷлосияи XVI  Шӯрои Олӣ аз лиҳози  моҳияти  худ ба Эъломияи  истиқлолияти Тоҷикистон баробарарзиш аст. Агар Эъломия  давлатеро ба номи  Тоҷикистони соҳибистиқлол эълон дошта бошад, пас  Иҷлосияи XVI ҳамин давлатро аз фаношавӣ   нигоҳ дошт  ва миллати тоҷикро аз гирдоби нобудӣ  берун кашид. Ба  таъбири Асосгузори сулҳу ваҳдати миллӣ - Пешвои мил-лат, Президенти Ҷумҳурии Тоҷикистон муҳтарам Эмомалӣ Раҳмон «Иҷлосияи  XVI  Шӯрои Олӣ  бо тақозои таърих на танҳо тифли  дар гаҳвора будаи  истиқлолиятро наҷот дод, балки  тақдири ояндаи  ӯро муайян сохт ва Тоҷикистони соҳибистиқлолро  ба сӯи ҷомеаи мутамаддин ва арзишҳои волои башарӣ ҳидоят намуд».     
Дар иҷлосия 23 масъалаи ҳаётан муҳим мавриди баррасӣ қарор гирифт. Масъалаи асосӣ ба эътидол овардани вазъи сиёсии ҷумҳурӣ буд, ки он мебоист аз интихоби роҳбарият ва ҳукумати нави ҷумҳурӣ оғоз меёфт. Баъди муҳокимаи гузо-риши раиси ҳамонвақтаи Шӯрои Олӣ Акбаршо Искандаров оид ба вазъи сиёсии ки-швар, дар рӯзномаи ҷаласа масъалаи  интихоби Раиси нави Шӯрои Олии Ҷумҳурии Тоҷикистон ворид карда шуд. Ба ин мақом Эмомалӣ Раҳмон пешбарӣ гардид. Дар натиҷаи овоздиҳии пинҳонӣ ӯ Раиси Шӯрои  Олии Ҷумҳурии Тоҷикистон интихоб гашт. Ба ҷонибдории Сарвари тозаинтихоби давлат аз 197 вакили мардумӣ 186 нафар овоз дод. Эмомалӣ  Раҳмон парчами  кишварро бӯсида, савганд ёд  кард ва ба иштирокдорони иҷлосия рӯ оварда гуфт: «Тамоми донишу таҷрибаамро барои дар ҳар  хона ва оила барқарор шудани сулҳ равона менамоям. Барои гулгулшукуфии Ватани азизам садоқатмандона меҳнат мекунам. Чунки ман ба ояндаи неки Ватанам ва ҳаёти хушбахтонаи халқи азияткашидаам боварӣ дорам».
 Сарвари давлат Эмомалӣ Раҳмон аз рӯзи нахустини ба мақоми олӣ интихоб шуданаш, ҳалли масъалаҳои ҳаётан муҳим, назири хомӯш сохтани ҷанги бародар-куш, эҷод намудани фазои боэътимоду ҳамзистӣ дар ҷомеа, баргардондани гурезаҳо, азнавсозии низоми давлатдорӣ, таъмини рушди босуботи иқтисодиву иҷтимоӣ, да-рёфти ҷойгаҳи муносиб дар арсаи байналмилалиро мақсад ва мароми ҳукумати нав эълон намуд.  Раиси тозаинтихоби кишвар мақсад ва ҳадафи асосии  худро чунин баён карда буд: «Ба хотири  истиқрори  сулҳи пойдор ва бозгашти  ҳамаи  фирориён ба Ватан ман тайёр ҳастам, ки ҷонамро қурбон созам».  Баъдтар ӯ  ин андешаи худро тақвият бахшида таъкид намуд: «Азму иродаи мо дар роҳи барпо кардани  давлати демократии ҳуқуқбунёд комилан қатъист. Ҳарчанд ки натиҷаҳои   дилхоҳи он на ба таври  оҷил, балки бо гузашти вақт падид меоянд, дар баробари ин сулҳу субот ба-роямон муҳимтарин арзиш ҳисоб меёбад».
Раиси  Шӯрои Олии  Ҷумҳурии  Тоҷикистон  бо мақсади ҳар чи зудтар ба эъти-дол овардани  вазъи ҷамъиятию сиёсии кишвар Муроҷиатнома қабул кард. Дар он, аз ҷумла зикр шуда буд: «Бо мақсади таъмин намудани  ягонагӣ ва муттаҳидии ҷумҳурӣ шуморо даъват менамоем, ки 25 ноябри  соли 1992 дар соати 14 дар Иҷло-сияи Шӯрои Олии Ҷумҳурии Тоҷикистон  иштирок намоед. Ҳукумати Тоҷикистон ба бехатарии шумо кафолат медиҳад». Ҳамзамон, бо ташаббуси Раиси  Шӯрои Олӣ фирориёнро  барои баргаштан ба Ватан, деҳа ва маҳаллаи худ даъват намудан  мазмун ва мундариҷаи Изҳороти Шӯрои Олиро ташкил  медод.
Раиси Шӯрои Олӣ Эмомалӣ Раҳмон роҳбарони тарафҳои муқобилро  ба иштирокчиёни  иҷлосия муаррифӣ намуда, аз ҷумла таъкид намуд, ки «Ин  иҷлосия тақдирсоз аст, бояд донем, ки  тақдири ояндаи  миллат, кишвар, Ватан, давлат дар дасти мост. Аз ин лиҳоз, бояд худшинос шавем, хиради волои хешро  баҳри якпорча-гии ҷумҳурии азизамон истифода барем. Баъди  ба ҷойҳои худ рафтан  яроқро ба замин гузорем, оромии мардумро таъмин намоем».
Ҳамин тариқ, дар Иҷлосияи  XVI Шӯрои Олӣ бо ташаббуси бевоситаи Эмомалӣ Раҳмон зербинои кохи бегазанди сулҳ ва ризоияти миллии тоҷикон гузо-шта шуд. Сарвари давлат ба таъкид мегуфтанд, ки дастоварди бузургтарини мо, ки на танҳо наслҳои имрӯзаи кишвар, балки наслҳои оянда низ бо ифтихор ба забон хоҳанд овард, таъмини сулҳу оштии миллат ва ризоияти ҷомеаи Тоҷикистон аст. Омили асосии расидан ба сулҳ дар Тоҷикистон аз ниҳод ва замири халқи тоҷик бар-хеста, ба тафаккури созандаву иродаи шикастнопазир, фитрати баланду дӯстнаво-зии ин мардум вобаста аст. 
Ниҳоят, бо талошҳои пайвастаи Сарвари муаззами кишвар 27 июни соли 1997 дар шаҳри Маскав Созишномаи умумии истиқрори сулҳ ва ризоияти миллӣ ба имзо расид. Он боиси сарҷамъии миллат, ба Ватан баргардондани қариб як миллион фи-рорӣ, рушди бонизоми соҳаҳои гуногуни хоҷагии халқ   ва саодати рӯзгори мардум гардид. 
Ҳабибулло ТОАТОВ, 
номзади илмҳои таърих, дотсент


Баёни ақида (0)    Санаи нашр: 17.11.2016    №: 227-228    Мутолиа карданд: 1685

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед