logo

сиёсат

РӮЗИ ПРЕЗИДЕНТ. БАРДОШТ АЗ ТАҶЛИЛИ ОН ДАР ПОЙТАХТ

Рӯзи  Президенти Тоҷикистонро  дар пойтахти кишвар бо шукӯҳу шаҳомати хоса  -  баргузории чорабиниҳои гуногуни илмиву фарҳангӣ таҷлил намуданд. 
Дар Китобхонаи миллӣ як зумраи олимони барҷастаи кишвар  паси мизи мудаввар мавзӯи «Президент ва истиқлолияти миллӣ» - ро мавриди баррасӣ қарор доданд. Дар он гуфта шуд, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар пойдории сулҳу ваҳдати кишвар нақши созгор дорад.
 
Фарҳод Раҳимӣ, президенти Академияи илмҳои кишвар, зимни суханронии худ зикр намуд,  ки  миллати тоҷик баъди ҳазорсолаҳо соҳиби давлати миллӣ гардид. Аммо ин туҳфаи таърих аз ҷониби мансабхоҳони дохилӣ, гурӯҳҳои экстремистӣ - динӣ ва дастгирии баъзе неруҳои хориҷӣ боиси фоҷиаи умумимиллӣ гардид. 
Хушбахтона, баргузории Иҷлосияи 16  - уми  Шӯрои Олии Ҷумҳурии Тоҷикистон барои давлату миллати тоҷик сарнавиштсоз  шуд. Муҳимтарин қарор дар ин иҷлосия интихоби Раиси Шӯрои Олӣ – Сарвари давлат ба шумор меравад. Интихоби ӯ тасоддуфӣ набуд. Вакилони Шӯрои Олӣ ва мардуми тоҷик ба воситаи ВАО  ӯро  ҷасур, ҳақиқатҷӯ ва дар мавқеъ устувор шинохта буданд.
Олимон, ҳамчунин, зикр намуданд, ки  Сарвари давлат аз рӯзҳои аввали ба сари қудрат омаданаш ба  масъалаи ифтихори миллӣ, худшиносӣ таваҷҷуҳи хоса дорад. Ин аст, ки сиёсати пешгирифтаи ӯ  натиҷаи самарабахш дод.
Нақши Пешвои миллат дар таъсиси дипломатияи мустақили Тоҷикистон, рушди илми тиб, иқтисодиёт, адабиёти замони истиқлолият аз ҷумлаи мавзӯъҳое буданд, ки аз ҷониби олимон баррасӣ шуданд. 
Намояндаи Дастгоҳи  иҷроияи Президенти Ҷумҳурии Тоҷи-кистон якҷо бо Вазорати маориф ва илм, Китобхонаи миллӣ китобҳои тозанашри  Пешвои миллат  «Чеҳраҳои мондагор» ва « Забони миллат - ҳастии миллат» – ро  муаррифӣ намуданд.
Зимни муаррифӣ зикр шуд, ки дар эҳёи суннатҳои таърихиву фарҳангӣ, ташаккул ва такомули худшиносии миллӣ асари нави арбоби намоёни давлативу сиёсӣ, Пешвои миллат муҳтарам Эмомалӣ Раҳмон «Чеҳраҳои мондагор» нақши муассир дорад. Муаллифи китоб зиндагинома, осор  ва пайкори 25  чеҳраи баргузидаи илмӣ, адабӣ ва таърихиву сиёсиамонро мавриди баррасии амиқ қарор додааст. Ёрдамчии  Президенти Ҷумҳурии Тоҷикистон оид ба масъалаҳои  иҷтимоӣ ва рушди ҷомеа Абдуҷаббор Раҳмонзода, зимни баромади худ таъкид намуд, ки «Чеҳраҳои мондагор» маҳсули андешарониҳои амиқи муаллиф  доир ба таъриху фарҳанги бисёрасраи халқи тоҷик мебошад. Муаллиф саҳифаҳои дурахшони давраҳои гузаштаи таърихро варақ зада, таҳлил намудааст. Дар хусуси муборизаҳои халқи тоҷик барои ҳифз ва таҳкими давлатдорӣ ва Истиқлолияти давлатӣ мулоҳиза ронда, бо далелҳои қотеъ собит кардааст, ки фаромӯш кардани ҳофизаи таърихӣ ва муносибати саҳлангорона ба таърих ва муқаддасоти миллат оқибат ба таназзули рукнҳои давлатдорӣ ва истиқлолияти  миллӣ мерасонад. 
Китоби дигари Пешвои миллат «Забони миллат - ҳастии миллат» низ аз ҷониби коршиносон баҳои баланд  гирифт. Он танҳо як навиштае дар бораи таърихи забони тоҷикӣ нест, балки доиратулмаорифест, ки бо такя ба  сарчашмаҳои илмии таърихӣ ва имрӯзаи ватаниву хориҷӣ таълиф шудааст.
Таҳқиқоти мазкур аз он ҷиҳат муҳим дониста мешавад, ки то имрӯз асари нисбатан ҷамъбастие, ки ҳаёти забони беш аз сеҳазорсолаи халқи ориёиро дар бар гирифта бошад, вуҷуд надошт.
Осорхонаи миллии Тоҷикистон мувофиқи реҷаи корӣ  ҳар рӯз аз соати 10 ба кор оғоз менамояд, аммо  дар Рӯзи Президент аз соати 9 ба кор оғоз намуда, то нисфирӯзӣ наздики 6 ҳазор нафар  аз намоиши махсуси кормандони осорхона, ки бахшида ба Рӯзи Президент омода намуда буданд, дидан карданд. Коллексияе, ки ба намоиш гузошта шуд, осори тиллоии эҳдошудаи намояндагони воломақоми кишварҳои хориҷ  ба Пешвои миллат буд. Осорхона, ҳамчунин, филми махсус  доир ба фаъолияти сиёсии Пешвои миллат муҳтарам Эмомалӣ Раҳмонро  намоиш дод. 
Навозиши «Шодиёна», хори умумии «Пешвои миллат», сурудҳои «Тоҷикистон», «Ёди Ватан», рақси «Гулноз», Навои най, «Зарбҳои таблак» ва дигар барномаҳое, ки бо ибтикори Вазорати фарҳанг, Маркази эстетикии  кӯдакон ва ҷавонон дар ҳамкорӣ бо Китобхонаи давлатии бачагонаи ҷумҳуриявии  ба номи М. Миршакар баргузор гардид, ҷолибу диданӣ буданд.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 18.11.2016    №: 229    Мутолиа карданд: 1756

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед