logo

иқтисод

ШАҲРОФАР

Соҳаи сохтмон яке аз шохаҳои асосии хоҷагии халқ ба шумор рафта, дар рушду нумуи иқтисодиёти кишвар саҳми арзанда дорад. Аз ин лиҳоз Ҳукумати ҷумҳурӣ ба соҳаи мазкур таваҷҷуҳи махсус зоҳир намуда, ҳамасола барои рушди он маблағҳои зиёд ҷудо менамояд. 
Мавриди зикр аст, ки тӯли солҳои соҳибистиқлолии кишвар бо ҷаҳду талош созандагон бунёдкориҳо, даҳҳо шаҳраки намунавӣ, аз ҷумла шаҳракҳои Дарбанд дар ноҳияи Нуробод, шаҳраки Ваҳдат дар ноҳияи Шуғнон, марказҳои ноҳияҳои Шаҳринав, Тоҷикобод,  Шамсиддини Шоҳин, Балҷувон ва  Темурмалик бунёд гардида, марказҳои шаҳрҳои Истаравшан, Кӯлоб Ҳисору Хоруғ пурра азнавсозӣ шуданд. Ҳамчунин ин солҳо иншооти аҳамияти стратегӣ доштаи неругоҳҳои барқию обии “Сангтӯда-1” ва “Сангтӯда-2”, “Помир-1”, шабакаҳои интиқоли барқи “Шимол-Ҷануб”, “Лолазор-Хатлон”, роҳҳои мошингарди Душанбе-Чанок, Душанбе-Кӯлоб-Хоруғ-Қулма, қитъаҳои Мурғоб-Қулма, Шкев-Зиғар, Шоҳон-Зиғар, Душанбе-Чанок, Ваҳдат-Нуробод-Ҷиргатол-Саритош сарҳади Қирғизистон, Душанбе-Турсунзода, роҳи оҳани Қӯрғонтеппа-Кӯлоб, иншооти муҳими саноати “Маҷмааи нассоҷии ҶМ “Ҷунтай-Данғара Син-Силу текстил” дар ноҳияи Данғара, корхонаҳои сементбарорӣ дар шаҳрҳои Ваҳдат, Истиқлол, ноҳияи Ёвон, корхонаи металлургӣ дар шаҳри Ҳисор, корхонаҳои ҶДММ “Криолит” ва гаҷкартон дар ноҳияи Ёвон, варзишгоҳҳои муосир дар шаҳрҳои Ҳисор, Хуҷанд, Исфара, Турсунзода, театру қасрҳои фарҳанг дар шаҳри Қӯрғонтеппа, маҷмааи таърихӣ-фарҳангии “Истиқлол” дар шаҳри Хуҷанд ва садҳо иншооти тайиноти мухталиф сохта  мавриди истифода қарор доранд.
Дар пойтахти  кишварамон  тайи солҳои охир иншооти боҳашамат, аз ҷумла “Маҷмааи меъмории Исмоили Сомонӣ”, “Қасри миллат”, бинои Ҳукумати ҷумҳурӣ, Китобхонаи миллию Осорхонаи миллӣ, меҳмонхонаҳои баландошёнаи 5 ситорадори “Ҳайёт”, “Серена”, “Шератон”, “Маркази маъмурӣ ва тиҷоратии Сомониён”, Муассисаи давлатии “Душанбе – Плаза”, Маркази фарҳангӣ - фароғатии  “Сомониён” (Тахти Наврӯз), ки бо истифодаи анъанаҳои меъмории миллӣ ва нақшу нигори хоса дар Осиёи Миёна беназир аст, Маркази Исмоилия бо санъати хоси меъморӣ, бинои Вазорати корҳои хориҷӣ, Маркази савдои муосири” Пойтахт-90”, Маҷмааи муосири бисёрсоҳавии тандурустӣ дорои 650 кат ва дармонгоҳ барои  қабули 800 нафар дар як баст бо таваллудхонаи дорои 100 кат, сохта шудаанд. 
Бояд хотирнишон кард, ки дар замони собиқ Иттиҳоди Шӯравӣ бо иқдоми неке ҳангоми ба истифода супурдани иншооти аҳамияти ҷумҳуриявидошта нафарони дар бунёди ин ё он иншоот саҳми босазо гузошта, бо унвонҳои  меъмор ва сохтмончии шоиста  қадрдонӣ мешуданд. 
Айни ҳол чунин мукофотҳои давлатӣ дар ҷумҳуриҳои собиқ Иттиҳод вуҷуд доранд. Аз ҷумла дар Федератсияи Русияву Белорус, Озарбойҷон, Ӯзбекистону Туркманистон бо мукофоти меъмор ва  сохтмончии шоиста сарфароз мегарданд. Чунончи, Президенти Туркманистон Қурбонгулӣ Бердимуҳамедов барои саҳми босазо дар рушди шаҳрсозии кишвараш бо унвони меъмори шоистаи Туркманистон мукофотонида шудааст. 
Боиси сарфарозист, ки тамоми бунёдкорию созандагиҳое, ки дар шаҳру ноҳияҳои ҷумҳурӣ дар  даврони истиқлолият шуда истодаанд бо ташаббус ва иштироки бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва заҳмати шабонарӯзии сохтмончиёну лоиҳакашон ва меъморон амалӣ шудаанд. 
Бояд тазаккур дод, ки Сарвари давлат ҳангоми сафарҳои кориашон ба вилоятҳо, шаҳру ноҳияҳо бо лоиҳаҳои иншооти бунёдшаванда шинос  шуда, санги асоси бештари онҳоро гузошта, баъзе аз биною иншоот бо иштироки худашон мавриди истифода  қарор дода мешаванд.
Бо назардошти андешаҳои зикршуда барои баланд бардоштани мақом ва қадрдонии алоқамандони ин соҳаи муҳим пешниҳод менамоям, ки ба санадҳои ҳуқуқии ҷумҳурӣ тағйиру иловаҳо ворид намуда, лоиҳакашону меъморон ва сохтмончиён барои саҳмашон дар таҳияи лоиҳаҳо ва бунёди иншоот бо унвонҳои давлатии меъмор ва сохтмончии шоиста мушарраф гардонида шаванд. Дар навбати аввал сарфароз гардонидани Пешвои миллат муҳтарам Эмомалӣ Раҳмон, ки воқеан Роҳбари шаҳрофаранд ба унвони Меъмори шоистаи Тоҷикистон амали ҷавонмардона хоҳад буд.
Сафармуҳаммад ЮСУФҶОНОВ, 
узви Иттифоқи меъморони Тоҷикистон


Баёни ақида (0)    Санаи нашр: 21.11.2016    №: 230    Мутолиа карданд: 1549

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед