logo

ҳуқуқ

ТОЛИБИ "ТОЛИБОН" ҶАЗОРО ДАР КОЛОНИЯИ ИСЛОҲИИ ДОРОИ НИЗОМИ ПУРЗӮР АДО МЕКУНАД

Суди вилояти Хатлон сокини 32 - солаи ноҳияи Панҷ Қурбоналӣ Раҳматовро бинобар иштирок дар фаъолияти ташкилотҳои экстремистию ҷиноятӣ 13 сол аз озодӣ маҳрум кард. Ӯ ҷазоро дар колонияи ислоҳии дорои низоми пурзӯр адо мекунад.   

Чуноне раисикунандаи мурофиа Зубайдулло Маҳмудзода иброз дошт, номбурда ҳарчанд дар мадрасаҳои суннимазҳабони Ҷумҳурии Исломии Эрон қадре таълими динӣ гирифта буд, аммо ба ин қонеъ нашуда, соли 2007 бо мақсади гирифтани таълимоти ғайрирасмии динӣ озими Ҷумҳурии Исломии Покистон гардид. Дар мадрасаи «Ашраф - ул - мадорис» - и шаҳри Қарочӣ панҷ моҳ сабақ омӯхта, баъдан ба шаҳри  Пешовар рафт ва бо имкониятҳои аъзои фаъоли гурӯҳи «Ҳаққонӣ» - и ташкилоти террористии “Толибон” шиносоӣ пайдо намуд. Он нафарон дар шуур ва иродаи Қурбоналӣ Раҳматов ақидаҳои экстремистӣ - террористии хешро ҷой карда, бовар кунондаанд, ки беҳтарин мақом шаҳид шудан дар ҳамин гуна ҷангҳои ба ном исломӣ аст. Ва минбаъд ӯро бо мақсади содир намудани ҷиноятҳои вазнин ва махсусан вазинин ба сафи ташкилоти экстремистӣ - террористии «Толибон» ҷалб намуданд. Раҳматов барои устувор намудани ақидаҳои худ дар пойгоҳи низомии «Толибон» дар шаҳри Пешовари Покистон таълимоти ҳарбӣ - низомӣ гирифта, якҷо бо дигар аъзои иттиҳоди ҷиноятӣ пойгоҳи мазкурро ҳимоя кард.
Қурбоналӣ Раҳматов соли 2011 ба Тоҷикистон ва аз ин ҷо ба Русия сафар карда, пас аз бозгашти дубора ба кишвар то лаҳзаи дастгир гардидан тибқи ақоиди равияи ифротгароёнаи «Салафия» намоз хондаю амал карда, таваҷҷуҳи дигаронро барои пешбурди он ҷалб кардааст. Зимнан, ӯ бо мақсади зиёд намудани  ҳамақидаҳои худ дар ҳудуди яке аз масҷидҳои ноҳияи Панҷ дар назди Р.Я.Қосимов ғояҳои ифротии «Салафия» - ро таблиғ намуда, ба ӯ бар хилофи мазҳаби Имоми Аъзам намоз хонданро омӯзондааст.
Таваҷҷуҳи Раҳматов ба зиёдаравии динии характери ҷиноятидошта аз нигоҳ доштани наворҳои видеоии тарғиби гурӯҳи террористии «Давлати исломӣ», ташкили хилофат, даъват ба ҷиҳод ва мавҷудияти пораҳои таҳқири ҷомеаи демократӣ дар телефони мобилияш барало маълум аст. Вале иллат дар он аст, ки ҳамдеҳагонаш ӯро бо ҳавсалаю ҳавас мулло Қурбон ном бурда, иҷозат медодаанд, ки намозҳои зуҳрро имоматӣ кунад. Оқилон мегӯянд, ки агар ба бузургию каромоти касе бовар намоӣ ҳам, ақида, машварат, хоҳиш ва дархосташро аввал дар тарозуи ақл баркашу онгоҳ амал намо. Лекин Қурбоналӣ Раҳматов ҳоло ҳам дарк накардааст, ки «Толибон» на ба хотири нигоҳдории ваҳдату муқаддасоти мусулмонон, балки ба хотири соҳиб гардидан ба як ҳудуди муайян, амалӣ сохтани хостаҳои ақидавию сиёсии гурӯҳҳои алоҳида созмон ёфтааст. Ва ҳар касе, ки пеши роҳашонро мегирад, новобаста ба он, ки он нафар мусулмон аст ё кадом як мазлум, дар аксар маврид қатлаш мекунанд. Пас, ин гурӯҳи шумқадам чӣ муқаддасоте барои пайравӣ доштааст? «Салафия» низ ба ҷуз тафриқа андохтан миёни мусулмонон ва ба ин васила бароварда сохтани ниёзҳои сиёсии кадом як гурӯҳҳои нафспарвар, дигар ҳадафе надорад.
Вақти он расидааст, ки сокинони мамлакат ба ин ҳама воқеиятҳо дуруст сарфаҳм раванд ва фирефтаи ҷоҳилону найрангбозон нагарданд.
Зокир ҲАСАН, “Ҷумҳурият”


Баёни ақида (0)    Санаи нашр: 1.12.2016    №: 236    Мутолиа карданд: 2610

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед