logo

ҳуқуқ

НАФСИ БАД - БАЛОИ ҶОН

Қаллобӣ ва фиребу найранги шахсони алоҳида ва салоҳиятдор дар ҷомеа албатта, боиси нигаронист, аммо надонистани ҳуқуқҳои худ ва зудбоварии мардум низ аз масъалаҳои доғи рӯз аст. Даҳҳо нафарро ба доми фиреб кашидани маҳкумшаванда Ҷамшед Саломов мисоли рӯшани ин гуфтаҳоянд.
Суди ноҳияи Файзобод дар маҷлиси ошкорои судӣ парвандаи ҷиноятиро нисбат ба Саломов Ҷамшед Абдуразоқович бо моддаҳои 247 қисми 4 банди «б» ва 340 қисми 2 бандҳои «а,б,в» - и Кодекси ҷиноятии Ҷумҳурии Тоҷикистон мавриди баррасӣ қарор дод. 
Судшаванда Ҷамшед Саломов, ки дар вазифаи мутахассиси бойгонии КДФ «Марказ замин» - и шаҳри Ваҳдат аз 1 августи соли 2012 то 31 декабри соли 2014 кор мекард, даст ба як қатор ҷиноятҳои қаллобӣ задааст. Мавсуф аз рӯи маслиҳати пешакӣ бо мутахассиси ҳамин корхона Абдулло Ҳасанов, ки қисми маводи парвандаи ҷиноятӣ нисбат ба ӯ ба истеҳсолоти алоҳида ҷудо карда шудааст, моҳи январи соли 2014 ба боварии шаҳрванд Раҷабалӣ Саидов даромада, барои ба номбурда ҷудо карда додани 0,09 гектар қитъаи замини наздиҳавлигӣ, аз ҳудуди заминҳои деҳаи Меҳрбахши деҳоти Р. Исмоилови шаҳри Ваҳдат, 8000 доллари амрикоӣ гирифта, ба манфиати шахсиашон сарф намудаанд. Онҳо кирдори ҷинояткоронаи худро идома дода, моҳи марти соли 2015  барои 0,09 гектар қитъаи замине, ки дар он ягон намуди сохтмон мавҷуд набуд, Шаҳодатнома дар бораи қонунигардонии молу мулк таҳти № 524/1, аз 22 декабри соли 2008 ва қарори комиссия дар бораи қонунигардонии молу мулкро таҳти № 524/1, аз 19 декабри соли 2008 - ро, бо роҳи сохтакорӣ тайёр намудаанд. Ин шаҳодатномаро ба шаҳрванд Х. Саидов дода, барои ин амалашон 1000 доллар гирифтаанд.
Нафси бад балои ҷон гуфтаанд. Судшаванда Ҷамшед Саломов охирҳои моҳи феврали соли 2014  шаҳрванд Сафармо Каримоваро ба доми фиребаш кашида, барои ба расмият даровардани ҳуҷҷатҳои манзили истиқоматиаш, воқеъ дар шаҳри Ваҳдат, кӯчаи Ғалаба, хонаи № 50, ҳарчанд чунин ваколатро надошт, аз писари ӯ Хуршед Каримов 1500 доллар  гирифтааст. 6 августи соли 2014 номбурда ба бовари шаҳрванди дигар Зафар Ташрифов даромада, барои ҷудо намудани 0,06 гектар қитъаи замини наздиҳавлигӣ аз ҳудуди заминҳои деҳаи Қирғизони деҳоти Баҳори шаҳри Ваҳдат, 8000 доллар талаб кардааст. Ҳамчунин, 26 августи соли 2014 аз Ҷамшед Зоиров барои ҷудо намудани 0,15 гектар қитъаи замини наздиҳавлигӣ, аз ҳудуди заминҳои ҳамон деҳа  26000 доллар гирифта, ба манфиати шахсиаш сарф намудааст. Ин қаллоб аз 26 августи соли 2014 то аввалҳои моҳи марти соли 2015 шаҳрванд Комилҷон Муҳаммадалиевро фиреб дода, барои ҷудо намуда додани 0,20 гектар қитъаи замин 26300  доллар гирифтааст.
Ҷамшед Саломов 19 феврали соли 2015 бо роҳи қаллобӣ аз шаҳрванд Хайём Файзуллоев воситаи нақлиётии тамғаи Лексус ЕС-350 аломатҳои қайди давлатиаш 2525 АМ 01 РТ - ро ба арзиши 33000  доллар гирифта, ваъда додааст, ки дар муддати як моҳ бармегардонад, аммо ба қавли додааш вафо накарда, ба самти номаълум ғайб задааст. 29 июни соли 2015 шаҳрванд Маҳмадсаид Камолов низ гирифтори найранги навбатии Ҷамшед гашт. Маҳкумшаванда барои мусоидат намуданаш дар гирифтани хонаи истиқоматӣ аз бинои баландошёнаи сохтмонаш оғозёфта, ба муҳлати ду моҳ 300 ҳазор рубли русӣ гирифта, бар нагардондааст. 
Бо ҳамин роҳу восита Ҷамшед Саломов  шаҳрвандони зудбовар Фарҳодҷон Сафаров, Гадозода Шарофиддин Юсуф, Маҳрамой Мирзоева, Мирзоалӣ Шукуров, Шуҳратҷон Қодиров, Далер Қурбонов, Амонҷон Фаттоев, Абдусалом Гулов, Назокат Холова ва Алишер Одинаевро ба дурӯғи ҷиноятии худ бовар кунонда, аз онҳо аз 3 то 13000 доллари амрикоӣ талаб карда гирифтааст.
Гуноҳи судшаванда Ҷамшед Саломов дар содир кардани ҷинояти қаллобӣ, яъне тасарруфи молу мулки ғайр ё ба даст овардани ҳуқуқ ба молу мулки ғайр, бо роҳи фиреб ва суистифодаи боварӣ, барои ҷинояти сохтакории ҳуҷҷатҳои расмии ҳуқуқдиҳанда бо мақсади истифода аз ҷониби худи сохтакор ё шахси дигар ё ба соҳибияти каси дигар додани чунин ҳуҷҷат, инчунин истифодаи ҳуҷҷати баръало қалбакӣ тасдиқи пурраи худро ёфт.
Суди ноҳияи Файзобод бо татбиқи моддаи 67 қисми 3 Кодекси ҷиноятии Ҷумҳурии Тоҷикистон нисбат ба Саломов Ҷамшед Абдуразоқович ҷазои маҳрум сохтан аз озодӣ ба муҳлати 9  сол бо нигоҳ доштан дар колонияи ислоҳии дорои низомаш пурзӯр ва бо маҳрум кардан аз ҳуқуқи ишғоли мансабҳо дар соҳаи хизмати давлатӣ ба муҳлати панҷ сол таъйин кард.
САФАРЗОДА
Ғозибек Солиҳ, судяи суди ноҳияи Файзобод


Баёни ақида (0)    Санаи нашр: 1.12.2016    №: 236    Мутолиа карданд: 2767

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед