logo

сиёсат

ПЕШВОИ МИЛЛАТ ВА ТАШАККУЛИ БОНИЗОМИ МАҚОМОТИ ПРОКУРАТУРА

15 апрели соли равон Маҷлиси намояндагони Маҷлиси Олии Ҷумҳурии Тоҷикистон ба Қонуни Ҷумҳурии Тоҷикистон «Дар бораи рӯзҳои ид» тағйирот ворид намуд, ки тибқи он 16 ноябр  дар мамлакат ҳамчун Рӯзи Президенти Ҷумҳурии Тоҷикистон таҷлил мегардад.  Ин ид 16 ноябр дар кишвар бори аввал дар сатҳи баланд таҷлил гардид.
Дар оғози соҳибистиқлолӣ Тоҷикистони азизи мо бар асари дасисаҳои душманони дохиливу хориҷӣ ба ҷанги шаҳрвандӣ  кашида шуд, ки боиси ҳалокати ҳазорон нафар мардуми бегуноҳ, гуреза шудани зиёда аз як миллион нафар гардид. Кишварро хавфи парокандашавӣ таҳдид мекард. Дар чунин лаҳзаҳои душвор 16 ноябри соли 1992 дар Иҷлосияи 16-уми Шӯрои Олии Ҷумҳурии Тоҷикистон  муҳтарам Эмомалӣ Раҳмон Сарвари давлат интихоб шуда, ба рисолати таърихии худ оғоз намуданд. Дар  роҳи расидан ба сулҳу осоиш ва хотима додан ба ҷанги шаҳрвандӣ ҳаёти худро зери хатар гузошта,  ҷиҳати музокирот бо намояндагони гурӯҳҳои  мусаллаҳ, ҳалли масъалаҳои гурезагон ва ба даст овардани эътимоду боварии мардум борҳо ба минтақаҳои  ҷангзадаву хавфнок сафар  карданд. Тавассути ин тадбирҳо  оташи ҷанг хомӯш ва гурезаҳо ба ҷойҳои доимии зисташон баргардонда шуданд. Таҷрибаи сулҳи тоҷикон, ки таҳти сарварии бевоситаи Президенти мамлакат ба даст омадааст,  минбаъд аз ҷониби Созмони Милали Муттаҳид ҳамчун намунаи нодири сулҳофарӣ эътироф гардида, дар минтақаҳои ҷаҳон  истифода шуда истодааст.
Муайян намудани  сохти давлатдорӣ ва роҳи рушди минбаъдаи Тоҷикистони соҳибистиқлол  аз муҳимтарин хидматҳои сарвари мо дар назди Ватану миллат маҳсуб меёбад. Ҳанӯз дар  рӯзҳои аввали  Сарвари давлат интихоб шудан  муҳтарам Эмомалӣ Раҳмон  дар Иҷлосияи  таърихии 16-ум ҷонибдори бунёди давлати демократӣ, ҳуқуқбунёд, дунявӣ ва ягона будани худро изҳор доштанд. Минбаъд ин ғоя дар Конститутсияи бо роҳи раъйпурсии умумихалқӣ қабулшудаи мамлакат инъикоси худро ёфт. Ин санади олии ҳуқуқӣ таҳти роҳбарии бевоситаи Сарвари давлат таҳия шуда, қабули он ба эъмори давлатдории муосири миллӣ, асосҳои сохти конститутсионӣ ва барқарор намудани фаъолияти мақомоти давлатӣ оғоз бахшид.  Дар асоси ин санад ислоҳоти конститутсионӣ амалӣ гардида, сохторҳои давлатӣ, низоми судӣ ва ҳифзи тартиботи ҷамъиятӣ аз нав ташкил шуд. Аз ҷумла, парлумони касбии дупалатагӣ таъсис ёфта, он ба шохаи мустақил ва ҷузъи муҳими ҳокимияти давлатӣ   табдил ёфт. Дар ин давра се барномаи ислоҳоти судӣ - ҳуқуқӣ қабул гардида, айни ҳол ислоҳоти  милитсия ва адвокатура амалӣ гашта истодааст.
 Ба шарофати сиёсати хирадмандонаи Сарвари давлат, аз ҷумла ҷиҳати фаъолияти бонизоми мақомоти прокуратура, заминаи устувори ҳуқуқӣ муҳайё гашта,  он бо шумораи зарурии  кормандон, биноҳои маъмурӣ,  воситаҳои нақлиёт ва дигар шароити корӣ  пурра таъмин шуд. Таъсис ва ташаккули Қувваҳои Мусаллаҳи ҷумҳурӣ  низ ба номи Пешвои миллат вобаста буда, он айни ҳол ба сипари боэътимоди Ватан  табдил ёфтааст.
Президенти мамлакат дар саргаҳи ташаккули  сиёсати давлатӣ дар самти мубориза бо ҷинояткорӣ ва таъмини тартиботи ҳуқуқӣ дар кишвар  қарор  дошта, аз оғози рисолати худ фаъолияти мақомоти ҳифзи ҳуқуқ ва сохторҳои қудратиро ба тақвияти  мубориза бо ҷинояткорӣ равона намуданд.  Дар давраи баъдиҷангӣ  дар дасти аҳолӣ  ва гурӯҳҳои ҷиноятпеша  миқдори зиёди силоҳи оташфишон  қарор дошта, оромии сокинони кишвар ва фаъолияти муътадили мақомоти давлатиро халалдор мекард. Аз ин лиҳоз, Президенти мамлакат моҳи  декабри соли 1994 “Дар бораи  ихтиёран супоридан ва мусодира намудани силоҳи оташфишон, лавозимоти ҷангӣ ва техникаи ҳарбӣ”  фармон  ба имзо расонданд. Дар раванди иҷрои фармони мазкур аз ҷониби мақомоти ҳифзи ҳуқуқ даҳҳо ҳазор мил силоҳи оташфишон, лавозимоти ҷангӣ ва техникаи ҳарбӣ  дарёфт ва мусодира карда шудааст. Ба шарофати ин иқдомҳо айни ҳол Тоҷикистон дар байни ҷумҳуриҳои собиқ Иттиҳоди Шӯравӣ  аз лиҳози бехатарӣ барои ҳаёти шаҳрвандон  дар ҷойҳои аввал қарор дошта, пойтахти кишвар - шаҳри Душанбе ба рӯйхати 10  шаҳри   барои зиндагӣ  бехавфтарини ҷаҳон  дохил карда шудааст.
Президенти мамлакат ҳамчун сиёсатмадори сатҳи ҷаҳонӣ мунтазам аз минбари баланди Созмони Милали Муттаҳид ва дигар созмонҳои бонуфузи байналмилалӣ оид ба ҳалли масъалаҳои мубрами ҷаҳони муосир масъалагузорӣ намуда, обрӯи Тоҷикистонро  ҳамчун кишвари дар ташаккули сиёсати байналмилалӣ саҳмгузор баланд мебардоранд. Бовар дорем, ки хизматҳои шоёни Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар таърихи давлати Тоҷикистон бо ҳарфҳои заррин сабт шудаанд,  аз ҷониби наслҳои имрӯзу фардои Тоҷикистони азиз ҳамеша қадрдонӣ  гардида,  корномаи дурахшони ин фарзанди  фарзонаи миллат  роҳи моро ба сӯи оянда боз ҳам равшантар  хоҳад намуд.
Раҳмон Юсуф АҲМАДЗОД,
Прокурори генералии Ҷумҳурии Тоҷикистон,
генерал - лейтенанти адлия


Баёни ақида (0)    Санаи нашр: 5.12.2016    №: 238    Мутолиа карданд: 2198

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ

«БАҲОРИ ИСТИҚЛОЛ». ХАТСАЙРИ НАВИ САЙЁҲӢ ДАР ТУРСУНЗОДА

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр


Дар сомонаҳои дигари Тоҷикистон хонед