logo

сиёсат

МАҲМАДАМИН МАҲМАДАМИНОВ: "ДАҲСОЛАИ НАВ БА ҲАЛЛИ МУШКИЛОТИ МАНБАЪҲОИ ОБӢ МУСОИДАТ МЕНАМОЯД"

Рӯзи панҷшанбе Маҷмаи умумии Созмони Милали Муттаҳид қатъномаеро, ки ба барномаи сеюми байналмилалии амал «Об барои рушди устувор» оғоз мебахшад, якдилона қабул намуд. Ин барнома аз соли 2018 то соли 2028 идома меёбад. Қатъномаро 177 давлати аъзои СММ ҷонибдорӣ кард.
Бори аввал ташаббуси эълон намудани Даҳсолаи байналмилалии амал «Об барои рушди устувор» - ро Ҷумҳурии Тоҷикистон пешниҳод намуд. Даҳсолаи қаблӣ соли 2005 оғоз ёфта буд.
Дар бораи он ки дар ин солҳо чӣ корҳо анҷом дода шуданд ва кадом вазифаҳоро бояд дар даҳсолаи минбаъда ба иҷро расонд, Намояндаи доимии Ҷумҳурии Тоҷикистон дар Созмони Милали Муттаҳид Маҳмадамин Маҳмадаминов дар мусоҳиба бо Радиои СММ назари худро чунин баён намуд:
- Тибқи қатъномаи Маҷмаи умумии Созмони Милали Муттаҳид, ҳадафҳои Даҳсола таваҷҷуҳи баланд ба рушди устувор ва идоракунии ҳамоҳангшудаи захираҳои об барои расидан ба ҳадафҳои иҷтимоию иқтисодӣ ва ҳифзи муҳити зист, амалигардонӣ ва пешбурди барномаҳо ва лоиҳаҳои дахлдор, инчунин густариши ҳамкорӣ ва шарикӣ дар ҳамаи сатҳҳо барои мусоидати татбиқи ҳадафҳо ва вазифаҳои дар сатҳи байналмилалӣ мувофиқашудаи марбут ба захираҳои об, аз ҷумла Ҳадафҳои рушди устуворро дар бар мегиранд.
Илова бар ин, дар қатънома муҳимияти пешбурди истифодаи босамари об дар ҳама сатҳҳо, бо назардошти ҳамалоқамандии захираҳои об, озуқаворӣ, энергетика ва муҳити зист махсус таъкид гардидааст.
Қатънома ҳадафҳои иловагии Даҳсола, аз ҷумла такмили механизмҳои ташаккул ва паҳн намудани дониш, осонгардонии дастрасӣ ба дониш ва табодули иттилоот  оид ба таҷрибаи пешрафта, гирифтани иттилооти нави алоқаманд ба ҳадафҳои рушди устувори марбут ба захираҳои об; амалӣ намудани фаъолияти иттилоотию фаҳмондадиҳӣ; таъсиси шабакаҳо ва мусоидат ба ташкили шарикӣ ва фаъолияти дигар иштирокдорони манфиатдор дар татбиқи ҳадафҳо ва вазифаҳои марбут ба захираҳои об; таҳкими фаъолияти коммуникатсионӣ дар сатҳҳои гуногун ба манфиати татбиқи ҳадафҳои бо захираҳои об алоқамандро муайян мекунад.
Қатъномаи мазкур ба Дабири кулли СММ андешидани тадбирҳои заруриро барои банақшагирӣ ва ташкили фаъолият дар доираи Даҳсола дар сатҳи ҷаҳонӣ, минтақавӣ ва кишварӣ бо дастгирии механизми байни муассисавии «СММ – захираҳои об» пешниҳод менамояд.
Дар баробари ин, натиҷаҳои амалишавии Даҳсолаи байналмилалии амалиёти «Об барои ҳаёт», солҳои 2005-2015, фаъолияти Форуми сиёсии сатҳи баланди СММ оид ба рушди устувор ва кори Комиссияи сатҳи баланд оид ба об, ки аз ҷониби Дабири кулли СММ ва раиси Бонки ҷаҳонӣ таъсис дода шудааст, бояд ба инобат гирифта шаванд.
Президенти Ҷумҳурии Тоҷикистон дар баробари роҳбарони 10 кишвари дигари аъзои СММ узви Панели сатҳи баланд оид ба об мебошад. Муовини аввали вазири энергетика ва захираҳои оби кишвар намояндаи махсуси Президенти Ҷумҳурии Тоҷикистон дар Панели сатҳи баланд оид ба об таъйин шудааст.
Тибқи қатъномаи мазкур гузарондани ду муколамаи корӣ таҳти роҳбарии Президенти иҷлосияи 71-уми Маҷмаи умумии СММ оид ба муҳокимаи масъалаи баланд бардоштани ҳамгироӣ ва ҳамоҳангсозии фаъолияти СММ, ки марбут ба манбаъҳои обӣ аст, инчунин Шарҳи миёнамуҳлати СММ доир ба рафти татбиқи Даҳсола дар чорчӯбаи иҷлосияи 77-уми Маҷмаи умумии  СММ дар назар аст.
Пас аз соли нав раванди омодагӣ доир ба гузарондани муколамаи кории Маҷмаи умумии СММ оғоз мегардад. Раванди омодагӣ ба шарҳи миёнамуҳлат ҷиҳати рафти татбиқи Даҳсола мутобиқи қатъномаи мазкур дар рафти иҷлосияи 73 - юми Маҷмаи умумии СММ тирамоҳи соли 2018 оғоз мегардад.
Ибтикорот дар бораи эълон намудани Даҳсолаи байналмилалии амал «Об барои рушди устувор» бори аввал аз ҷониби Президенти Ҷумҳурии Тоҷикистон дар рафти Форуми ҳафтуми ҷаҳонии об, ки моҳи апрели соли гузашта дар Ҷумҳурии Корея доир гардид, пешниҳод шуд.
Президенти кишвар зимни суханронӣ дар Форуми об таъкид намуд, ки: «…чолишҳо ва таҳдидҳои ҷаҳони муосир, бо шумули буҳрони молию иқтисодӣ, афзоиши аҳолӣ, тағйири иқлим, афзоиши басомади ҳодисаҳои ниҳоии обу ҳаво, норасоии об ва дар натиҷа боло рафтани сатҳи камбизоатӣ, афзоиши бемориҳои сирояткунанда, фавти модару кӯдак ҳанӯз сафарбар намудани талошҳои мо ва қабули чораҳои дахлдорро дар ин соҳа талаб мекунанд».
Ибтикорот дар бораи эълон намудани Даҳсолаи байналмилалии амалиёти «Об барои ҳаёт», 2005 - 2015 низ соли 2003 аз ҷониби Президенти Тоҷикистон пешниҳод шуда буд. Баъдан, дар доираи ин даҳсола ибтикороти Тоҷикистон дар бораи эълон намудани соли 2013 «Соли байналмилалии ҳамкории об», ҳамчунин дигар ибтикоротҳо, аз ҷумла Соли байналмилалии санитария ҷонибдорӣ ёфт.
Дар доираи Даҳсолаи байналмилалии амалиёти «Об барои ҳаёт» ва тибқи қатъномаҳои Маҷмаи умумии СММ се Муколамаи интерактивии Маҷмаи умумӣ дар солҳои 2010, 2013 ва 2015 гузаронда шуданд. Илова бар ин, Ҳукумати Тоҷикистон дар ҳамкорӣ бо СММ дар Душанбе чорабиниҳои муҳимро, аз ҷумла шарҳи миёнамуҳлати ҳамаҷонибаи ҷараёни баргузории Даҳсолаи байналмилалии амалиёти «Об барои ҳаёт» дар моҳи июни соли 2010, Конфронси байналмилалии сатҳи баланд оид ба ҳамкорӣ дар соҳаи об, моҳи августи соли 2013 ва Конфронси байналмилалии сатҳи баланд оид ба натиҷаҳои татбиқи Даҳсолаи байналмилалии амалиёти «Об барои ҳаёт», моҳи июни соли 2015 омода ва баргузор кард.


Баёни ақида (0)    Санаи нашр: 27.12.2016    №: 255    Мутолиа карданд: 1995
07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД


Дар сомонаҳои дигари Тоҷикистон хонед