logo

фарҳанг

ФИЛМҲОИ ТАСВИРИИ МИЛЛӢ. БУД НАБУД?

Ҳоло дар шаҳру навоҳии кишвар нуқтаҳои бешумори бозиҳои компютерӣ ва фитафурӯшӣ фаъолият доранд, ки ҳар рӯз садҳо кӯдаку наврасро ба худ ҷалб карда, бо бозиҳои даҳшатангез ва наворҳои фаҳшу хусусияти зӯроваридошта ба психологияи онҳо таъсири манфӣ мерасонанд. Ин аз як тараф бемасъулиятии падару модарро дар таълиму тарбияи фарзанд нишон диҳад, аз ҷониби дигар дуруст тарғиб нагардидани ҳунарҳои миллӣ ва холӣ будани фурӯшгоҳҳоро аз фитаҳои филмҳои ватанӣ ошкор месозад.
Ба андешаи равоншинос Нафиса Муродова, набудани адабиёту маводи лозимӣ доир ба таълиму тарбия мушкилоти ҷиддист. Зеро бе он кафолат додани тарбияи дуруст ва баланд бардоштани завқи зебоишиносии кӯдак номумкин аст. Агар хӯрокҳои серғизо кӯдакро аз ҷиҳати ҷисмонӣ камол бахшад, тарбияи дуруст ахлоқу маънавиёти ӯро ташаккул медиҳад. Аз ҷумла, филмҳои тасвирӣ дар инкишофи зеҳнии кӯдакон нақши муҳим мебозанд.
Имрӯзҳо кам нафароне ҳастанд, ки дар бораи ҳақиқати ниҳонии филмҳои тасвирие, ки аз дигар кишварҳо вориди Тоҷикистон мешаванд, андеша кунанд. Албатта, вақте ки мо филмҳои тасвириро мебинем, дарк менамоем: онҳо тавре сохта шудаанд, ки ба кӯдакон писанд оянд ва онҳоро зуд ба худ ҷалб созанд. Вале, бояд донист, ки на ҳама чизе, ки ба кӯдак маъқул аст, фоидаовар мебошад. Ба шарофати ташаккул ва пешрафти техникаю технологияҳои навин қариб ҳар рӯз як филми тасвирӣ ба тамошобинони хурдсол пешкаш мегардад. Имрӯз волидон бояд донанд, ки фарзандонашон дар телевизион чиро мебинанд.
Набояд фаромӯш сохт, ки кӯдак агар ба филмҳои тасвирӣ дил бандад, ба бемории логонервоз (тарзи нодуруст суханронӣ кардан) гирифтор мешавад. Равоншинос Маҳмадулло Давлатов бар он ақида аст, ки «Барои назорат ва пахши филмҳои тасвирӣ як сохтори алоҳида амал намояд ва ҳатман ҳангоми намоиш додани ин ё он филм ба мазмуну мундариҷаи он эътибор диҳад. Агар мо филмҳои тасвириро ба тариқи умумӣ гирем, бояд ҳадаф ва мазмуни онҳо як чиз бошад: ҷисман ва рӯҳан тарбия кардани кӯдакон. Агар дар ҳақиқат муҳтавои филм зӯроварӣ бошад, зулму ситамро тарғиб намояд, дар онҳо ҷангу ҷидолу моҷароҳо бошанд, онгоҳ кӯдак дар асоси қаҳрамонҳои филмҳои тасвирӣ эталон (намуна) меҷӯяд. Зеро кӯдакон эътиқоди на он қадар устувори ахлоқӣ доранд. Ҳамин тариқ, тарзи рафтор, гуфтор, ҳаракату амали онҳоро дар ҳаёти худ истифода мебаранд. Мунтазам дидани моҷароҳои гуногун, ҳарбу зарб, умуман муносибатҳои бераҳмона ба кӯдак таъсир мерасонанд. Образҳои гуногуни хаёлие, ки дар онҳо вуҷуд доранд, дар кӯдакон хоби даҳшатнокро ба вуҷуд меоранд».
Тарҷумаи сифаташ паст ва кӯчагии филмҳои тасвирӣ яке аз мушкилиҳои дигари таъсир ба шуури кӯдакон мебошад. Воқеан, қисме аз волидон мехоҳанд фарзандонашон филмҳои тасвириро бо забони тоҷикӣ тамошо кунанд, аммо филмҳои хуби миллиро мо на дар телевизион ва на дар фитаҳои сарироҳӣ во намехӯрем. Пас, саволе пайдо мешавад, ки оё мо филмҳои тасвирии миллӣ надорем?
Ба ин савол Бахтиёр Қаҳҳоров, роҳбари гурӯҳи аниматсияи Киностудияи «Тоҷикфилм» мегӯяд, ки
«Имрӯз дар Киностудияи «Тоҷикфилм» як теъдод ҷавонони болаёқат кор мекунанд. Ҳар сол як - ду филми тасвирӣ офарида мешавад. Дар «Тоҷикфилм» таҷҳизот, толор барои наворҳои махсус бо сабки 3D, компютерҳо, дастгоҳҳои ҷадид - рендер боксҳо мавҷуданд. Тӯли 3 соли охир студия филмҳои аниматсионии «Асал дору», «Саги гурусна», «Зодрӯз муборак!», «Деви мевахӯр», «Буд – набуд, будгор буд» ва ғайраро офарид.
Аммо мухлисон суол мекунанд, ки аз куҷо филмҳои тасвирии ватаниро дастрас намоем. Дар ин маврид, Б. Қаҳҳоров зикр намуд, ки «Пеш аз ҳама идораи дахлдоре, ки барои прокати филмҳо дар дохили Тоҷикистон уҳдадоранд, ба вазифаи худ расанду ба харидору мухлиси ватанӣ филмҳои тасвирии миллиро пешкаш намоянд».
Аз ин рӯ, барои рушди аниматсияи миллӣ, пеш аз ҳама, муттаҳид шудан ва муташаккилона кору фаъолият намудани ҳамаи ниҳодҳои соҳа вобастагӣ доранд.
Раҳматулло КАРИМОВ,
Шаҳбоз АБРОР, «Ҷумҳурият»


Баёни ақида (0)    Санаи нашр: 29.12.2016    №: 258    Мутолиа карданд: 2966
03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР

28.07.2020


ТОҶИКИСТОН. 6 ҲАЗОРУ 28 ГИРИФТОРИ БЕМОРИИ COVID-19 ШИФО ЁФТ

ШСХК «БАРҚИ ТОҶИК». 11 ҲАЗОРУ 931 ҲОЛАТИ ИСТИФОДАИ ҒАЙРИҚОНУНИИ НЕРУИ БАРҚ

КВД «ХОҶАГИИ МАНЗИЛИЮ КОММУНАЛӢ». 200 ҲАЗОР АҲОЛИИ ДЕҲОТ БО ОБИ НӮШОӢ ТАЪМИН МЕШАВАД

ТОҶИКАЭРОНАВИГАТСИЯ. МАҶМӮИ МАЪЛУМОТ МИНБАЪД ДАР КИШВАР ТАҲИЯ ВА НАШР МЕГАРДАД

САҲМИ ДУШАНБЕ ДАР ММД-И КИШВАР БА 20,7 ДАРСАД РАСИД

МТС. ҲАМКОРИҲО ТАВСЕА МЕЁБАНД

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. 38 ҲАЗОР ҶОЙИ КОР ТАШКИЛ ЁФТ

КОНФРОНСИ ДУЮМИ БАЙНАЛМИЛАЛИИ САТҲИ БАЛАНД СОЛИ 2021 БАРГУЗОР МЕГАРДАД


Дар сомонаҳои дигари Тоҷикистон хонед