logo

туризм

ТУРИЗМИ КӮҲӢ. ЧАНД ПАҲЛУИ ЯК ПРОБЛЕМА

Маълумот оид ба туризми воридотӣ дар ҷумҳурӣ шаҳодат медиҳад, ки вобаста ба хусусиятҳои табиии кишвар, туристони хориҷӣ ба навъи туризми кӯҳиву варзишӣ ва экстрималӣ афзалият медиҳанд. Вале пешниҳод нашудани хизматрасонии дастрасу босифат, набудани роҳбаладони соҳибтахассусу ботаҷриба, наҷотдиҳии саривақтӣ дар ҳолатҳои фавқулода мушкилоти асосие мебошанд, ки садди рушди сайёҳӣ дар мамлакатанд.
Кӯҳҳои Фон (қаторкӯҳҳои Ҳисору Зарафшон) ва Помир (аз Лахш то Мурғоб) минтақаҳои асосии туризми кӯҳӣ мебошанд. Соли гузашта аз ҷониби Ассамблеяи байнипорлумонии аъзои Иттиҳоди Давлатҳои Мустақил кӯҳҳои Фон минтақаи ҷолиби сайёҳӣ байни давлатҳои ИДМ эътироф гардиданд.
Тавре маълум аст, барои баромадан ба қуллаҳои баланд дар баъзе кишварҳо як сайёҳ 1600 доллари ИМА, ду нафар 900 ва се сайёҳ 700 доллари ИМА пардохт менамояд. Тибқи ҳисобҳои пешакии коршиносон, даромад аз кӯҳнавардӣ ва туризми кӯҳӣ метавонад  то 15 - 20 дарсади ММД – и мамлакатро ташкил диҳад.
Фаррух Иззатуллоев, сардори раёсати рушди туризми Кумитаи ҷавонон, варзиш ва сайёҳӣ мегӯяд, ки гарчанд аз ҷониби кумита ҷиҳати рушди туризми кӯҳиву варзишӣ дар кишвар чораҳои муассир рӯйи даст гирифта мешаванд, аксари ширкатҳо ба ин навъи сайёҳӣ чандон завқ надоранд. 
Масъалаи омоданамоии кӯҳнавардону шухпаймоҳои ҷавони соҳа низ таваҷҷуҳи хосаро тақозо менамояд. Зеро роҳбаладон оид ба кӯҳнавардиву шухпаймоӣ дар Тоҷикистон ангуштшуморанд. Дигар ин ки аз панҷ мактаби олие, ки мутахассисони соҳаи сайёҳиро омода месозанд, дар барномаи таълимиашон асосҳои сайёҳии кӯҳӣ ё кӯҳнавардӣ ҷой надорад. Танҳо дар Донишкадаи тарбияи ҷисмонӣ ва варзиш чунин як ихтисос мавҷуд аст, вале дар барномаи таълимиаш ягон дарси вобаста ба туризми кӯҳӣ ворид нашудааст.
Ҷовид Завқов, устоди калони кафедраи туризми Донишкадаи соҳибкорӣ ва хизмат, мегӯяд, ки ин намуди туризм хатарнок ва мушкил аст.
- Хизматрасонӣ ба сайёҳон ҳам бисёр нозукиҳоро тақозо дорад. Яъне нафаре, ки сайёҳонро роҳбаладӣ менамояд, бояд аз ҷиҳати физиологиву психологӣ омода буда, аз варзиш, ҷуғрофия, тиб, забонҳо ва хӯрокпазӣ бархӯрдор бошад. Дар акси ҳол сатҳи хизматрасонӣ паст мешавад.
Дар ҷумҳурӣ ҳастанд ташкилотҳои ҷамъиятӣ ба монанди “Алпинизм ва шухпаймоӣ”, “Федератсияи туризми варзишӣ” лекин онҳо фаъолияти маҳдуд доранд. Ҳамчунин,  теъдоди ками ҷавонон мехоҳанд ҳаёти худро бо чунин навъи варзиш алоқаманд созанд. Масъулон ҳам дар навбати худ барои рушди соҳа чандон ҷидду ҷаҳд надоранд, - иброз дошт ҳамсуҳбати мо.

P.S.
Дар Паёми навбатии Президенти Ҷумҳурии Тоҷикистон Эмомалӣ Раҳмон зикр гардид, ки Ҳукумати ҷумҳурӣ ба соҳаи сайёҳӣ диққати ҳамаҷониба дода, барои рушди минбаъдаи он заминаҳои заруриро фароҳам меорад. Аз ин лиҳоз, Пешвои миллат пешниҳод намуданд, ки бо мақсади боз ҳам тавсеа бахшидани соҳаи сайёҳӣ, ҷалби ҳарчи бештари сармоя ва омода кардани кадрҳои болаёқат соли 2017 дар назди Ҳукумати Ҷумҳурии Тоҷикистон сохтори алоҳида таъсис дода шавад. Бинобар ин, масъулонро мебояд дар ин самт тадбирҳои заруриро роҳандозӣ намоянд, то туризми кӯҳӣ боз ҳам аз назарҳо дур намонад.
Ш. ҚУРБОН, “Ҷумҳурият”


Баёни ақида (0)    Санаи нашр: 04.01.2017    №: 2    Мутолиа карданд: 6185

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё

Касби мақоми дувуми Разавӣ дар Чемпионати Осиё

Баргузории «Дави миллӣ»

15.05.2018


Оғози ҷаласаи дуюми Кумитаи байналмилалии роҳбарикунанда

Баргузории мизи мудаввар дар Суди Олии иқтисодӣ

«Оила ва нақши он дар рушди шахсияти инсон»

Ҷаҳон дар як сатр

Дар Остона музокироти сулҳи Сурия оғоз ёфт

Мулоқоти Путин ва Жээнбеков дар Сочи

Назарбоев байни баҳрҳои Сиёҳ ва Хазар сохтани канали киштигардро мехоҳад

Иттиҳоди иқтисодии АвруОсиё дар Остона бо Пекин созишнома ба тасвиб мерасонад

Доналд Трамп аз мушкилоти ҳамкории тиҷоратӣ бо Чин нақл кард

14.05.2018


Баргузории фестивали ҳунарҳои мардумӣ ва таомҳои миллӣ

Ҳамоиш бахшида ба Рӯзи байналмилалии оила

Мулоқот бо муовини вазири корҳои хориҷии Кувайт

Оғози Рӯзҳои фарҳанги Беларус дар Тоҷикистон


Дар сомонаҳои дигари Тоҷикистон хонед