logo

иқтисод

БОНКҲО. ТАДБИРҲО САМАР МЕДИҲАНД

Фаъолияти муътадили низоми бонкӣ дар шароити имрӯза яке аз омилҳои асосии тараққиёти босуботи иқтисодӣ ба шумор меравад. Бо назардошти ин, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олӣ ба Ҳукумати мамлакат, ба Бонки миллии Тоҷикистон ва Вазорати молия супориш доданд, ки фаъолияти бонкҳо, ташкилотҳои қарзӣ ва корхонаву муассисаҳои буҷетиро ба таври қатъӣ назорат намоянд ва пеш аз ҳама дар самти ҳифзи ҳуқуқу манфиатҳои қонунии амонатгузорон, нигоҳ доштани эътимоди аҳолӣ ва иҷрои уҳдадориҳои бонкӣ чораҳои фаврӣ андешанд.
Қобили зикр аст, ки таъсири буҳронҳои пай дар пайи молиявию иқтисодии ҷаҳонӣ ба низоми бонкии кишвар низ бетаъсир намонд. Яке аз вазифаҳои асосӣ ва муҳими Бонки миллии Тоҷикистон ва низоми бонкии кишвар ҳимояи манфиатҳои пасандозгузорон ба шумор меравад. Ҳоло дар ин самт иқдоми мушаххас амалӣ мешаванд, ки ҳадаф аз онҳо пешгирии ҳолатҳои ногувор, муназзамсозии низоми бонкии мамлакат ва қавигардонии эътимоди аҳолӣ ба бонкҳо мебошад. Ворид намудани тағйиру иловаҳо ба санадҳои меъёрии ҳуқуқии танзимкунандаи фаъолияти низоми бонкии кишвар қабл аз ҳама ба ҳимояи ҳуқуқи истифодабарандагони хизматрасониҳои бонкӣ нигаронда шудааст. Барои дастгирии низоми бонкӣ ва фаъолияти муназзами соҳа лоиҳаи тағйиру иловаҳо ба қонунгузории амалкунанда омода мегардад, ки ба рушди босуботи низоми бонкии кишвар замина мегузорад.
Барои нигоҳ доштани эътимоди аҳолӣ ба низоми бонкӣ, ҳамчунин,  аз тарафи Бонки миллии Тоҷикистон “Стратегияи солимгардонии бахши бонкӣ то соли 2019” ва “Стратегияи сиёсати пулию қарзӣ ва асъории Ҷумҳурии Тоҷикистон барои солҳои 2016 - 2020” таҳия гардида, давра ба давра амалӣ гашта истодаанд. Ба қонунгузориҳои бонкӣ як қатор тағйиру иловаҳо ворид гардиданд, ки онҳо ҳангоми муфлисшавии ташкилотҳои қарзӣ баргардондани пасандозҳои шахсони воқеиро кафолат медиҳанд.
Эроду таъкидҳои Пешвои миллат, Президенти мамлакат муҳтарам Эмомалӣ Раҳмон низоми бонкии мамлакат, бахусус Бонки миллии Тоҷикистонро ба сифати танзимгари низоми мазкур, водор месозанд, ки барои бартараф намудани камбудиҳои зикргардида аз тамоми имконияту воситаҳо самаранок истифода баранд.
Бонки миллии Тоҷикистон баҳри бартараф кардани камбудию норасоиҳои низоми бонкии мамлакат ва дастгирии молиявии бонкҳои ба мушкилоти молиявӣ гирифторшуда дар ҳамоҳангӣ бо Ҳукумати Ҷумҳурии Тоҷикистон Барномаи солимгардонии ҳолати молиявии бонкҳоро омода намуд ва айни ҳол дар амал татбиқ намудани он оғоз шудааст.
Роҳбари давлат рушди бахши хусусӣ, аз ҷумла соҳибкориро низ самти афзалиятноки сиёсати давлатӣ шуморида, зикр намуданд, ки дар ҷумҳурӣ тавассути татбиқи ислоҳот фазои мусоиди соҳибкориву сармоягузорӣ фароҳам гардида, шарикии давлат бо бахши хусусӣ густариш пайдо карда истодааст ва Тоҷикистон, тибқи арзёбии созмонҳои байналмилалии молиявӣ, солҳои охир се маротиба ба қатори 10 кишвари пешсафи ислоҳотгари ҷаҳон дохил шудааст.
Баҳри дастгирии соҳибкорӣ пешниҳоди қарзҳо ба соҳаи соҳибкорӣ сол то сол афзоиш ёфта, аз ҷониби Бонки миллии Тоҷикистон баҳри афзун намудани қарздиҳӣ ба соҳаи соҳибкорӣ ба ташкилотҳои қарзии кишвар мунтазам тавсияҳо пешниҳод мегарданд. Тавре аз маълумоти омории расмӣ бармеояд, соли 2016 ба ҳисоби миёна 56 фоизи ҳаҷми умумии қарзҳои низоми бонкӣ ба бахши соҳибкорӣ, хусусан соҳибкории истеҳсолӣ, равона шудаанд. Ин амал минбаъд низ тақвият хоҳад ёфт.
Пешвои миллат дар Паём ба муассисаҳои низоми бонкӣ, хадамоти алоқа, шуғл ва дигар бахшҳои хизматрасонӣ ҷиҳати бештар ба кор ҷалб намудани занону духтарон дастур доданд. Таъкидҳо  ва дастуру ҳидоятҳо бори дигар собит месозанд, ки рушди соҳаи бонкдорӣ, ҳимояи манфиатҳои амонатгузорон ва бо ҷойи кор таъмин намудани занону духтарон доимо зери таваҷҷуҳи махсуси Пешвои миллат қарор доранд.
Бонки миллии Тоҷикистон дар ҳамоҳангӣ бо низоми бонкии кишвар баҳри бартараф кардани мушкилу камбудиҳо дастуру супоришҳои Сарвари давлатро сармашқи кори худ қарор додаанд.
Сироҷиддин ИКРОМӢ, 
муовини раиси Бонки миллии Тоҷикистон


Баёни ақида (0)    Санаи нашр: 05.01.2017    №: 3    Мутолиа карданд: 2061

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед