logo

маориф

РАҲНАМО. ПАЁМ ҶАВОНОНРО РӮҲБАЛАНД КАРД

Дар Паёми навбатии (22 декабри соли 2016) худ Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон муҳтарам Эмомалӣ  Раҳмон ба Маҷлиси Олӣ ба неруи азалию тамаддунпарвари мардуми тоҷик дар  роҳи расидан ба Истиқлолияти давлатӣ  ва пайдо кардани ҷойгоҳи худ дар ҷомеаи ҷаҳонӣ баҳои баланд додаанд. Президенти Ҷумҳурии Тоҷикистон ифтихормандона қайд намуданд, ки   «дар зарфи бисту панҷ сол мо ба шарофати заҳмати софдилонаи халқамон дар роҳи таъмин намудани рушди сиёсиву иқтисодӣ ва иҷтимоиву фарҳангии кишвар ба натиҷаҳои назаррас ноил гардидем». Ҳар яки мо - шаҳрвандони Тоҷикистон барои ҳимоя ва пойдории истиқлолият, ки дастоварди бузургтарин  ва ғояи муқаддаси миллӣ аст, бояд масъулият дошта бошем, барои боз ҳам рушд кардани Ватани азизи худ саҳм гузорем.   
Мо,  кормандони соҳаи маориф ва илм, ҳамеша  дастгирӣ ва ғамхории Пешвои миллатро барои рушди соҳа эҳсос мекунем. Бунёду азнавсозии зиёда аз 2500 муассисаи таълимӣ, таъмини онҳо  бо дастгоҳу таҷҳизоти муосири таълимӣ, дар доираи «Барномаи давлатии сохтмон, таъмиру азнавсозии мактабҳо барои солҳои 2008-2015»  сарф шудани  600 миллион сомонӣ,  дар соли 2016 сохта шудани  201 бинои таълимӣ  барои 39 ҳазор ҷойи нишаст ба маблағи 540 миллион сомонӣ шаҳодати он аст, ки   беҳбудии инфрасохтор ва таҳкими пояҳои моддиву техникии соҳаи маориф  дар маркази диққати давлат мебошанд.
Пешвои миллат ва Ҳукумати Тоҷикистон ба мактаби олӣ ҳамчун маркази омода кардани мутахассисони ба  талаботи замон ҷавобгӯ ва ихтирооту пажӯҳиши илмӣ менигаранд. Дарвоқеъ, агар то замони истиқлолият дар Тоҷикистон 13 муассисаи таҳсилоти олӣ бо 70 ҳазор нафар донишҷӯ фаъолият мекард, ҳоло  миқдори ин муассисаҳо ба 39 ва шумораи донишҷӯён ба 170 ҳазор нафар расидааст.
Пешравӣ ва тағйироти мусбатро, ки дар  даврони истиқлол ба он ноил гаштаем,  дар мисоли як донишгоҳ  ҳам  дидан мумкин аст. Донишгоҳи давлатии Қӯрғонтеппа ба номи Носири Хусрав  имрӯз 11 факултет  дорад ва аз рӯйи 42 ихтисос мутахассисони соҳаҳои гуногуни хоҷагии халқро омода менамояд. Маоши устодони донишгоҳ ва идрорпулиҳои донишҷӯён  аз ҳисоби Буҷети давлатӣ афзуд. Ифтитоҳи  Парки технологӣ, фаъолияти Маркази бақайдгирӣ ва машварат, ки санҷишу имтиҳонҳоро тариқи тестӣ қабул менамояд, таъмири биноҳои хобгоҳ, таҷҳизондани  озмоишгоҳҳои компютерӣ   бо технологияи муосир, бунёди бинои нави Кохи фарҳанг, ба истифода додани бинои нави факултети таърих ва ҳуқуқ, идомаи сохтмони бинои факултаи таҳсилоти ибтидоӣ ва варзиш, аз нав таъсис ёфтани факултети математика, ҷалби ҷавонон ба корҳои илмӣ ва ихтироъкорӣ аз ҷумлаи комёбиҳои солҳои охири донишгоҳанд.
Кормандони соҳаи илму маориф ҳидоят гирифтаанд, ки баҳри  баланд бардоштани сатҳу сифати таълим дар ҳамаи зинаҳои таҳсилот кӯшиш намоянд. Пешвои миллат  барои иҷрои ин вазифа,  бахусус дар зинаи таҳсилоти касбӣ, на ба шумора, балки ба сифати он диққати ҷиддӣ доданро муҳим мешуморад, то ки  мутахассисони ҷавобгӯи талаботи замони муосирро   тарбия  ёбанд.
Асосгузори сулҳу ваҳдати миллӣ - Пешвои миллат муҳтарам Эмомалӣ  Раҳмон барои  ҳар як фарди бонангу номус, ватандӯсту ватанпарвар ва худшиносу худогоҳ   ҳифзи озодиву истиқлолият ва манфиатҳои милливу давлатиро  вазифаи муҳимтарин  ҳисобида, даъват намуданд, ки бо  бунёдкориву созандагӣ ва содиқона меҳнат кардан бар нафъи халқу Ватан ин  мамлакатро  ободтар созем ва  ба кишвари пешрафта табдил диҳем.
 Паёми Пешвои миллат моро ба иҷрои вазифаҳои нав  раҳнамоӣ мекунад ва  бовариамонро ба ояндаи неки ҷомеа  устувортар мегардонад.
Дилором МАҲКАМОВА,
устоди Донишгоҳи давлатии Қӯрғонтеппа ба номи Носири Хусрав


Баёни ақида (0)    Санаи нашр: 06.01.2017    №: 4    Мутолиа карданд: 4598

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед