logo

ҳуқуқ

СИФАТИ ПАСТ. БОРИ КАҶ БА МАНЗИЛ НАМЕРАСАД

Мутахассисони Кумитаи андози назди Ҳукумати Ҷумҳурии Тоҷикистон, Агентии стандартизатсия, сертификатсия, метрология ва нозироти савдо якҷо бо кормандони Кумитаи давлатии амнияти миллии Ҷумҳурии Тоҷикистон дар шаҳрҳои Душанбе ва Хуҷанд истеҳсол ва фурӯши маҳсулоти спиртии пастсифатро ошкор ва пешгирӣ карданд.

Дар ҷараёни санҷиши муштарак дар масири Душанбе - Хуҷанд миқдори зиёди маҳсулоти спиртии шубҳанок мусодира гардид. Ташхис муайян кард, ки арақу конякҳои мусодирашудаи навъҳои «Лочин», «Лимон», «Лондон», «Московская», «Деревянская», «Народная марка», «Заначка», «Хӯшаи гандум», «Наполеон», «Аристократ», дар маҷмӯъ зиёда аз 50 номгӯй, ки дар сехҳои истеҳсоли маҳсулоти спиртии шаҳри Хуҷанд, ҶДММ - ҳои «Сахо», «Сайҳун» ва «Шоҳин» истеҳсол карда шудаанд, аз рӯйи нишондодҳои ҳаҷми рехт, сифати истеҳсол, қувватнокӣ ва таркиби моеъ ба талаботи бозори истеъмолӣ ҷавобгӯ нестанд.
Зимнан, дар анбор ва сехи истеҳсоли машруботи спиртии ҶДММ «Кишвар - 2010», воқеъ дар шаҳри Душанбе, низ ҳашт тонна маҳсулоти пастсифат муайян гардид. Ташхис нишон додааст, ки машруботи навъи «Тоҷикистон - кишвари ман», «Ашки гандум», «Арақи бетамға», «Гандумӣ», «Секрет фирмы», «Столичний» ва 60 номгӯи дигар, ки дар ҷараёни санҷиши муштарак ошкор гаштанд, ба саломатии инсон хатар доранд. Аз ҷумла, мувофиқи ташхиси агентӣ конякҳои «Кишвар», «Белий аист», «Жемчуг», «Кремлин» аз рӯи таркиб, сифат ва қувватнокӣ ба талаботи истеъмолӣ мутобиқат намекунанд. Арақҳои «Гандумӣ», «Секрет фирмы» ва ғайра аз рӯйи нишондодҳои ҳаҷми рехт, сифати истеҳсол, таркиби моеъ ба талаботи ҳуҷҷати меъёрии «Шартҳои умумии техникӣ» - и машруботи спиртӣ мухолифат мекунанд.
Тадбирҳои судманд дар мавриди ошкору мусодира ва аз фурӯш боздоштани машруботи спиртии ғайристандартӣ ва ба саломатӣ зараровар далели фаъолияти босамари кормандони сохторҳои марбутаи давлатӣ буда, гирифтани пеши роҳи ин амали хатарнок ба маънои ҳифзи саломатии аҳолист. Зеро ҳодисаи заҳролудшавӣ ва марги пурсарусадои 76 нафар сокини шаҳри Иркутски Федератсияи Русия аз истеъмоли машруботи спиртии ғайристандартӣ ҳушдор дод, ки чунин амали зишт метавонад дар пай қурбонӣ дошта бошад. Аз ин рӯ, дар баробари масъулони соҳа, харидорону истеъмолгаронро низ зарур аст, ки зимни хариди ҳама гуна маҳсулот ба муҳлату сифат ва дигар нишонаҳои қобили истифодаи он аҳамият диҳанд.
Д. РӮЗИЕВ, «Ҷумҳурият»


Баёни ақида (0)    Санаи нашр: 09.01.2017    №: 5    Мутолиа карданд: 2628

22.11.2017


Мулоқоти Шукурҷон Зуҳуров ва Ҷузе Алфонсо Зегбе Камарена

Густариши ҳамкориҳо бо Ҳиндустон

Дар Рашт таҷҳизоти инноватсионии тибби фосилавӣ ба истифода дода шуд

Мусобиқоти варзишӣ ба ифтихори Рӯзи Парчами давлатӣ

Ҷоми ҷаҳонро ба Тоҷикистон меоранд

Ҷаҳон дар як сатр

Башор Асад ба Русия барои «наҷоти Сурия» изҳори сипос намуд

Небензя: «Теъдоди ҷангиёни «ДИ» дар Афғонистон ба 10 ҳазор нафар расидааст»

Земан: «Ҳамкориҳои Русия бо Чехия вусъат меёбанд»

Теъдоди аҳолии Чин ба 1,399 миллиард нафар расид

Ду ҳавопаймо тавассути интернет – музояда ба савдо рафт

NASA ба Моҳ астронавтҳоро яксола фиристоданист

21.11.2017


Муаррифии китоби «Пешвои миллат ва сиёсати забон»

Таҷлили Рӯзи Президенти Ҷумҳурии Тоҷикистон дар Қирғизистон

Ифтитоҳи бинои раёсати адлияи ВМКБ

«Шабе дур аз Ватан» дар Владикавказ намоиш дода мешавад

Ҷаҳон дар як сатр

Туркманистон аз кишварҳои амнтарини дунё эътироф гардид

Конгресси ИМА аз алоқаи Трамп бо Русия ягон далел наёфт

Ҷустуҷӯи киштии зериобии Аргентина шурӯъ шуд

Олмон ба кӯдакон бастани соатҳои «доно» - ро манъ намуд

14.11.2017


Ҷаласаи якҷояи тадорукоти чорабиниҳои байналмилалӣ

Мулоқоти Сироҷиддин Аслов ва Эрлан Абдилдаев

Таъсиси шабакаи нави телевизионӣ

Бизнес - форуми соҳибкорони Тоҷикистону Ҳиндустон баргузор хоҳад гашт

Ҷаҳон дар як сатр

Ҳалокати беш аз 450 нафар аз заминҷунбӣ дар Эрон

Трамп ҷонибдори сабуксозии таҳримоти зиддирусӣ

Занон ва кӯдаконро аз Сурия ба Грозний оварданд

Коршиносон кишварҳоеро ном гирифтанд, ки аз тағйироти иқлим бештар зарар диданд

Чин. Минтақаи политсияро роботҳо «забт карданд»

13.11.2017


Ҷаҳон дар як сатр

Путин ва Трамп кишварҳои дунёро ба афзунсозии ёрӣ ба Сурия даъват карданд

Трамп қазияи «дахолати русӣ» - ро монеаи сунъии муносибатҳо номид


Дар сомонаҳои дигари Тоҷикистон хонед