logo

маориф

МАКТАБ ВА ОИЛА. ТАНҲО ҲАМКОРӢ САМАР МЕДИҲАД

Тарбияи насли наврас масъалаи муҳим ва зарурии ҷомеаи муосир мебошад. Хонанда ҳам дар муҳити мактаб ва ҳам берун аз он камол меёбад. Дар мактаб агар дар зарфи 5 - 6 соат мактабу муаллим ба ӯ таълиму тарбия диҳад, вақти боқимондаи вай дар муҳити хонаводагӣ мегузарад.
Вазифаи муҳимтарини мактабҳо ин таълим додан ва бо донишҳои муосир фаро гирифтани хонандагон аст. Вале, фаромӯш набояд кард, ки падару модар ба кирдору рафтори фарзанди худ бештар масъуланд, чунки фарзанд хислатҳои нек ё рафтори ношоистаро аз волидайнаш меомӯзад. Ташаккули шахсият кӯдакро бештар дар муҳити хонаводагӣ ташаккул меёбад, ки аз оилаи зиёиву маърифатпарвар фарзандони бадахлоқу нохалаф  ба воя расида бошанд. Мо бештар шиква аз беадабии фарзанд мекунем, аммо андеша намекунем, ки барояш чӣ гуна тарбия додем ва муносибати дағалонаи ӯ ба атрофиён аз куҷо сарчашма мегирад?
Зиёда аз панҷ сол аст, ки Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» амал мекунад. Дар боби дуюми қонуни мазкур,  дар моддаи 8 омадааст: «Кирдорҳои зиддиҷамъиятӣ, муомилаи дағалона бо атрофиён, халалдор намудани оромӣ, истифодаи суханҳои қабеҳ, рафтори дағалона дар кӯча, хиёбон, муассисаҳои фароғатӣ, дохили нақлиёт, хобгоҳ, манзилҳои зист, дигар ҷойҳои ҷамъиятӣ ва муносибати тахрибкоронаи фарзандро ба муҳити зист пешгирӣ намоянд».
Аз камтаваҷҷуҳии волидайн дар мактабҳо давомоти сусти хонандагон бештар ба назар мерасад, ки ин зарар ба худи хонанда ва оила мебошад. Хунукназарӣ нисбат ба донишандӯзии наврасон аз оила сарчашма мегирад. Робитаи сусти падару модаронро бо омӯзгорон ва дар ҷаласаҳои Ассотсиатсияи волидайн ширкат наварзидани онҳо ба ин ҳол оварда мерасонад. Боиси таассуф аст, ки дар аксари таълимгоҳҳо  аз 700 – 800 хонанда дар ҷаласаи ассотсиатсия ҳамагӣ 10 – 15 нафар падар ё модар иштирок мекунанду халос. Ва онҳо ҳам волидони хонандагони фаъол. Ҳол он ки дар моддаи 9 - и қонуни номбурда омадааст: «Донишандӯзӣ ва иштироки фарзандро дар раванди таълим назорат карда, бо омӯзгорон, ҳайати кормандон ва роҳбарияти муассисаи таълимӣ оид ба таълими фарзанд мунтазам ҳамкорӣ намоянд».
Агар таъмин набудан ё нарасидани китобҳои дарсӣ ба муассиса ва ё омӯзгор вобаста бошад, пас набудани дафтару қалам, либоси ягонаи мактабӣ ва ашёи хониш, иштироки пурра дар дарсҳо ба уҳдаи падару модар аст. Мутаассифона, ба ин масъала аҳамияти кам дода мешавад.
Тарбия нахуст аз оила, аз муҳити боғча (то синни 7-солагӣ) ва баъд аз мактаб сарчашма мегирад. Дар ин маврид педагоги машҳури рус Антон Макаренко гуфтааст: «Тарбияи дурусти бачаҳо пирии хушбахтонаи мо ва тарбияи бади онҳо ғаму андуҳи ояндаи мо, оби дида ва гуноҳи азими он дар назди дигарон ва дар назди тамоми мамлакат аст». Аз ин рӯ, волидайнро лозим аст, ки омилҳои ҷалби фарзандонро ба таҳсил, варзиш, хондани китобу рӯзномаву маҷалла пайдо намуда, дар ин замина тарбияи дурусти онҳоро ба роҳ монанд.
Фориғболии лаҳзаинаи волидайн сабаб мешавад, ки фарзанд ба қавле «ёру ошноҳои нав» пайдо кунад, тавассути онҳо ба амалҳои ношоиста, тамошои наворҳои ғайриахлоқӣ саргарм шавад ва мафкураву рӯҳияаш тағйир ёбад. Дар моддаи 8 - и Қонун «Дар бораи масъулияти падару модар дар таълиму тарбияи фарзанд» махсус таъкид гаштааст: «Ба фарзанд тамошои филмҳои дорои хусусияти шаҳвонӣ, зӯроварӣ, экстремистӣ ва террористиро манъ намоянд».
Қисми зиёди падару модарон дар боби одобу ахлоқ ба фарзанди худ ҳарфе намезананд. Дар хазинаи телефонҳояшон филмҳои ғайриахлоқӣ, фаҳш ва хусусияти зӯроварӣ доштаро сабт намуда, барои хушҳолии чандлаҳзаина, ҳатто  ба аҳли оилаи худ намоиш медиҳанд.
Хуб мешуд, ки волидон бо муассисаҳои таълимӣ робитаи зичро барқарор намуда, ҳафтае як бор дар дарсҳои фарзандонашон иштирок намоянд, маслиҳату машварати омӯзгоронро ба инобат гиранд. Дар чунин ҳолат метавонем камбудиҳоро якҷоя ва ба зудӣ рафъ намоем.
Шоинҷон СИЯРӢ,
омӯзгори МТМУ № 5 – и ноҳияи Ҷайҳун


Баёни ақида (0)    Санаи нашр: 09.01.2017    №: 5    Мутолиа карданд: 5741

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД

ТАРБИЯИ ҶИСМОНӢ ВА ВАРЗИШ 53 НАФАР УНВОНҲОИ СОҲАРО ГИРИФТ

ДАР ТОҶИКИСТОН БАЪДИ КАРАНТИНИ КОРОНАВИРУСӢ 87 НАФАРРО ҶАВОБ ДОДАНД

ЧИН БА ИСТЕҲСОЛИ НАХУСТИН ДОРУИ ЭҲТИМОЛӢ АЗ КОРОНАВИРУС ОҒОЗ НАМУД

ЛЕ ДРИАН: «БАРРАСИИ МАСОИЛИ АМНИЯТ БО РОССИЯ ЗАРУР АСТ»

ДАР ӮЗБЕКИСТОН БА ХИЗМАТИ ДАВЛАТӢ ТАВАССУТИ ИНТЕРНЕТ ҚАБУЛ МЕКУНАНД

НАФАҚАХӮРИ СЕРБ БА ПАРАДИ ҒАЛАБА ПИЁДА РАФТАНИСТ

Ҷаҳон дар як сатр

14.02.2020


ҲИСОР. ТАТБИҚИ ҲАДАФИ ЧОРУМИ СТРАТЕГӢ ДАР МАДДИ АВВАЛ

РОҒУН. БЕШТАРИ ҚОНУНШИКАНИҲО ВОБАСТА БА ИСТИФОДАИ ЗАМИН АСТ

АХД. ҶАЛБИ ЗАНОН БА ХИЗМАТИ ДАВЛАТӢ ҲАНӮЗ ҚОНЕЪКУНАНДА НЕСТ!

ИМА УМЕДВОРИ «МУЗОКИРОТИ ҶИДДӢ» БО РОССИЯ ВА ЧИН ОИД БА СИЛОҲИ ЯДРОӢ МЕБОШАД

ҲУКУМАТДОРОНИ ЧИН КОРХОНАҲОИ АЗ КОРОНАВИРУС ЗАРАРДИДАРО ДАСТГИРӢ МЕКУНАНД

ТЕЪДОДИ МУШТАРИЁНИ WHATSAPP БА ДУ МИЛЛИАРД РАСИД

ҶАҲОН ДАР ЯК САТР

13.02.2020


ДУШАНБЕ. 62 КОРХОНАИ САНОАТӢ ТАЪСИС ЁФТ

ШСХК "БАРҚИ ТОҶИК". СОҲА РӮ БА БЕҲБУДӢ МЕОРАД

ШАҲРИ ТУРСУНЗОДА. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

480 НОМ БА ФЕҲРИСТИ НОМҲОИ МИЛЛӢ ВОРИД МЕШАВАД

87 КОРМАНДИ ГУМРУК АЗ АТТЕСТАТСИЯ НАГУЗАШТ

ДОНИШКАДАИ ИДОРАКУНИИ ДАВЛАТӢ. ТАЪСИСИ ИХТИСОСҲОИ НАВ ТАҚОЗОИ ЗАМОН

БЕШ АЗ 50 ШАҲРВАНДИ ТОҶИКИСТОН АЗ УХАН БА ДУШАНБЕ ОВАРДА ШУД

ДАР ЧИН МОҲИ АПРЕЛ БАР КОРОНОВИРУС ҒОЛИБ ОМАДАНИАНД

ТӮЛИ ЯК МОҲ ДАР АФҒОНИСТОН 200 ТОННА МАВОДИ НАШЪАДОР МУСОДИРА ШУД

ҶАҲОН ДАР ЯК САТР

12.02.2020


ҶОМИ КФО. РАҚИБИ "ХУҶАНД" КАДОМ ДАСТА АСТ?

ИСТЕҲСОЛИ МАҲСУЛОТИ САНОАТӢ 13, 6 ДАРСАД АФЗУД

АКАДЕМИЯИ ИЛМҲО. ОЛИМОН 28 ПАТЕНТ ВА 5 ШАҲОДАТНОМА БА ДАСТ ОВАРДАНД

ҲАҶМИ ИСТЕҲСОЛИ МАҲСУЛОТИ САНОАТӢ БА 1 МИЛЛИАРДУ 640 МИЛЛИОН СОМОНӢ РАСИД

ВАРЗОБ. СОҲАҲОИ ХОҶАГИИ ХАЛҚ РУШД МЕКУНАНД

ТАТБИҚИ ЛОИҲАҲОИ ОБТАЪМИНКУНӢ. ДЕҲОТ БО ОБИ НӮШОӢ ТАЪМИН МЕШАВАД


Дар сомонаҳои дигари Тоҷикистон хонед