logo

сиёсат

СИЁСАТИ ХОРИҶӢ ВА САҲМИ ОН ДАР БОЛОРАВИИ НУФУЗИ ҶАҲОНИИ ТОҶИКИСТОН

Дар Паёми навини Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олӣ дар баробари таҳлили ҳамаҷонибаи соҳаҳои гуногуни хоҷагии халқи мамлакат, ба самтҳои асосии сиёсати хориҷӣ низ таваҷҷуҳи махсус зоҳир шуд. Пешвои миллат ташаккул ва татбиқи сиёсати хориҷиро, ки меҳвари онро сиёсати «дарҳои кушода» ташкил медиҳад, яке аз дастовардҳои бузурги давлати миллии мо дар замони соҳибистиқлолӣ маънидод карданд.
Ба шарофати сиёсати хориҷии мутавозин Тоҷикистони соҳибистиқлол дар арсаи байналмилалӣ мавқеи шоистаи худро пайдо намуда, муносибат ва ҳамкориҳои гуногунҷанбаро бо кишварҳои дунё, созмонҳои байналмилаливу минтақавӣ ва ниҳодҳои бонуфузи молиявӣ ба роҳ монд ва ба натиҷаҳои назаррас ноил гашт. Ба таъкиди Пешвои миллат, ҳадафҳои аслии сиёсати хориҷии Ҷумҳурии Тоҷикистон ҳамоно бетағйир монда, ба ҳифзи манфиатҳои миллӣ дар арсаи байналмилалӣ, фароҳам овардани шароити мусоиди берунӣ барои рушди устувори мамлакат ва мусоидат ба таҳкими пояҳои истиқлолу соҳибихтиёрии Ҷумҳурии Тоҷикистон нигаронда мешавад.
Дар Паёми Сарвари давлат омадааст, ки Ҷумҳурии Тоҷикистон муносибатҳои ҳасанаро бо тамоми кишварҳои дунё ба роҳ монда, робитаҳои созанда ва ояндасозӣ худро бар пояи дӯстию эҳтиром ва баробарии ҳамдигар рушду инкишоф медиҳад. Дар муносибатҳои дуҷониба бо шарикони стратегии худ - Федератсияи Русия, Ҷумҳурии Мардумии Чин ва Ҷумҳурии Қазоқистон дар раванди мубориза бо таҳдиду хатарҳои муосир ҳамкориҳои муассири худро тақвият ва таҳким мебахшад. Бо созмонҳои байналмилаливу минтақавӣ ва ниҳодҳои молиявии ҷаҳонӣ ҳамкории мутақобилан судмандро ба роҳ мемонад. Ҳамзамон, Пешвои миллат зикр намуданд, ки яке аз самтҳои муваффақи сиёсати хориҷии Ҷумҳурии Тоҷикистон пуштибонӣ ёфтани ташаббусҳои созандаи кишвари мо дар робита ба масъалаҳои муҳими сиёсати ҷаҳонӣ мебошад. Тоҷикистон дар арсаи байналмилалӣ ба сифати ташаббускор ва пешсафи фаъоли ҳалли масоили глобалии вобаста ба истифодаи босамари захираҳои об эътироф гардидааст. Сарвари давлат зимни ироаи Паём мужда расонданд, ки боз як ташаббуси бузурги Ҷумҳурии Тоҷикистонро Маҷмаи умумии Созмони Милали Муттаҳид дастгирӣ намуда, Даҳсолаи нави байналмилалии амал «Об барои рушди устувор», солҳои 2018-2028 - ро қабул намуд. Тавре Пешвои миллат таъкид карданд, кишвари мо минбаъд низ бо ибтикороти созандаи хеш барои ҳалли дигар масоили ҳалталаби байналмилалӣ ва минтақавӣ талош  хоҳад кард.
Яке аз вазифаҳои муҳими дигаре, ки Пешвои миллат дар Паёми худ ба миён гузоштанд, мусоидат ба ҷалби сармояи хориҷӣ барои таъмини рушди устувори кишвар мебошад. Гуфта шуд, ки соли 2016 ҷалби сармояи хориҷӣ ба иқтисоди миллӣ ҳафтуним миллиард сомониро ташкил дод. Ҳоло бо сармояи давлатӣ ва шарикони рушд беш аз 70 лоиҳа дар ҳаҷми 22 миллиард сомонӣ дар соҳаҳои гуногуни иқтисодиёт ва 7 лоиҳа бо ҷалби сармояи мустақими ватаниву хориҷӣ ба маблағи зиёда аз 11 миллиард сомонӣ барои сохтмону таҷдиди 12 корхонаи саноатӣ амалӣ шуда истодааст.
Ҳамин тавр, Паёми Президенти Ҷумҳурии Тоҷикистон, Эмомалӣ Раҳмон ба Маҷлиси Олӣ самтҳои асосии сиёсати дохилӣ ва хориҷии мамлакатро матраҳ ва дар навбати худ фаъолияти ниҳодҳои давлатӣ ва умуман, ҷомеаи моро барои як марҳалаи томи оянда муайян намуд. Иҷрои саривақтии дастуру ҳидоятҳои дар он ироашуда ба рушди устувори мамлакат ва фардои дурахшони кишвар такони ҷиддӣ мебахшад.
Табассум АЗИМЗОДА,
мутахассиси Раёсати таҳлил ва ояндабинии сиёсати хориҷии
Маркази тадқиқоти стратегии назди Президенти Ҷумҳурии Тоҷикистон


Баёни ақида (0)    Санаи нашр: 10.01.2017    №: 6    Мутолиа карданд: 1199
22.07.2017


Густариши ҳамкориҳо бо Олмон

Содироти маҳсулот ба маблағи беш аз 230 миллион доллар

Таҷдиди НБО Қайроққум моҳи сентябр оғоз мегардад

ЛАХШ. Беш аз 750 ҳазор сомонӣ барои зарардидагон

20.07.2017


Ширкати Неъматулло Ҳикматуллозода дар Форуми сиёсии сатҳи баланд

Мулоқоти Шерхон Салимзода ва Александр Конюк

Намоишгоҳи «Тоҷикистон – 2017» баргузор мешавад

«Лола» ва «Садо» ба Чин мераванд

Картошка арзон мешавад?

ҚАДРИ МЕҲНАТ. Маоши миёна беш аз 1200 сомонӣ

ВАҲДАТ. Саноат рӯ ба беҳбудӣ

ДДЗТ. Аз озмунҳои байналмилалӣ то ҳамкориҳои хориҷӣ

19.07.2017


Мулоқоти Неъматулло Ҳикматуллозода ва Кристиа Фриланд

Коҳиши воридот ва афзоиши содирот

Коҳиши воридот ва афзоиши содирот

Даромади софи бонк ба 15 миллион сомонӣ расид

Ба Кодекси мурофиавии иқтисодӣ тағйирот ворид мешавад

Масъулияти аҳолӣ дар ҳалли масъалаҳои экологӣ баланд мегардад

18.07.2017


Ҷаласаи Шӯрои вазирони корҳои хориҷии давлатҳои аъзои СААД

Мулоқот бо губернатори Токио

Машқҳои стратегии зиддитеррористӣ дар ВМКБ

«Мушкилкушо» ва «Комил» ба Қазон мераванд

Мурофиаҳои сайёри судӣ омили баланд бардоштани маърифати ҳуқуқии шаҳрвандон

Инвентаризатсияи заминҳо ба охир расид

ВАРЗОБ. Чорводорӣ рӯ ба беҳбудӣ

НАФАҚА. Камбудиҳо бартараф мешаванд

Варзиш

17.07.2017


Мулоқоти Қоҳир Расулзода ва Саид Оғо

Вохӯрӣ бо роҳбари минтақавии Хазинаи кӯдакони СММ

Баргузории ҷаласаи Комиссияи байниҳукуматӣ оид ба ҳамкориҳои иқтисодию тиҷоратӣ

Баррасии роҳу усулҳои мубориза бо коррупсия

Дарёфти 1010 тонна маҳсулоти ғайристандартӣ

Бехатарии саноатӣ ва ҷавобгарии 182 шахси масъул

Рӯйхати сиёҳ вуҷуд надорад

15.07.2017


Шиносоии Сарвазири мамлакат бо рафъи оқибатҳои офати табиӣ ва сохтмони роҳ


Дар сомонаҳои дигари Тоҷикистон хонед