logo

иҷтимоиёт

ВАТАН ОНРО НА БО СУХАН, БАЛКИ БО ДИЛ БОЯД ДӮСТ ДОШТ

Паёми имсолаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар даврае ироа шуд, ки кишвар ба марҳалаи нави рушд ворид гардида, он шаҳрвандони ватандӯсти кишвар, хусусан ҷавононро баҳри саъю талоши доимӣ ва меҳнати содиқона ҷиҳати фардои дурахшони Ватан муваззаф месозад.
Президенти кишвар оид ба беҳтар гардидани вазъи иҷтимоии аҳолӣ баёни андеша намуда, саъю талошҳои Ҳукуматро баҳри ноил гардидан ба дастовардҳои боз ҳам баландтар ва беҳтар намудани сатҳу сифати зиндагӣ таъкид сохтанд. Ҳамзамон, дар назди аҳли илму фарҳанг ва омӯзгорон  вазифаҳои мушаххас гузоштанд, ки, бешак, ҳаётан муҳим буда, кафили асосии ноилшавӣ ба дастовардҳои азими иҷтимоию иқтисодӣ ва илмиву фарҳангӣ мебошанд.  Аз ҷумла, таъкид намуданд, ки: «Дар шароити кунунӣ баланд бардоштани сатҳу сифати таълим дар ҳамаи зинаҳои таҳсилот вазифаи аввалиндараҷаи кормандони соҳаи илму маориф мебошад». Воқеан,  бидуни беҳтар намудани сифати таълиму тарбия мо ҳеҷ гоҳ мутахассиси ҷавобгӯи талаботи замони муосир омода намуда наметавонем. Бинобар ин, Пешвои миллат баланд бардоштани сифати таълимро аз вазифаҳои аввалиндараҷаи аҳли илму маориф гуфтанд. Дар самти мазкур на танҳо омӯзгорон, балки падарону модарон низ муваззаф шуданд, ки диққати наврасону ҷавононро ба фарогирии  донишҳои муосир, хусусан омӯзиши амиқи фанҳои дақиқ ҷалб сохта, ҳамзамон таълими забонҳои хориҷӣ ва технологияҳои иттилоотиву коммуникатсиониро ба роҳ монанд.  Ҷиҳати ноил гардидан ба ин ҳадафҳои олӣ, яъне боз ҳам таҳким бахшидани пояҳои Истиқлолияти давлатию баланд бардоштани  сатҳу сифати зиндагии мардуми кишвар, ки тавассути дастовардҳои назаррас дар соҳаи иқтисодиёт таъмин карда мешавад, зарур аст, ки неруи зеҳнии ҷавонон пурсамар истифода бурда шавад. Тибқи дастури Пешвои миллат «Ҷавонон бояд аз ҳамаи қишрҳои ҷомеа бештар фаъол бошанд, ташаббусҳои созанда пешниҳод намоянд». Ба ғайр аз иштироки фаъолона дар ҳаёти иқтисодиву сиёсии ҷомеа,  онҳо бояд тамоми саъю талоши худро баҳри ҳифзи шарафу номуси ватандорӣ сарф намуда, парчамбардори кишвари хеш бошанд.
Ба таъкиди Сарвари давлат, вазифаи дигари ҷавонон доштани ҳисси баланди миллист. Онҳо барои ҳимояи Ватан бояд ҳамеша омода бошанд, ҳушёриву зиракии сиёсиро аз даст надиҳанд. Ба миён гузоштани масъалаи мазкур аз тарафи Пешвои миллат бесабаб нест. Зеро, мутаассифона, дар ҷомеаи мо ҷавононе низ ҳастанд, ки ба сабаби нодонӣ ва ноогоҳии хеш фирефтаи ваъдаву таблиғоти бепояи душманони миллату дин гардида, на танҳо Ватан, балки падару модарашонро низ ба гӯшаи фаромӯшӣ месупоранд. Ин тоифаи ҷавонон барои наздикону пайвандони худ ва аҳли ҷомеа хатарбор маҳсуб меёбанд. Бинобар ин, омӯзгорон, падару модар ва ҷавонони бофарҳангу ватандӯсти кишварро зарур аст, ки нисбат ба тақдири насли ояндасози кишвар бетараф набошанд ва ҷиҳати дар онҳо тарбия намудани ҳисси ватандӯстию  меҳанпарастӣ саъю талоши доимӣ  намоянд. Ин талабу масъулият дар яке аз вохӯриҳои Пешвои миллат бо аҳли ҷомеа ба муносибати 25 - солагии Истиқлолияти давлатӣ хеле ҳакимона садо дода буд: «Ин Ватанро на бо сухан, балки бо қалб бояд дӯст дошт ва онро бо амал бояд исбот кард».
Кароматулло АБДУЛҲАЕВ,
Ҳасан ИБРОҲИМОВ,
устодони  Донишгоҳи давлатии
тиббии Тоҷикистон ба номи Абуалӣ ибни Сино


Баёни ақида (0)    Санаи нашр: 10.01.2017    №: 6    Мутолиа карданд: 2244

23.06.2018


Мулоқоти Қоҳир Расулзода бо Невен Мимитса

Масоили амният ва суботи минтақа матраҳ гардиданд

Ҳамоиш ба муносибати 21 - солагии Рӯзи Ваҳдати миллӣ

Корхонаи коркарди маҳсулоти ширӣ ба кор шурӯъ кард

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал


Дар сомонаҳои дигари Тоҷикистон хонед