logo

сиёсат

ОБ БАРОИ РУШДИ УСТУВОР. ТАШАББУСИ ТОҶИКИСТОН, КИ БА ДАРДИ БАШАРИЯТ МЕХӮРАД

Қабули қатънома дар бораи  Эъломияи Даҳсолаи байналмилалии амал «Об барои рушди устувор» (солҳои  2018 – 2028),  аз ҷониби Маҷмаи умумии Созмони Милали Муттаҳид бо пешниҳоди Тоҷикистон имрӯзҳо дар сархати хабарҳост. Ташаббуси  роҳбарияти кишвар, ки ба дарди аҳли башар мехӯрад,  аз сӯйи доираҳои бузурги сиёсию иқтисодии ҷаҳон баҳои баландро сарфароз гашт. Вобаста ба аҳамияти ин иқдоми созанда дар бартарафсозии мушкилоти мавҷуда  ва натиҷаи кори олимону мутахассисони мамлакат дар самти масъалаҳои об, директори Институти масъалаҳои об, гидроэнергетика ва экологияи Академияи илмҳои ҷумҳурӣ, доктори илмҳои техникӣ Зайналобуддин Кобулиев андешаҳои худро чунин баён дошт:

- Хушбахтона, 21 декабри соли 2016 Маҷмаи умумии  Созмони Милали Муттаҳид қатъномаи A/RES/71/222-ро зери унвони Даҳсолаи байналмилалии амал “Об барои рушди устувор», (солҳои 2018-2028)  бо ҳаммуаллифии 177 кишвари узви СММ қабул намуд.  Татбиқи қатъномаи  мазкур  соли 2018  аз Рӯзи ҷаҳонии захираҳои об  -  22  март  оғоз ёфта,  22  марти соли 2028 ба анҷом мерасад. Даҳсолаи нави байналмилалии амал “Об барои рушди устувор», (солҳои 2018 - 2028)  ҳамчун идомаи мутассил ва мантиқии Даҳсолаи байналмилалии амалиёти “Об барои ҳаёт», (солҳои 2005-2015) , ҷиҳати расидан ба Ҳадафҳои рушди устувор бевосита мусоидат хоҳад намуд. Мувофиқи қатъномаи МУ СММ рушди устувор ва ҳадафҳои  эъломияи нав масъалаҳои зеринро фаро мегиранд:
- мудирияти ҳамгироёнаи захираҳои об ҷиҳати расидан ба ҳадафҳои иҷтимоӣ, иқтисодӣ ва муҳитизистӣ;
- роҳандозии барномаю  лоиҳаҳои дахлдор;
- тавсеаи ҳамкорӣ ва шарокат дар ҳамаи сатҳҳо барои мусоидат ба татбиқи вазифаю  ҳадафҳои марбут ба захираҳои об, ки дар арсаи байналмилалӣ мувофиқа шудаанд;
- такмилу интишори дониш, осонгардонии дастрасӣ ба он,  мубодилаи иттилоот роҷеъ ба таҷрибаи беҳтарин ва  баҳрабардорӣ аз иттилооти нав  дар бораи қисмати марбут ба захираҳои оби Ҳадафҳои рушди устувор;
- бунёди шабакаҳо,  мусоидат ба ташаккули шарокат ва фаъолияти тарафҳои манфиатдор барои  иҷрои вазифаҳои марбут ба захираҳои об;
- тақвияти фаъолиятҳои иртиботӣ дар сатҳҳои гуногун  барои дастёбӣ ба ҳадафҳои вобаста  ба захираҳои об.
Қатънома қабл аз ҳама аҳамияти истифодаи оқилонаи обро бо назардошти иртиботи мутақобилаи захираҳои об бо маводи ғизо, энергетика ва муҳити зист дар бар мегирад. Ҳоло тадқиқоти  равандҳои  гидрофизикии дарёҳои Тоҷикистон ҷиҳати истифодаи оқилонаи захираҳои обию энергетикӣ заминаи устувори илмиро тақозо менамояд. Соли гузашта Институти масъалаҳои об, гидроэнергетика ва экологияи Академияи илмҳои мамлакат доир ба мавзӯъҳои истифодаи маҷмаавии захираҳои оби дарёҳои фаромарзӣ ба манфиати гидроэнергетикию ирригатсионӣ, коркарди усулҳои танзими оптималии реҷаи дарё бо ёрии обанбор ва беҳдошти обии ландшафтҳо, арзёбии ҳолати обҳои зеризаминии шаҳри Душанбе бо истифода аз усулҳои гидрологияи изотопӣ ва динамикаи мувозинаи оби ҳавзаи дарёи Кофарниҳон корҳои илмӣ тадқиқотӣ ба анҷом расонд.
Ҳамкории институт  бо пажӯҳишгоҳҳои бонуфузи илмии ҷаҳон дар доираи масъалаҳои муҳими об, гидроэнергетика ва экология ба роҳ монда шудааст. Аз ҷумла, институт тибқи шартномаи байналмилалӣ, ҷиҳати мубодилаи илмӣ  бо Донишгоҳи миллӣ ва  институтҳои география,   масъалаҳои обу  гидроэнергетикаи Академияи илмҳои Қазоқистон фаъолияти муштараки илмию тадқиқотӣ дорад.
Дар доираи  робитаҳои судманди байналмилалии  ин муассисаи илмии кишвар   бо  институтҳои илмӣ -тадқиқотии гидротехника ва мелиоратсияи  Федератсияи  Русия, масъалаҳои обу гидроэнергетикаи Академияи миллии илмҳои Қирғизистон ва шуъбаи бехатарию  ҳимояи радиатсионии Маркази тадқиқотии Олмон -  Juelich GmbH  дар мавриди    омодасозии  кадрҳои баландихтисоси соҳа тадбирҳои зарурӣ андешида шудаанд.
Давоми соли  гузашта  ходимони илмии институт дар  30 чорабинии сатҳи ҷаҳонӣ вобаста ба мушкилоти норасоии об ва гидроэнергетика иштирок намуда, бо мисолҳои мушаххас саҳми роҳбарияти олии кишварро дар таҳкими муносибатҳои неки давлатҳо доир ба масъалаҳои об, гидроэнергетика ва экология баён карданд.
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 10.01.2017    №: 6    Мутолиа карданд: 2366
18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ

«Тоҷик Эйр» теъдоди парвозҳоро ба Деҳлӣ зиёд мекунад

Ҷаҳон дар як сатр

Кореяи Шимолӣ омода аст ба Кореяи Ҷанубӣ пайвандад

Интиқоди сарвазири Маҷористон аз сиёсати ИА нисбат ба Русия

Чин соли гузашта аз хориҷа 1300 порахӯрро баргардонд

Қирғизистон: зарар аз коррупсия 1, 4 миллиард сом

Консерни Lactalis миллионҳо бонка ғизои кӯдаконаро бозмехонад

«Реал» барои Неймар аз баҳри Роналду мегузарад?

12.01.2018


Шарҳу тавзеҳи нуктаҳои муҳимтарини Паём дар ВМКБ


Дар сомонаҳои дигари Тоҷикистон хонед