logo

фарҳанг

ЗИ ҶӮЕ, КИ ХӮРДӢ АЗ Ӯ ОБИ ПОК...

Мусаллам аст, ки яке аз чор унсур, ки боиси ҳастии оламу одам гардида, об мебошад. Ба он ниёгони пуршарафи мо ба дидаи эътибор менигаристанд ва таваҷҷуҳи махсус зоҳир мекарданд. Об дар ҳикматҳо мақоми волову қимати зиёдро пайдо намуд: обу ободӣ, об рӯшноӣ аст, об аст, ки покиву зебоӣ аст, хунро на ба хун, балки бо об мешӯянд, об додани ташна савоби бузург дорад.
Об дар «Авасто», ки китоби қадими ниёгони мост, ситоиш мешавад:
Обҳои чашмасоронро меситоем,
Обҳои гузаргоҳҳоро меситоем.
Кӯҳҳои обрезонро меситоем,
Дарёчаҳои обзойро меситоем.

Ин ҳама, албатта, нишони қадрдонӣ ва гиромидошти об буд.
Об дар китобҳои осмонӣ низ зикр ва ба навъе тавсиф мегардад. Аз Паёмбари гиромиқадр (с) мепурсанд, ки накутарин саховат кадом аст? Зимни посух изҳор медорад: «Саховат беш аз хайр кардани об нест».
Асадии Тӯсӣ, шоири маъруфи мо, дар хусуси гиромидошти об баён доштааст:
Зи ҷӯе, ки хӯрдӣ аз ӯ оби пок,
Нашояд фикандан дар ӯ сангу хок.

Албатта, боиси ифтихори ҳар тоҷику тоҷикистонист, ки Сарвари давлатамон бо шинохти бештару беҳтари ин фарҳанги воло ва таърихи қадимаи миллатамон ин мушкилот – нарасидани оби тозаро ба хотири ҳалли дурусти он дар дунё ба миён гузошт. То ба ӯ ҳеҷ сарвари давлате ба масъалаи мазкур бо эҳсоси дилсӯзӣ барои инсоният таваҷҷуҳи махсусе зоҳир накарда буд. Ҳол он ки ин масъала барои мо, ки кишвари болообу сарчашмаи об маҳсуб мешавем, масъалаи ташвишовар набуд.
«Вақти он расидааст, ки таваҷҷуҳи ҷомеаи ҷаҳон ба масъалаи оби тоза ва вобаста ба он ҷалб карда шавад», - таъкид намудааст Президенти мамлакат. Чаро? Чунки тавре худ иброз медорад: «Гузашта аз ин, мо аз он дар ташвиш ҳастем, ки зиёда аз як миллиард одам дар ҷаҳон ба оби тоза дастрасӣ надорад.
Вақте ки ба сабаби нарасидани оби тозаи нӯшокӣ аз панҷ як ҳиссаи аҳолии сайёра азият кашида, ҳар сол тақрибан панҷ миллион одам аз истеъмоли оби ифлос аз бемориҳои вобаста ба он ҷони худро аз даст медиҳанд, мо мардуми Осиёи Марказӣ, ки ин проблема, алалхусус бароямон мураккаб аст, наметавонем мавқеи бетарафиро ихтиёр кунем.»
Ҳамин тавр, бо ташаббуси Президенти мамлакати мо муҳтарам Эмомалӣ Раҳмон Ассамблеяи Генералии Созмони Милали Муттаҳид бо қатъномаи махсуси худ соли 2003 – юмро «Соли байналмилалии оби тоза» эълон кард. Бояд ёдовар шуд, ки ин пешниҳоди Сарвари давлатамон он замон аз ҷониби 149 давлати ҷаҳон дастгирӣ ёфта буд. Воқеан, дар ин маврид ҷомеаи ҷаҳонӣ бетараф буда наметавонист.
Созмони Милали Муттаҳид аз оғоз, яъне аз соли 2000 - ум то инҷониб дар ин маврид 7 қатънома қабул кард. Вақте ба натиҷаҳо ва дастовардҳои «Даҳсолаи байналмилалии амал «Об барои ҳаёт» воқиф мешавем, бисёр шод мегардему ифтихор мекунем. Нахуст, ин натиҷаҳо ва дастовардҳо дар миқёси ҷаҳон аз тарафи ҷомеаи ҷаҳонӣ мусбат арзёбӣ ва баҳогузорӣ шуданд. Баъдан, ба шарофати он аҳолии ба оби тозаи ошомиданӣ дастрасинадошта дар ҷаҳон ба 700 миллион нафар коҳиш дода шуд. Инчунин, бо ҷалби сармояи дохиливу хориҷӣ тақрибан 1,5 миллион аҳолии кишвар ба оби тозаи ошомиданӣ дастрасӣ пайдо карданд.
Зарур аст, ки бо ҳисси ифтихор ва эҳсоси масъулият ба фарҳанги истифодабарии оби тозаи ошомиданӣ таваҷҷуҳи махсус зоҳир бинамоем ва ба қадри ин неъмати худодӣ бирасем.  Сарвари давлат барҳақ иброз доштааст, ки «Арзиши об аз нафту газу ангишт ва дигар анвои сӯзишворию захираҳои энергетикӣ ҷиҳати устувории мамлакат ва минтақа кам нест».
Абдукарим МУСТАФОЗОДА,
сармутахассиси шуъбаи дин,
танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон


Баёни ақида (0)    Санаи нашр: 12.01.2017    №: 8    Мутолиа карданд: 3685

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед