logo

иқтисод

БОНКДОРӢ. МАРҲИЛАИ АМАЛИСОЗИИ ТАДБИРҲО ОҒОЗ ЁФТ

Раёсати ҶСК «Тоҷиксодиротбонк» дар доираи  татбиқи тадбирҳо оид ба муназзамсозии фаъолияти бонк аз 3 январи соли равон барасмиятдарории шартномаҳои амонатии муштариёнро бо пешниҳоди тарофаҳои нав оғоз кард.
Шартномаҳои нав дар идораи марказӣ ва ҳамаи филиалҳои бонк баста мешаванд. Дар ин бора аз маркази матбуоти «Тоҷиксодиротбонк» - яке аз  бонкҳои калонтарини мамлакат иттилоъ гирифтем. Муштариёни пасандоздори бонк тавассути телефон ба суҳбатҳои инфиродӣ ҷиҳати тамдиди муҳлат ё бозгардони пасандозҳо даъват карда мешаванд. Дар марҳилаи аввал муштариёни пасандоздори бонк метавонанд ҳар моҳ ба миқдори баробар ба 50 – 200 доллар (он тадриҷан зиёд мешавад) маблағ гиранд. Ҳамчунин, муштариён метавонанд ҳар рӯз аз банкоматҳои бонк то 100 сомонӣ пули нақд гиранд ё ҳар рӯз аз марказҳои савдое, ки дар онҳо POS – терминалҳои бонк насб шудаанд, ба арзиши 200 сомонӣ маҳсулот харид намоянд. Вобаста ба беҳшавии вазъи молиявӣ ин маҳдудиятҳои муваққатӣ низ барҳам дода мешаванд.
Аксари муштариён аз иқдоми нави пешгирифтаи бонк хуш истиқбол мекунанд, аммо муштариёне низ ҳастанд, ки пасандозашонро «дирам ба дирам» пас  гирифтан мехоҳанд.
 Ин ҳаққи онҳост. Дар ҳама ҳол, тибқи иттилои маркази матбуоти «Тоҷиксодиротбонк»,  ҳамаи пасандозҳо то охири сол ба соҳибонашон баргардонда мешаванд.
Дар «Агроинвестбонк» низ алҳол барои гирифтани маблағҳои маҳдуд навбатпойӣ идома дорад, аммо, ба ҳар ҳол, раванди додани пасандози муштариён оғоз шудааст ва умед аст, ки ин амал вусъат мепазирад. Ҳаҷми умумии маблағҳои пасандозгузорон дар ин бонк наздик ба як миллиард сомониро ташкил медиҳад.
Мутаассифона, дар бонкҳои дигари ба мушкилӣ мувоҷеҳ, сарфи назар аз  дастгирии Ҳукумати Тоҷикистон, амалисозии нақшаи банизомдарории  фаъолият ва соҳиб шудан ба эътимоди муштариён суст ба мушоҳида мерасад.
Ёдрас месозем, ки тайи ду соли охир дар марҳилаҳои гуногун вазъи молиявии ин бонкҳо хеле мушкил гардида, пасандоздорон ва соҳибони кортҳои бонкиро сахт нигарон карда буд. Асосгузори сулҳу ваҳдати миллӣ  - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо дарки амиқи ҳол дар Паёми навбатӣ ба Ҳукумати ҷумҳурӣ, Вазорати молия ва Бонки миллии Тоҷикистон ҷиҳати андешидани тадбирҳои муассир барои ба эътидол овардани фаъолияти бонкҳо, низоми бонкӣ, риояи ҳуқуқу ҳифзи манфиатҳои пасандозгузорон ва нигоҳ доштани эътимоди аҳолӣ супориш доданд, ҳамчунин, муштариёни бонкҳоро умеди қавӣ бахшиданд, ки ҳамаи пасандозҳо ба соҳибонашон баргардонда мешаванд. Дар пайи  иҷрои дастури Пешвои миллат  охири соли сипаришуда Ҳукумати Ҷумҳурии Тоҷикистон бо мақсади беҳтар намудани вазъи молиявӣ, раҳоӣ аз муфлисӣ ва соҳиб шудан ба боварии муштариён барои 4 бонки дар вазъи мушкили молиявӣ қарордоштаи мамлакат – «Тоҷиксодиротбонк», «Агроинвестбонк», «Тоҷпромбонк» ва «Фононбонк» беш аз 3 миллиарду 850 миллион сомонӣ ҷудо намуд. Бонки миллии Тоҷикистон роҳбарияти ин бонкҳоро муваззаф сохт, ки дар муддати як моҳ нақшаи солимгардонии фаъолият  ва муназзамсозии низоми бонкиро таҳия ва пешниҳод кунанд.
А. САЙВАЛӢ, «Ҷумҳурият»


Баёни ақида (0)    Санаи нашр: 13.01.2017    №: 9    Мутолиа карданд: 1860

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед