logo

маориф

«ДОНИШ ВА ОМӮЗГОР» 90 - СОЛА ШУД

Дар фаъолияти Вазорати маориф ва илми ҷумҳурӣ матбуоти соҳавӣ нақши муҳим дорад. Гузашта аз ин, матбуоти соҳаи маориф ба рушду инкишофи тамоми соҳоти иҷтимоии кишвар, ташаккули маърифати мардум аз ибтидои таъсисёбиаш таъсири махсус мерасонад. Айни ҳол, вазорат муассиси як ҳафтанома – «Омӯзгор» (бо замимааш «Пайрав») ва се маҷалла – «Маърифати омӯзгор», «Маорифи Тоҷикистон» ва «Русский язык и литература в школах Таджикистана» буда, аксари зерсохторҳои он низ соҳиби нашрияҳои худ мебошанд.
Нахустин маҷаллаи сиёсӣ, иҷтимоӣ, таълимӣ ва тарбиявӣ, адабӣ, фаннӣ, илмӣ ва танқидии мо бо номи «Дониш ва омӯзгор» 5 марти соли 1926 таъсис ёфта, ба муносибати яксолагии таъсиси Нозироти маорифи Тоҷикистон дар Душанбе аз чоп баромад. Муҳаррири масъул нахустин нозири маориф Аббос Алиев буд. Бо сабаби норасоиҳои техникӣ дар матбааи аввалини ҷумҳурӣ баъди чор моҳу даҳ рӯз маҷалла аз чоп бозмонд. Аммо маорифпарварони тоҷик саъю кӯшиш карданд кори саркардаашон дар нимароҳ намонад, баъди як сол - моҳи августи соли 1927 дар шаҳри Самарқанд маҷаллаи дигар бо номи «Дониш - биниш» аз чоп баромад, ки аз шумораи дуюм номи «Раҳбари дониш» - ро гирифта, дар шаҳри Тошканд ба чопи худ идома дод. Баъди беҳбудӣ ёфтани вазъи табъу нашр соли 1930 идораи маҷалла ба шаҳри Душанбе кӯчид. Соли 1932 бо тақозои давр аз рӯйи муҳтаво ба ду тақсим шуд: яке бо номи «Инқилоби маданӣ» инъикоси масъалаҳои маорифро идома дода, қисми адабӣ бо номи «Барои адабиёти сотсиалистӣ» ҳамчун маҷаллаи алоҳида ба кор шурӯъ кард, ки минбаъд номи «Садои Шарқ» - ро гирифт. Баъдтар «Инқилоби маданӣ» бо номҳои «Мактаби советӣ», «Маърифат» ва «Маърифати омӯзгор» фаъолияти худро идома дод.
Айни замон, «Маърифати омӯзгор» маҷаллаи ҷумҳуриявии таълимиву методӣ ва илмиву оммавӣ буда, дар бораи омӯзгорон, пажӯҳишгарон, аҳли илму адаб ба забони тоҷикӣ (баъзан русиву англисӣ) мақолаҳо чоп мекунад. Маҷалла дар давраҳои гуногун дар ҳаҷми 64 саҳифа бо назардошти вазъи иқтисодӣ соле 4, 6 ва 12 маротиба чоп мешуд. Авҷи шуҳрати маҷалла ба солҳои ҳаштодум то ибтидои солҳои 90 – уми асри гузашта  («Мактаби советӣ») рост меояд. Баъди ин теъдоди обуна коҳиш ёфт, дастрасӣ ба матбуот маҳдуд гашт. Аммо чопи маҷалла қатъ нашуд, ҳарчанд имкони чоп хеле кам (соле 4 - 5 маротиба) буд.
Хушбахтона, аз оғози соли гузашта чопи ҳармоҳаи маҷалла ба роҳ монда шуд. Ҷалби мутахассисон тавассути пешниҳоди мақолаҳои арзишманд бо мақсади баланд бардоштани сатҳи сифати таҳсилот, ташаккули касбият, инкишофи малака, худомӯзӣ, такмили ихтисос, методикаи таълим дар  робита бо раёсатҳои дахлдори Вазорати маориф ва илм, раёсату шуъбаҳои маорифи вилоятҳо, шаҳру ноҳияҳо торафт бештар сурат мегирад.
Соли ҷорӣ маҷаллаи «Маърифати омӯзгор»  90 - сола мешавад. Ин ҷашни на танҳо аҳли маҷалла ва кормандони маориф, балки тамоми маърифатпарварони тоҷик ба ҳисоб меравад.
Саида НАБИЕВА,
сармуҳаррири маҷаллаи «Маърифати омӯзгор»


Баёни ақида (0)    Санаи нашр: 16.01.2017    №: 10    Мутолиа карданд: 4467

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР


Дар сомонаҳои дигари Тоҷикистон хонед