logo

фарҳанг

3D МОДЕЛСОЗӢ. АКНУН ДАР ҲУНАРИ ДӮЗАНДАГӢ НИЗ ИСТИФОДА МЕШАВАД

Дӯзандагӣ чун қисми таркибии саноати сабук, соҳаи ҳаётан муҳим ба ҳисоб меравад. Бисёр кишварҳои оламро ном бурдан мумкин аст, ки ҳамасола маҳз аз ҳисоби рушди соҳаи дӯзандагӣ фоидаи калон ба даст меоранд. Дӯзандагӣ барои миллати мо низ шуғли қадима ба ҳисоб меравад ва таърихи бой дорад. Мақоми халқии «Одаму либос, хонаву палос» далолат бар он менамояд, ки либоси хуштарҳу шинам пӯшидан, тақозои табиати инсони зебоипараст аст.
Вобаста ба пешравии ҷаҳон талабот ва завқи мардум ҳам дигар мешавад. Аз ҷумла, шаклу намудҳои нав ба нави либос ва матоъҳо ба вуҷуд меоянд, то ба талаботи айём мувофиқ бошанд.
Ҳоло вақти он расидааст, ки навгониҳои илмию техникӣ ба мисли кишварҳои пешрафта дар Ватани мо низ ба соҳаи дӯзандагӣ роҳ ёбанд. Бо назардошти ин, мехоҳем оид ба таҳияи 3D моделсозӣ дар соҳаи дӯзандагӣ нуктаи назари худро иброз дорем. Сохтани тарҳи сеандозагии либос аз рӯи ченаки мизоҷ таҳияи 3D моделсозӣ ном дорад. Лозим ба ёдоварист, ки дар замони муосир 3D моделсозӣ дар соҳаи дӯзандагӣ усули навтарин ва пешқадам ба ҳисоб меравад. Мутаассифона, усули мазкур ҳоло ба коргоҳҳои дӯзандагии мо қариб, ки роҳ наёфтааст.
Тарроҳии либос бо усули маъмулӣ, ки дӯзандагӣ мебошаду дар сатҳи ҳамвор сурат мегирад, суръати дӯхти либосро кашол медиҳад. Илова бар ин, баъди бо ин усул омода гардидани либос, ба он ягон тағйирот дароварда намешавад.
Мо метавонем чандин одами баробарқадро пайдо кунем. Аммо онҳо бо харобию фарбеҳӣ аз ҳамдигар фарқ мекунанд. Як ҷиҳати муҳими моделсозии 3D ҳамин аст, ки ҳангоми тарроҳии либос ҳамин хусусиятҳо ба назар гирифта мешаванд.
Чуноне ки қаблан зикр шуд, 3D моделсозӣ сеандозагӣ мебошад. Бо ибораи дигар тарҳи либос на дар сатҳи ҳамвор, балки дар фазо ба вуҷуд меояд. Барои муайян намудани андозаи одам, аксбардорӣ аз се самт - пеш, қафо ва паҳлу сурат гирифта, дар барнома шакли одами ростистода пайдо мешавад. Албатта, маникенро ҳам дар ин маврид истифода бурдан мумкин аст. Бо усули  3D моделсозӣ андозаи ҳамаи қисмҳои бадан дақиқ муайян мегардад. Ҳамчунин,  навъи матоъ барои дӯхтани либоси фармоишӣ, буриши он, нақшу нигор ва ороишот, намуди кӯк, васеиву тангии қисмҳои либос нишон дода мешавад. Дар ин маврид барои дигаргун намудани модел, ворид кардани тағйирот ё иловае ба тарҳи пироҳан имкониятҳои бисёр мавҷуд аст.  Дар ин ҳолат либос баъди пурра ба талаботи мизоҷ ва ё фармоишгар мувофиқ шуданаш дӯхта мешавад.
Агар мо бо усули маъмулӣ либос дӯзонем, баъди андозагирию буридани либос дар марҳилаи аввал корҳо дастӣ анҷом дода мешавад, зеро баъди бо мошинаи дӯзандагӣ дӯхтан ҷудо кардани қисмҳо мушкил аст. Мизоҷ либоси фармудаашро пӯшида мебинад. Пас аз он, ки либосро ба тани ӯ мувофиқ сохтанд, ҷойҳои нолозимиро мебуранд ва сипас, медӯзанд, ки ин раванд, яъне дӯхтани либос чанд рӯзро дар бар мегирад. 3D моделсозӣ бошад, тамоми пешниҳоду дархости мизоҷро ба инобат мегирад ва тарҳи офаридаю дӯхташуда ҳатман ба муштарӣ писанд меояд.
Дар хотима ҳамин нуктаи муҳимро таъкид карданиям: 3D моделсозии либос бе донистани дониши компютерӣ ғайриимкон аст. Аз ин рӯ, тарроҳону дӯзандагонро лозим аст, ки техникаю технологияи компютериро омӯзанд. 
Нодира ДОМУЛЛОҶОНОВА,
ассистенти кафедраи дизайн ва меъмории Донишкадаи политехникии Донишгоҳи Техникии Тоҷикистон ба номи М.С. Осимӣ


Баёни ақида (0)    Санаи нашр: 18.01.2017    №: 13    Мутолиа карданд: 3056

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед