logo

иқтисод

"АГРОИНВЕСТБОНК". ВАЗЪИ МОЛИЯВӢ БЕҲТАР МЕШАВАД

Аз пайи «Тоҷиксодиротбонк» дар ҶСК «Агроинвестбонк» низ додани пули нақд ба муштариён аз нав роҳандозӣ гардид. «Шодмонем иттилоъ диҳем, ки ҶСК «Агроинвестбонк» дар банкоматҳои худ додани пули нақд ва пардохти маблағ аз кортҳои бонкиро дар муассисаҳои тиҷоратию хизматрасонӣ барқарор намуд. Муштариён метавонанд аз банкоматҳо ҳар рӯз ба миқдори 600 сомонӣ пули нақд гиранд. Қабули маблағҳо аз кортҳои бонкии «Агроинвестбонк» дар марказҳои тиҷорату  хизматрасонӣ номаҳдуд аст», яъне,  муштариёне, ки дорои кортҳои бонкианд, метавонанд аз муассисаҳои савдо ба андозаи дилхоҳашон мол бихаранд ё аз хизматрасониҳо баҳраманд шаванд. Дар ин бора 16 январ сомонаи ин муассисаи бонуфузи молиявии кишвар иттилоъ додааст.
«Агроинвестбонк» тобистони соли гузашта дар пайи «Тоҷпромбонк», «Тоҷиксодиротбонк» ва «Фононбонк» ба мушкили сахти молиявӣ рӯ ба рӯ гардид. Нахуст дар пушти банкоматҳои муассиса навбатҳои калон пайдо шуданд,  сипас, банкоматҳо низ аз кор монданд. Додани пасандозҳо ва фоидаи онҳо ба муштариён қатъ гардид. Фақат  муштариёни хеле ниёзманд бо пешниҳоди санадҳои боварибахш маблағҳои хеле кам мегирифтанд. Шикояти мардум аз муомилаи сарду ваъдаҳои зиёди  маъмурони ин бонк ҳам хеле зиёд шуд, зеро дар саридора ва филиалҳои бонк ба муштариёни ба суроғи пасандозҳояшон омада ба ғайр аз ваъда чизе дода наметавонистанд.
Сарвари давлат муҳтарам Эмомалӣ Раҳмон ба Ҳукумати ҷумҳурӣ супориш дод, ки барои ислоҳи вазъ чораҳои таъхирнопазир андешида шаванд ва дар Паёми навбатӣ ба Маҷлиси Олии мамлакат сокинони кишварро эътимод бахшиданд, ки онҳо пасандозҳои бонкии худро ҳатман мегиранд. Бонки миллии Тоҷикистон низ ҷиҳати аз нав ба боварии муштариён соҳиб шудани бонкҳо ва ҳимояи ҳуқуқи истифодабарандагони хизматрасониҳои бонкӣ тадбирҳо роҳандозӣ намуд. Ҳукумати Тоҷикистон ҷиҳати аз вазъи мушкили молиявӣ ва  муфлисӣ раҳондани чор бонк – «Тоҷиксодиротбонк», «Агроинвестбонк», «Тоҷпромбонк» ва «Фононбонк» 3 миллиарду 850 миллион сомонӣ ҷудо намуд, аз ҷумла, 1 миллиарду 70 миллион сомонӣ барои «Агроинвестбонк». Маҷлиси намояндагони Маҷлиси Олии мамлакат пешниҳоди Ҳукумати ҷумҳуриро дар бобати ба ҳамин маблағ баровардани коғазҳои қиматнок (векселҳо) пазируфт.
Бонкҳо метавонанд ин коғазҳои қиматнокро дар Бонки  миллии Тоҷикистон ҳамагӣ бо 2 дарсади солона ба пули нақд иваз намоянд. Коғазҳои қиматнок, тавре вазири молияи кишвар Абдусалом Қурбониён иброз дошт, ба муҳлати 5 сол бар ивази дороиҳои манқулу ғайриманқули бонкҳо бо кафолати Бонки миллии Тоҷикистон дода мешаванд. Ҳамчунин, дар ин чор бонки ба мушкили молиявӣ мувоҷеҳ шӯроҳои назоратӣ таъсис меёбанд, ки роҳбари онҳоро Ҳукумати ҷумҳурӣ таъйин менамояд.
 Тавре ба мушоҳида мерасад, мушкилоти бонкҳои Тоҷикистон дар пайи тадбирҳои роҳандозишуда тадриҷан бартараф мегардад. Ва муштариёни бонкҳоро низ аксаран на пул, балки эътимодпазирӣ ва то чӣ андоза имконияти пардохти маблағ доштани бонкҳо ба ташвиш меандозад.
А. САЙВАЛӢ,  «Ҷумҳурият»


Баёни ақида (0)    Санаи нашр: 19.01.2017    №: 14-15    Мутолиа карданд: 1612

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ

«БАҲОРИ ИСТИҚЛОЛ». ХАТСАЙРИ НАВИ САЙЁҲӢ ДАР ТУРСУНЗОДА

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр


Дар сомонаҳои дигари Тоҷикистон хонед