logo

иқтисод

ДАР ҲИФЗИ МАРЗҲО ВА МАНФИАТҲОИ МИЛЛӢ

Пайдоиши фаъолияти гумрукӣ аз замони равнақ ёфтани тиҷорату бозаргонӣ сарчашма мегирад. Тоҷикон, хусусан дар давраи давлатдории Сомониён, бо давлатҳои дуру наздики араб, Аврупо, Ҳиндустону Хитой, Эрон ва мамолики дигари Шарқ робитаҳои хуби тиҷоратӣ барқарор намуданд. Маҳз дар ҳамин давра низоми гумрукӣ, андоз ва боҷу хироҷи марзӣ ташаккул ёфт.
Дар замони шӯравӣ ягона гузаргоҳи гумрукӣ дар қаламрави Осиёи Марказӣ дидбонгоҳи гумрукии Тирмиз (ва шуъбаҳои он, аз ҷумла, шуъбаи назорати гумрукии Панҷи Поён, соли 1987) буд. Соли 1989 гумруки Ҷумҳурии Тоҷикистон таъсис ёфт. Пас аз пошхӯрии Иттиҳоди Шӯравӣ гузаргоҳи гумрукии Панҷи Поён ба Тоҷикистон мерос монду бас.
Баъди соҳибистиқлолӣ дар Тоҷикистон Кодекси гумрукӣ ва Қонуни  Ҷумҳурии Тоҷикистон «Дар бораи тарифи гумрукӣ» таҳия шуданд, ки дар Иҷлосияи таърихии 16-уми Шӯрои Олии кишвар ба тасвиб расиданд. Соли 2004 Кодекси нави гумруки Тоҷикистон қабул гардида, минбаъд мутобиқ ба меъёрҳои ҷаҳонӣ такмил ёфт.
Танзими фаъолияти иқтисодии хориҷӣ, ки ба рушди иқтисодиёт ва густариши соҳибкорӣ мусоидат мекунад, яке аз самтҳои муҳимтарини фаъолияти кормандони Хадамоти гумрук аст. «Хадамоти гумруки назди Ҳукумати Ҷумҳурии Тоҷикистон мақомоти ваколатдори ҳифзи ҳуқуқии ҳокимияти иҷроия оид ба масъалаҳои фаъолияти гумрукӣ буда, бо мақсадҳои гумрукӣ татбиқи мустақими вазифаҳоро дар соҳаи фаъолияти гумрукӣ мутобиқи қонунгузории Ҷумҳурии Тоҷикистон таъмин менамояд», - омадааст дар Низомномаи Хадамоти гумрук. Таъмин намудани истиқлолият, амнияти  миллӣ ва иқтисодии кишвар, ягонагии қаламрави гумрукӣ, воридоти саривақтии боҷу андоз ва хироҷ ба Буҷети давлатӣ, низоми интиқол, воридот, содирот, назорат ва баҳисобгирии гардиши мол, барасмиятдарории  гумрукӣ, назорати гумрукии мол ва воситаҳои нақлиёт, ки тавассути марзи гумрукӣ интиқол меёбанд, роҳандозии робитаҳо ва ҳамкориҳои соҳавӣ бо мамолики дигар ва созмонҳои байналмилалию минтақавӣ, мубориза бар зидди қочоқ ва ҷиноятҳои дигари гумрукӣ, гузарондани корҳои  профилактикӣ ва фаҳмондадиҳӣ бо соҳибкорон вазифаҳои асосии кормандони ин мақомот ба шумор мераванд.
Соли гузашта ба буҷети давлат аз ҳисоби ҷамъоварии пардохтҳои гумрукӣ 3 миллиарду 824, 8 миллион сомонӣ ворид гардид, ки нисбат ба соли пешӣ 2, 2 дарсад зиёд мебошад. Дар маҷмӯъ 2060 ҳолати нодуруст пардохт намудани боҷу андозҳои гумрукӣ ошкор сохта, аз он ба хазинаи давлат қариб 37 миллион сомонӣ ворид карда шуд. Ҳаҷми гардиши тиҷорати хориҷии кишвар ба 3 миллиарду 930 миллион доллари амрикоӣ баробар ва таносуби воридоту содирот ба нафъи содирот беҳтар шуд. Назар ба соли 2015 воридоти молу маҳсулот ба ҷумҳурӣ ба маблағи зиёда аз 400 миллион доллар коҳиш ёфта, содирот 8 миллион доллар зиёд гардид. Маблағи пардохтҳои гумрукии ҷамъоваришуда нисбат ба соли 2015 ба андозаи 207, 6 миллион сомонӣ афзуд.
Дар маҷмӯъ соли гузашта аз ҷониби кормандони мубориза бар зидди ҳуқуқвайронкуниҳои гумрукӣ 4644 ҳолати қонуншиканиҳои гумрукӣ ошкор гардид. Дар натиҷаи баррасии парвандаҳои ҳуқуқвайронкуниҳои маъмурӣ 4459 нафар шахсони мансабдор, воқеӣ ва ҳуқуқӣ ба ҷавобгарии маъмурӣ кашида, ба маблағи 7 миллиону 410, 1 ҳазор сомонӣ пардохтҳои гумрук ва ба маблағи 7 миллиону 884, 8 ҳазор сомонӣ ҷарима ба фоидаи буҷети давлат ситонда шуд.
Кормандони гумруки ҷумҳурӣ аз аввалин рӯзҳои соҳибистиқлолӣ дар иҷрои вазифаҳои хидматӣ содиқ мондаанд. Мардонавор садди роҳи онҳое шуданд, ки аз вазъи ноором истифода бурда, Тоҷикистонро ғорат кардан мехостанд. Онҳо ҳатто дар лаҳзаҳои душвортарин вазифаи худро софдилона адо намуданд. Ёди неки Мавлон Олимов, Алмос Гадоев, Назирмад Гулмадов, Рустамбек Ғаниев, Ғоиб Мирзоев, Шавкат Агаев, Алӣ Имомназаров, Сергей Ситковитский, ки дар роҳи ҳифзи манфиатҳои Ватан вазифаҳои хидматии худро сарбаландона адо намуда, қаҳрамонона ҷон бохтанд, ҳамеша дар дилҳост.
Кормандони Хадамоти гумрук имрӯзҳо ба анъанаи неки гумрукчиёни аввалину далери Тоҷикистони соҳибистиқлол содиқ монда, барои ҳифзи марзҳо ва манфиатҳои гумрукии Ватан  пайваста малакаю маҳорат ва дониши касбии худро сайқал медиҳанд.
С. АЗИЗӢ, «Ҷумҳурият»   


Баёни ақида (0)    Санаи нашр: 20.01.2017    №: 16    Мутолиа карданд: 1856

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД


Дар сомонаҳои дигари Тоҷикистон хонед