logo

мулоқотҳо

Эмомалӣ Раҳмон соҳибкорони афғонро пазируфт

Президенти Ҷумҳурии Тоҷикистон Эмомалӣ Раҳмон 4 августи соли 2009  як гурӯҳ вазирон ва соҳибкорони бонуфузи  Ҷумҳурии Исломии Афғонистонро, ки таҳти сарварии вазири маъданҳои ин кишвар Муҳаммад Одил Иброҳим ба шаҳри Душанбе ташриф овардаанд, ба ҳузур пазируфт.
Дар мулоқот масоили ҳамкории гуногунҷанбаи Тоҷикистону Афғонистон баррасӣ шуданд.

Таваҷҷӯҳи зиёд ба татбиқи санадҳои дуҷонибаи ҳамкорӣ ва ба амалӣ намудани мувофиқаҳое зоҳир гардид, ки ҳафтаи гузашта дар мулоқоти сеҷонибаи сарони давлатҳои Тоҷикистон, Афғонистон ва Покистон ва дар мулоқоти чорҷонибаи онҳо бо ҳамроҳшавии Президенти Федератсияи Русия дар шаҳри Душанбе, ҳосил гаштанд.
Аз густариши робитаҳои иқтисодию тиҷоратии Тоҷикистону Афғонистон, ки натиҷаи возеҳи роҳкушоиҳои миёни ду кишвар аст, изҳори қаноатмандӣ карда шуд.
Намоиши имрӯзаи маҳсулоти кишоварзӣ ва саноатии Афғонистон дар шаҳри Душанбе қадами навбатӣ ва таконбахши робитаҳои тиҷоратии ду кишвари ҳамсоя маънидод гардид.
Ҳар ду ҷониб таъкид бар он доштанд, баҳри амалӣ намудани нақшаҳои стратегии дорои аҳамияти минтақавӣ доир ба бунёди нерӯгоҳҳои барқӣ, хатҳои интиқоли нерӯи барқ, роҳҳои оҳану мошингард ҷаҳду талош менамоянд, то ба афзоиши қобилияти истеҳсолӣ, содиротӣ ва транзитии ду кишвар дастёб гарданд. Масоили вобаста ба густариши ҳамкории фарҳангӣ низ аз мавзӯъҳои муҳими сӯҳбат буд.

Муҳаммад Одил Иброҳим, вазири маъданҳои Ҷумҳурии Исломии Афғонистон, ки таҳти сарварии ӯ як гурӯҳ вазирон ва соҳибкорони ин кишвар ба Душанбе ташриф овардаанд, пас аз дидору гуфтугӯ бо Эмомалӣ Раҳмон, Президенти Ҷумҳурии Тоҷикистон, андешаҳояшро аз натиҷаҳои мулоқот ба хабарнигорон чунин иброз дошт:
-Зимни мулоқоти пурмӯҳтаво бо Эмомалӣ Раҳмон, Сардори давлати Тоҷикистон, мо асосан дар бораи густариши робитаҳои иқтисодиву тиҷоратӣ, фарҳангӣ, эҷоди ҳамкориҳои минтақавӣ ва тамаддунҳои ҷадид табодули назар намудем.
Зикр гардид, ки нахустин Намоишгоҳи дастовардҳои иқтисодии Ҷумҳурии Афғонистон, ки бо дастгирии Ҳукумати Ҷумҳурии Тоҷикистон онро  Палатаи савдо ва саноати ҷумҳурӣ ва утоқи тиҷорату саноеъи Афғонистон ташкил карданд, ба хотири таҳкими равобити иқтисодӣ ва тиҷории байни туҷор ва сармоягузорони Тоҷикистону Афғонистон, инчунин густариши фаъолиятҳои тиҷории ҳарду кишвар аст.
Вазир тазаккур дод, ки ин аввалин намоишгоҳ дар қаламрави Осиёи Миёна мебошад. Мо пештар Намоишгоҳи дастовардҳои иқтисодии Афғонистонро дар кишварҳои Аврупо, Амрико ва Чин доир карда будем. Умедвор ҳастем, ки чунин чорабиниҳо соле чанд бор дар ҳар ду кишвар баргузор шаванд.
-Мо,- афзуд Муҳаммад Одил Иброҳим,- ду миллате ҳастем, ки солҳои сол бо ҳам тамаддун сохтем ва онҳоро ба ҳайси ниёз ба дунё ба мерос гузоштем, ки чандин ҳазор сол собиқа доранд.
Имрӯз фурсати бисёр мусоид аст, ки ба унвони ду кишвари мустақил ва дӯсту бародар дар бахши эҷоди тамаддунҳои ҷадид, эҷоди ҳамкориҳои минтақавии ҷадид, эҷоди равобити иқтисодиву тиҷоратӣ ва фарҳангии  ҷадид бори дигар нақши муассири худро гузорем. Аз ин на танҳо Тоҷикистону Афғонистон, балки тамоми кишварҳои минтақа ва ҷаҳон манфиат мебинанд,- гуфт вазири маъданҳои ҶИА.

Додоҷон Рӯзиев, «Ҷумҳурият»


Баёни ақида (0)    Санаи нашр:    №:    Мутолиа карданд: 564

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед