logo

сиёсат

ТОҶИКИСТОНУ ЧЕХИЯ. ҲАМКОРИҲО ГУСТАРИШ МЕЁБАНД

Чанде пеш дар Китобхонаи миллӣ ҳамоиши соҳибкорони  Тоҷикистону Чехия бо иштироки Шукурҷон Зуҳуров,  Раиси Маҷлиси намояндагони Маҷлиси Олии Ҷумҳурии Тоҷикистон, Ян Ҳамачек,  Раиси Палатаи намояндагони Парлумони Ҷумҳурии Чехия ва роҳбарони сохторҳои давлатӣ баргузор шуд.
Робитаҳои Ҷумҳурии Тоҷикистон бо кишварҳои узви Иттиҳоди Аврупо, бахусус  Чехия, дар асоси анъанаҳои дӯстию бародарӣ ва эҳтироми мутақобила панҷ сол муқаддам  оғоз гардидааст. Ҳукумати  мамлакат Ҷумҳурии Чехияро дар Аврупо ба сифати шарики боэътимод эътироф карда, аз сатҳи имрӯзаи ҳамкориҳои  дуҷониба қаноатманд мебошад. Дар муносибати  муосири байнидавлатии Тоҷикистону Чехия сафари расмии  Милаш Земан,  Президенти Ҷумҳурии Чехия, ба Тоҷикистон ва сафари расмии ҷавобии  Эмомалӣ Раҳмон, Президенти Ҷумҳурии Тоҷикистон, ба Чехия ва дар доираи ин сафарҳо баргузор шудани ҳамоишҳои соҳибкорону сармоягузорон падидаи муҳимтарин маҳсуб ёфта, яқинан, ба ҳамкориҳои гуногунҷанбаи ҳар ду ҷониб такони нав бахшид. Баргузории ҷаласаи якуми Гурӯҳи кории доимии байнисоҳавии Тоҷикистону Чехия оид ба масъалаҳои ҳамкории иқтисодӣ ва тиҷоратӣ ва ҳамоиши соҳибкорони Тоҷикистону Чехия дар моҳи январи соли 2016 барои боз ҳам тақвият ёфтани ҳамкориҳои ҳар ду кишвар  дар самти сармоягузорӣ, тиҷорат, саноат, энергетика, маориф ва илм, туризм, кишоварзӣ ва нақлиёт заминаи устувор гузошт.
Тавре Файзиддин Қаҳҳорзода, раиси Кумитаи давлатии сармоягузорӣ ва идораи амволи давлатии ҷумҳурӣ, зикр  кард, дар панҷ соли охир ҳаҷми сармоягузориҳои  Ҷумҳурии Чехия ба иқтисодиёти Тоҷикистон 8,7 миллион доллари амрикоиро ташкил дод, ки аз он 8 миллион сармояи мустақим мебошад. Бо вуҷуди ин, муносиботи сиёсию иқтисодии ҷонибҳо ба беҳбудӣ ниёз дошта, ба роҳ мондани ҳамкориҳои бештареро  тақозо менамоянд.
Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон, иброз дошт: «Дар ояндаи наздик барои густариши ҳамкориҳои дуҷониба Шӯрои сармоягузории  Тоҷикистону Чехияро  таъсис хоҳем дод.  Мо ҳоло дар чаҳорчӯбаи Стратегияи миллии рушди кишвар барномаҳои калон ва судоварро дар соҳаҳои гидроэнергетика, саноат, кишоварзӣ, бунёди инфрасохтори туризм ва нақлиёт роҳандозӣ намуда истодаем. Дар ин самт бо  давлати мо   Чехия, Русия, Эрон, Ҳиндустон, Қатар, Ҷопон  ва ИМА ҳамкорӣ доранд,  вале татбиқи пурраи барномаҳои таҳияшуда сармоягузории боз ҳам зиёдтари кишварҳои хориҷиро тақозо менамояд».
Зикр гашт, ки дар соҳаи кишоварзӣ барои сармоягузорӣ ва густариши ҳамкориҳо  бо Чехия  имкониятҳо  бобати таъсиси корхонаҳои муштараки   чорводорӣ, истеҳсолу содироти меваву сабзавот, коркарди маҳсулоти кишоварзӣ ва занбӯриасалпарварӣ мавҷуданд. Самтҳои  дигари ҳамкориҳои  Тоҷикистону Чехия коркарди нахи пахта, алюминийи аввалия  шуда метавонанд.
Дар анҷоми ҳамоиш   байни  корхонаю ширкатҳои ҳар ду кишвар оид ба соҳаи хизматрасониҳои коммуналӣ ва истеҳсоли  дору  Ёддошти тафоҳум ба имзо расид.
Иронбӣ  МӮСОЗОДА, «Ҷумҳурият»


Баёни ақида (0)    Санаи нашр: 16.02.2017    №: 36    Мутолиа карданд: 1994

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед