logo

сиёсат

СИРОҶИДДИН АСЛОВ: «НИЁЗИ ҲАЁТАН МУҲИМИ КИШВАРҲОИ МО СУБОТ ВА АМНИЯТ АСТ»

Дар ҷараёни мулоқоти вазирони корҳои хориҷии Ҷумҳурии Тоҷикистон Сироҷиддин Аслов ва Ҷумҳурии Исломии Афғонистон Салоҳиддин Раббонӣ дар шаҳри Душанбе масоили марбут ба тавсеаи муносибатҳои дуҷониба ва мавзӯъҳои минтақавию байналмилалии мавриди таваҷҷуҳи тарафайн баррасӣ шуданд.

Сироҷиддин Аслов боздиди вазири корҳои хориҷии Ҷумҳурии Исломии Афғонистонро аз Ҷумҳурии Тоҷикистон идомаи мантиқии муколамаи мунтазам ва созандаи ду кишвари дӯсту бародар арзёбӣ намуд. Зикр кард, ки Тоҷикистон ва Афғонистон дорои пайвандҳои ниҳоят амиқи таърихӣ ва муштаракоти иҷтимоӣ, фарҳангӣ ва маънавӣ мебошанд. «Ниёзи ҳаётии кишварҳои мо субот ва амният аст. Дар ин замина мо дар фазои ҳусни тафоҳуми комил ва мавқеъгирии созанда доираи васеи масъалаҳои дуҷонибаю бисёрҷонибаро баррасӣ карда, перомуни мавзӯъҳои мубрами минтақаӣ ва глобалӣ мубодилаи афкори судманд намудем», - иброз дошт Сироҷиддин Аслов. - Ниёзи дигари ҳаётии мо ин таъмини ҳамкории сатҳи муосир дар арсаҳои иқтисоду тиҷорат мебошад. Аз ин дидгоҳ, дар ҷараёни музокироти васеи ҳайатҳо ба аҳамияти густариши  беш аз пеши ҳамкорӣ дар соҳаҳои зербиноӣ ва иқтисодӣ, ҳамлу нақл, энергетика, коммуникатсия, кишоварзӣ, саноат, фарҳанг, илму маориф ва соҳаҳои дигар дар партави дастуру ҳидоятҳои роҳбарони олии ду кишвар ва тавофуқҳое, ки дар сатҳи олӣ ҳосил шудаанд, таваҷҷуҳи хос зоҳир гашт.
Бо ишора ба аҳамияти ҳамкориҳо ва ҳамгироии иқтисодии минтақавӣ дар таъмини рушди босуботи Афғонистон, татбиқи тарҳҳои зерсохторӣ ва барномаҳои иқтисодию энергетикии дорои аҳамияти миллию минтақавӣ зарур шумурда шуд. Ба гуфтаи Сироҷиддин Аслов, ҷонибҳо зарурати таҳкими ҳамкориро дар самти мубориза бар зидди терроризми байналмилалӣ, ифротгароӣ, қочоқи маводи мухаддир ва дигар чолишҳои амнияти минтақа ва ҷаҳон тасдиқ намуданд. Ҷумҳурии Тоҷикистон нақши неруҳои миллии Ҷумҳурии Исломии Афғонистонро дар самти мубориза бар зидди гурӯҳҳои террористию ифротгаро муҳим арзёбӣ кард. Гуфта шуд, ки ҳамкориҳои ду кишвар дар чаҳорчӯбаи созмонҳои байналмилалӣ ва минтақавӣ, аз ҷумла Созмони Милали Муттаҳид, Созмони ҳамкории иқтисодӣ ва Созмони ҳамкории исломӣ дар сатҳи баланд қарор доранд.   Ҷумҳурии Тоҷикистон бори дигар ҷонибдории худро аз узвияти комили Ҷумҳурии Исломии Афғонистон дар Созмони ҳамкории Шанхай иброз намуд.
Салоҳиддин Раббонӣ, вазири корҳои хориҷии Ҷумҳурии Исломии Афғонистон, изҳор дошт, ки тоҷикон ва афғонҳо бо пайвандҳои гусастнопазири забонӣ ва фарҳангӣ дар тӯли таърих ба гунаи мусолиматомез дар канори ҳам зиста, хушбахтона, ҳеҷ гоҳе дар равобити ҳамдигар танишеро дучор нагардидаанд. Афғонистон нахустин кишваре буд, ки 12 декабри соли 1992 Истиқлолияти давлатии Ҷумҳурии Тоҷикистонро ба расмият шинохт ва 13 июли ҳамон сол робитаҳои дипломатӣ барқарор намуд. Вазири корҳои хориҷии Ҷумҳурии Исломии Афғонистон таъкид кард, ки «Таъмини амнияти сарҳадоти миёни кишварҳоямон аз авлавиятҳои неруи миллии дифоӣ ва амниятии Афғонистон буда, ба ҳеҷ гурӯҳе иҷозат намедиҳанд, ки аз сарзамини мо ба амнияти кишварҳои ҳамсоя  халал ворид созанд».
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 17.02.2017    №: 37    Мутолиа карданд: 1544
22.06.2017


Вохӯрии Рустами Эмомалӣ ва Улуғбек Розуқулов

Баргузории ҳамоиши соҳибкорони Тоҷикистону Ӯзбекистон

Баррасии таҳкими ҳамкориҳои фарҳангӣ

Тавсеаи муносибатҳо бо Кувайт

Ҷаҳон дар як сатр

Мухолифини Сурия ба президентии Асад дар марҳилаи гузариш ризоият доданд

Дар Филиппин мактабро аз чанги ҷангиён раҳо сохтанд

Шоҳи саудӣ вориси нави тахтро интихоб намуд

Аз боронҳои сел даҳҳо ҳазор ҷопонӣ тарки манзил кард

Дар Қазоқистон ислоҳоти тиб роҳандозӣ мешавад

21.06.2017


Густариши ҳамкориҳо бо Бонки осиёии рушд

Вохӯрӣ бо ҳайати раёсати мубориза бар зидди ҷиноятҳои муташаккил

Тақвияти мубориза алайҳи гардиши ғайриқонунии маводи мухаддир

Ваҳдати миллӣ - бузургтарин дастовард

Ҷаҳон дар як сатр

Кобул нақшаи нави муқовимат бо “Толибон”- ро таҳия мекунад

Таваҷҷуҳи хосаи Фаронса ба озодсозии Раққаи Сурия

Вазъи Афғонистон боиси хавотирии СААД шудааст

Русия ҳама қарзҳои Қирғизистонро бахшид

Чин ва кишварҳои Африқо мубориза бо қашшоқиро баррасӣ менамоянд

20.06.2017


Баистифодадиҳии бузургтарин аквапарки мамлакат

Мулоқот бахшида ба 20-солагии Рӯзи Ваҳдати миллӣ

Муовини сарвазири Ӯзбекистон ба Душанбе омад

Мубодилаи тасдиқномаҳо оид ба бозпас гардондани маҳкумшудагон

"Роҳи Ваҳдат"

Як нишасти муҳим

Ҷаҳон дар як сатр

Португалия: оқибати фоҷиабори сӯхтори ҷангал

Си Ҷинпин: «10 соли наздик барои БРИКС «давраи тиллоӣ» хоҳад шуд»

Соли 2040 дар Замин беш аз нисфи неру барқароршаванда хоҳад гашт

Дар Брюссел музокирот оид ба Брексит оғоз ёфт

Нахустин қатораи мусофирбар аз Душанбе ба Остона расид

Варзиш

19.06.2017


Баррасии масоили тақвияти истеҳсолоти воридотивазкунанда

Мулоқоти Сироҷиддин Аслов ва Ҳю Филпотт


Дар сомонаҳои дигари Тоҷикистон хонед