logo

сиёсат

ТОҶИКИСТОНУ ТУРКИЯ. 25 СОЛИ ҲАМКОРИҲОИ САМАРАБАХШ

Аз оғози ҳамкориҳои судманд ва муносибатҳои дипломатии   Тоҷикистону Туркия 25 сол сипарӣ шуд. Бахшида ба ин санаи муҳим дар меҳмонхонаи «Шератон» - и пойтахт ҳамоиши навбатии доираҳои соҳибкории ҳар ду ҷониб баргузор гардид. Беш аз 200  соҳибкор ва намояндагони тиҷоратии ду кишвар масоили  густариши минбаъдаи ҳамкориҳо ва фароҳам овардани фазои мусоиди тиҷоратиро баррасӣ намуданд. Таваҷҷуҳи асосӣ ба татбиқи лоиҳаҳои муштарак, мусоидат ба рушди сармоягузорӣ ва соҳибкорӣ равона гардид. 

Дар муносибатҳои ду кишвар таъсис ва такомули пайвастаи заминаи  қарордодию ҳуқуқӣ муҳим арзёбӣ шуд. Сарфи назар аз таъсири буҳрони молиявӣ муносибатҳои дуҷонибаи Тоҷикистону Туркия ба тадриҷ густариш меёбанд. Аз оғози соли 2017 байни ду кишвар зиёда аз 65 созишномаи дуҷониба ба имзо расид. 
- Туркия дар даҳсолаи охир бо пешравии назарраси иқтисодӣ ҳамчун давлати тараққикарда шинохта шудааст. Бо вуҷуди ин, ҳанӯз ҳам имкониятҳои воқеии ҳар ду кишвар ҷиҳати ба роҳ мондани робитаҳои  иқтисодию тиҷоратӣ истифода намешаванд. Соли гузашта табодули мол байни ду кишвар маблағи 315 миллион доллари амрикоиро ташкил дод, ки дар қиёс ба соли 2015 нисбатан кам мебошад, - иброз дошт вазири рушди иқтисод ва савдои Ҷумҳурии Тоҷикистон Неъматулло Ҳикматуллозода зимни суханронӣ. Таъкид гардид, ки Тоҷикистон ба ҳамкориҳо бо Туркия бештар дар бахшҳои коркарди ниҳоии нахи пахта, истеҳсоли маҳсулоти кимиёӣ ва маҳсулоти дигари кишоварзӣ, қисмҳои эҳтиётӣ барои мошину таҷҳизот ва масолеҳи сохтмонӣ ҳавасманд аст.
Йилдирим Туғрул Тюркеш, муовини Сарвазири Ҷумҳурии Туркия, ба таъкид аз густариши ҳамкориҳои тоҷику турк изҳор намуд, ки танҳо бо савдои молу маҳсулот ба даст овардани манфиати бештар ба гумон аст, аз ин лиҳоз, бояд ба истеҳсолот рӯ овард. Туркия яке аз шарикони асосии тиҷоратии Тоҷикистон маҳсуб меёбад. Фароҳам будани шароити хуби ҳамкориву сармоягузорӣ ва захираҳои ғании ашёи хоми ватанӣ имкон медиҳанд, ки ҳамкориҳоро дар соҳаҳои иқтисодиёт, маориф, сайёҳӣ ва тандурустӣ минбаъд пурқувватар гардонем, соҳаҳои энергетика, нақлиёт ва хизматрасониҳои бонкиро низ таҳким бахшем.  Аз ҷумла тавассути созмон додани корхонаҳои муштарак ва ворид намудани таҷҳизоту технологияҳои зарурӣ дар бахши коркарди чарм, пахта, пила, маҳсулоти кишоварзӣ метавон ба натиҷаҳои назаррас расид. Азбаски Туркия яке аз давлатҳои пешрафтаи сайёҳӣ ба ҳисоб меравад, омӯзиш ва истифодаи таҷрибаи ғании он дар самти сайёҳӣ (сохтмони меҳмонхонаҳо, пойгоҳҳои истироҳату кӯҳнавардӣ ва инфрасохтори дигари сайёҳӣ) ва омодасозиву бозомӯзии мутахассисони соҳа аз манфиат холӣ нест. Фикр мекунам, баргузории ин чорабинии муҳим доираи фаъолияти соҳибкорону тоҷирони ду ҷониби ба ҳам дӯстро васеъ намуда,  ба рушди минбаъдаи муносибатҳои тиҷоратӣ байни ду кишвар ва боло рафтани иқтидори содиротии мамлакат мусоидат хоҳад кард.
Оҳистамоҳи ВАФОБЕК, “Ҷумҳурият”


Баёни ақида (0)    Санаи нашр: 21.02.2017    №: 39    Мутолиа карданд: 1691

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед