logo

сиёсат

КОМИССИЯИ ОЛИИ АТТЕСТАТСИОНӢ. ОҒОЗИ КОР, МУШКИЛОТ ВА ДУРНАМО

Пешвои миллат муҳтарам Эмомалӣ Раҳмон бо таваҷҷуҳ ба вазъи воқеӣ ва мушкилоти тайёр кардани кадрҳои илмӣ ва илмӣ - омӯзгории тахассуси олӣ ҳанӯз соли 2011 ҳангоми вохӯрӣ бо устодону донишҷӯёни макотиби олии кишвар зарурати таъсис додани як сохтори алоҳидаю мустақилро таъкид намуда буданд. Воқеан, зарурати таъсиси чунин як ниҳоди мустақил фаро расида, бунёди онро заминаву омилҳои зерин тақозо мекард: - соҳибистиқлолии давлат ва таъмини мустақилияти мамлакат дар ин самт; афзудани талабот ба кадрҳои илмӣ ва илмӣ - омӯзгории тахассуси олӣ дар кишвар; ба забони илм табдил додани забони тоҷикӣ; аз тарафи “ВАК”- и Вазорати маориф ва илми Федератсияи Россия баста гардидани фаъолияти аксарияти шӯроҳои диссертатсионӣ; ба фазои ягонаи таҳсилоти байналмилалӣ пайваст гардидани Ҷумҳурии Тоҷикистон; таъсис ёфтан ва ба фаъолият оғоз кардани комиссияҳои олии аттестатсионӣ  дар ҷумҳуриҳои собиқи шӯравӣ.

Ҳамин гуна  як  ниҳоди мустақил, ки бевосита масъулияти назорату тайёр кардани кадрҳои илмӣ ва илмӣ - омӯзгории тахассуси олиро ба уҳда дошта бошад, бо номи Комиссияи олии аттестатсионии назди Президенти Ҷумҳурии Тоҷикистон бо Фармони Президенти Ҷумҳурии Тоҷикистон таҳти № 225, аз 12 августи соли 2014 таъсис ёфт. Таъсиси ин комиссия як муждаи тозаву фараҳафзо ва рӯйдоди таърихии дорои аҳамияти  калони сиёсӣ, байналмилалӣ ва илмию амалӣ мебошад. Онро бахусус доираи васеи муҳаққиқону олимони ҷавон бо қаноатмандӣ истиқбол намуданд.
Дар яке аз ҷаласаҳои Ҳукумати Ҷумҳурии Тоҷикистон се санади асосии меъёрии ҳуқуқие, ки раванди тайёр кардани кадрҳои илмӣ, илмӣ - омӯзгории тахассуси олиро танзим менамояд - “Низомномаи намунавӣ оид ба Шӯрои диссертатсионӣ”, “Тартиби бақайдгирии давлатии рисолаҳои илмии ҳимояшуда” ва “Тартиби додани дараҷаҳо ва унвони илмӣ (дотсент, профессор)” мавриди баррасӣ ва муҳокима қарор гирифтанд.
Пешвои миллат муҳтарам Эмомалӣ Раҳмон дар Паёми навбатиашон ба Маҷлиси Олии кишвар ба нақши калидии илм дар рушди тараққиёти давлат дигарбора ишора намуда, аз вазъи корҳои илмӣ чунин ибрози нигаронӣ намуданд: “Илм дар шароити муосир нақши калидӣ дошта, ба рушду тараққиёти давлат мусоидат менамояд. Мутаассифона, дар кишвари мо ихтироъкорӣ ва навоварӣ ҳанӯз кам буда, бозёфтҳо дар илмҳои дақиқ ва техникиву технологӣ назаррас нестанд. Дар  замоне, ки илму технология бо суръати кайҳонӣ пеш меравад, дар илми тоҷик навгонӣ ва ташаббусҳои илмӣ кам ба мушоҳида мерасад, афроди лаёқатманд, ихтироъкор ва навҷӯ ба ҷодаи илмҳои дақиқ ҷалб карда намешаванд ва мавзӯъҳои фармоишӣ барои талаботи давлат равона намегарданд. Дар мамлакат дар шароити имрӯза рушди илмҳои бунёдӣ муҳим ва афзалиятнок буда, пешбурди корҳои илмиву таҳқиқотӣ вазифаи аввалиндараҷаи олимони ин соҳа маҳсуб меёбад, ки он беҳбудии ҷиддӣ мехоҳад”. Албатта, ин эродҳои Президенти кишвар воқеият доранд ва ҳар як нафареро, ки ба илм ва корҳои илмӣ - таҳқиқотӣ иртибот дорад, бетараф гузошта наметавонанд.
Комиссияи олии аттестатсионии назди Президенти Ҷумҳурии Тоҷикистон, аз ҷумла тамоми дастуру супоришҳои Пешвои миллат, Президенти мамлакат муҳтарам Эмомалӣ Раҳмонро сармашқи фаъолияти ҳамарӯзаи хеш қарор додааст. То имрӯз зиёда аз 100 шаҳодатномаи ихтисосҳои илмӣ таҳия гардида, дар ин самт корҳо идома доранд. Дар ибтидои соли ҷорӣ нахустин шумораи маҷаллаи иттилоотии “Бюллетени КОА” №1 (январ - март) бо сифати баланд нашр шуд.
Баробари ба тасвиб расидани Қарори Ҳукумати Ҷумҳурии Тоҷикистон № 505, аз 26 ноябри соли 2016 “Дар бораи тасдиқи Низомномаи намунавӣ оид ба шӯрои диссертатсионӣ. Тартиби додани дараҷаҳои илмӣ  ва унвони илмӣ (дотсент ва профессор) ва Тартиби бақайдгирии давлатии рисолаҳои илмии ҳимояшуда” амалан роҳ барои таъсиси шӯроҳои ҳимоя аз рӯйи дараҷаҳои илмии доктор PhD, доктор аз рӯйи ихтисос кушода шуд. Акнун макотиби олии кишвар, пажӯҳишгоҳҳо метавонанд аз рӯйи талаботи “Низомномаи намунавӣ” шӯроҳои диссертатсиониро таъсис диҳанд.
Албатта, ҳанӯз корҳои зиёде дар пешанд. Итминони комил дорам, ки бо аҳли зиё ва мутахассисон тамоми мушкилоти ин ҷараён тадриҷан бартараф мегардад.
А. РОЗИҚЗОДА,
раиси Комиссияи олии аттестатсионии
назди Президенти Ҷумҳурии Тоҷикистон


Баёни ақида (0)    Санаи нашр: 21.02.2017    №: 39    Мутолиа карданд: 1896

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед